1234

مثل الجنون وأكثر والي ماخطر فالباإل وحدك يامشاعل جنوني

روايتي الاولى - رواية قصة لم تكتمل
  • ارسال إلى Twitter
  • ارسال إلى facebook
  • ارسال إلى google plus
    1. ¬•,أنثى إستثنآأإئيه }
      01-03-2010, 12:14 PM

      مثل الجنون وأكثر والي مآخطر فالبآإل وحدك يآمشاعل جنوني

      مثل الجنون وأكثر والي ماخطر فالباإل وحدك يامشاعل جنوني


      صباحكم طهر و ود / مسساإئكم طيبه ..
      أمممم ح اكتب قصه طويله من بنات افكاإري
      او ل نقل روايه ، بطلة الروايه أنا ولكن
      مغلفه بإسم {مشاعل} أحب هالإسم
      الشخصيه يمكن الاهتمامات والمشاعر
      الخيال الأفكار و الإبداع و الجنون و الفلسفه
      كولها ح تكون ف مشاعل اللي هي هدى
      مثل ماهي و ان كان فيها زياده من الخيال
      و لكن الاشخاص والاحداث والمواقف و مجمل
      الباقي ف الروايه من نسسج خيالي و بنات أفكاإري ..
      تعني هالسطور الي فيها الكثير
      يمكن اكون حققت احلامي فيها يمكن اكون
      عشت جزء من حياتي فيها يمكن اكون شرحت نفسي
      فيها بشكل او باخر يمكن اكون وصلت اشياء
      ماقدرت اوصلها ب كلامي يمكن و يمكن ..
      يعني كأني غمضت عيوني و جلست أحلم حلم طويل بإسسم مششاعل .. !!
      كتبت قبل بس ماكملت و هالمره ح كملها
      معاكم وانتو تتابعوني ..
      تأكدو اني كتبت باحسساس ومن الاعماق
      الى الاعماق ..

      / أنثى إستثناأإئيه } ه د ى


      العنوان ::

      ¬•مثل الجنون وأكثر .. والي ماخطر فالباإل وحدك يامشاعل جنوني !}


      البارت الاول


      الساعه ٦:٣٠ المغرب
      مششاعل نايمه ف سريرها الكبير
      ومغطيها وجهها باللحاف الابيض الناعم
      مو طالع منها غير رجولها والابجوره شغاله
      اضاءتها زرقاء و التكييف شغال الغرفه بارده
      و هدوء وبس انفاس مشاعل و اثر ريحه
      من عطرها ، نايمه من الظهر كان اخر يوم
      لها ف جامعه اخر سنه خلصت اختبارات
      ،غرفتها كبيره مقسمه لقسمين وحمام
      القسم الاول فيه السرير كبير ف وسط الغرفه
      و التسريحه ف الجهه المقابله و سجاده
      مخططه ب ازرق وموف هادي من النوع
      الي كله شعر مابين السرير والتسريحه
      وارضيه سيراميك ابيض الجهه الثانيه من
      السرير في شباك كبير بحيث يصل للارض
      وفيه باب للبلكونه ، وستاره طويله زرقاء
      لونها هادي وخلفها قماش خفيف ابيض
      وكلها واصله للارض ، القسم الثاني
      فيه اريكه كبيره لونها فوشي وسساده
      بيضاء وحولها كنب ابيض صغير كلاسيك
      والارضيه سيراميك وسجاد ابيض
      وعليها وسادات ملونه كبار مششاعل
      تحب المخدات الملونه احمر فوشي وردي
      ابيض ازرق اصفر تفاحي اورنج ومرتبه
      بشكل عشوائي وثلاجه صغيره ب الزاويه
      وحوض سمك كبير قريب منها ومرايه كبيره
      مزينه الجدار مرسوم عليها ب الاطراف
      ،هاذي غرفه مششاعل الكبيره وعالمها
      الخاص فيها وحدها ، رن جوال مشاعل
      (صاحب السمو) يتصل بك
      يررن يررن ومششاعل تتقلب
      مشاعل : ياربيه فيا نوم تسدد الايام اللي راحت
      خذت الجوال من ع الكومدين وردت
      مشاعل : هلا خالد فيها نوم
      خالد : هلا بك ، ماصحيتي !
      مشاعل : لا ياستاذ بس انت صحيتني
      خالد : انا بروح المعرض ابوي موصيني
      بشغله ، وقال تطمن ع اختك ، عششان
      كذا داق عليك ياحلوه تبيين شيء ؟
      مشاعل : وين بابا ؟
      خالد : طالع مع واحد من ربعه
      عندهم شغل ف شركه
      مشاعل : خلودي بطلب منك طلب قول تم !
      رفعت اللحاف وتربعت ع سرير
      خالد : قولي شكل وراك شيء دام فيها
      خلودي
      مشاعل : حرام عليك يالدوب يعني انا
      مادلعك لاتنكر معروفي بسس
      خالد : ههههههه اللحين ددلعك لي معروف
      اخلصي علي طيب وشش تبين قولي اسمعك؟
      مشاعل : بروح معاك المعررض امانه خلود !!
      خالد : نعععم !!!
      معرض سيارات وشش تبين فيه؟
      شكل الجامعه حاست مخك ياحلوه
      مشاعل : خالد تكفون تكفى اسسوي
      لك اللي تبي بس ودني معك بتبكي البنت
      حشى عشان معرض سيارات خخخ
      خالد : ههههه انهبلتي مشاعل ليش وش
      بتسوين تتصورين مع السيارات مثلا!
      مشاعل : ههههههههه لا انت بتششوف
      بليز خالد تعرف انيي اموت ع اللكزس
      الاسسود ودني تكفى حبيبي خلود لاتصيحين عيب عشن سياره ههههه
      خالد : لاحول ولاقوه الا بالله يا ذا اللكزسس
      مشاعل نشبت له نششبه اوب صاحيه
      الا تروح معاه معرض السيارات ، عايله
      مشاعل من الطبقه الراقيه مسستواهم المادي توب ، ابوها تاجر كبير عنده شركات
      وفرع ف الامارات وفرع ف مصر وفرع
      ف باريس غير الفروع اللي ف السعوديه
      ،امها متوفيه من يوم كانت ٦سنوات
      عندها اخو واحد اسمو خالد هي دلوعه
      ابوها وخالد عمره ٢٧سنه بينهم خمس سنوات مشاعل عمرها ٢٢ سنه ..

      مششاعل نطت من السرير ماصددقت
      وافق خالد ع طول قامت توضت وصلت وراحت تجهز ربع ساعه و يوصل ..
      خذت شور سرريع و لبست تنوره ميدي
      جينز كحليه و بلوزه بيضاء كم جابنيز
      عليها بخ فضي ورفعت شعرها المبلول
      ولبست عبايتها ولفت الطرحه وشالت شنطتها
      و خذت الجوال ونزلت تحت ركض ..
      توه خالد داخل مع الباب الرئيسي للفله
      ودخل الصاله وطارت عنده يالبى اللكزس
      غاسله مخها الظاهر خخخخ
      خالد : اعصابك لاتطيحين بذا الكعب خخخ
      مشاعل : ههههههه والله مبسسسوطه
      بشوفها !
      خالد: مين هيا ؟
      مشاعل : اللكزسس الاسود يا ذكي
      خالد فقع ضحك عليها ههههههههههههه
      خالد : لازال مستمر ف ضحك وقالها
      يلا مشينا يا الخبله انتي والكزس ..
      250*300 Second
    2. ¬•,أنثى إستثنآأإئيه }
      01-03-2010, 12:15 PM

      مثل الجنون وأكثر والي ماخطر فالباإل وحدك يامشاعل جنوني


      يتبع /


      وقف خالد سيارته البي ام السسوداء
      عند معرض تويوتا نزلت مشاعل ومسكت يده ودخلو معرض مع بعض ..
      جلسوا يتفرجو ع سيارات ومشاعل ناشبه
      له ودني عند اللكزس خخخخ
      خالد : شعوله ترى جننتيني
      راحو عندها وركضت مشاعل عندها
      لونها اسسود مثل اللي تحبه مششاعل
      تموت عليها من داخلها بيج والدركسون
      جلد بيج احس مشاعل انهبلت لحد يلومها
      ^^
      خالد جالس يكلم روحه هاذي اشفيها
      كل شفاحه لكزس وش تسوي لوعرفت
      ان ابوي بيجيبها لها اذا نجحت بمعدل عالي
      هههههههه بس تحلم تسوقها الا ف مكان
      معزول .. وراح خلص كم ورق مع المسئول
      عشان اللكزس الي بياخذونه لشعوله
      الخبله عاشقه اللكزس خخخخخخ

      دقايق ورجع لها خالد لقاها تصورها
      خالد : يامفجوعه لكزس فشلتينا وش تسوين
      انتي !!
      مشاعل : اصور وش شايفني اسوي يعني
      وسحبت يد خالد و وقفته جنبها وراهم
      اللكزس موديل ٢٠٠٩ خذت لهم كم صوره
      و طلعوا وخالد يتحلطم ليش جابها
      الناس يطالعون فيها فشلته ^^



      الساعه ١:٠٠ص
      مشاعل وابوها وخالد جالسين ف صاله
      يسولفون بعد العشاء اللي كان متأخر
      عشان شغل ابوهم ، ابو مشاعل عبدالعزيز
      يحب عياله كثير هم سعادته ف دنيا
      حريص عليهم ويخاف عليهم ويخصص لهم
      وقت ويحاول ما يخلي شغله ياثر ع علاقته فيهم ..
      ابو مشاعل عمرو ٤٦سنه تزوج ام مشاعل
      الريم وكان اعمارهم صغيره ماتجاوزؤ
      العشرين جابت له خالد و وبعد خمس
      سنين جابت مشاعل ..
      توفت بعد ست سنين من ولاده مشاعل
      ب حادث مع زوجها لكن الله قدر يكتب
      ل عبدالعزيز عمر وعاش و كبرو عياله
      اهو رباهم و كانت تساعده مدبره المنزل
      حرمه كبيره تشتغل عنده ف فله مدبره
      تشرف ع البيت والخدم و كانت تحب عيال
      عبدالعزيز كثير عاشت عندهم من قبل
      وفاة الريم بسنوات و خيرها من خيرهم
      تعدهم اهلها اسمها امينه مارزقها ربي
      ب اولاد وزوجها توفى من سنين
      وتعد خالد و مشاعل مثل عيالها ، خالد
      ولدها من الرضاعه بعد ولادته بشهر
      امه تعبت وجلست مده ف مستشفى
      وابومشاعل طلب منها تمسكه و رضعته
      فتره ومسكته لحد ماطلعت امه ..
      امينه حبت هالعايله كثيره و هم حبوها
      وكانت فعلا امينه ..

      في الصاله الداخليه ..
      ابو مشاعل : ها مشاعل حبيبه ابوها
      خالد يقول رحتي معاه المعرض !
      سألها وهو كاتم الضحكه ^^
      مشاعل : بابي لاتزعل مني ايه رحت :$
      ابو مشاعل : ماقدر يمسك ضحكته
      ههههههههههههه وخالد شاركه الضحك
      والكاتبه شاركتهم الضحك ^_^
      مشاعل : اشفيكم تضحكون قلت نكته ): ؟
      خالد : لا يالخبله بس اول مرا ادري انك تحبين
      اللكزس كذا هههههههههههه
      مشاعل نطت و راحت جلست جنب ابوها
      وخالد راح قلدها جلس جنب ابوه ف الجهه
      الثانيه ،
      مشاعل : خالد ليش انت قلودي
      خالد : كيفي ابوي مثل ماهو ابوك هههه
      مشاعل تطالع فيه بنص عين
      مشاعل : ياشينك
      عبدالعزيز ضحك ع مناقر مشاعل وخالد
      و حط يده ع كتف كل واحد فيهم ..
      ابو مشاعل : حبيبتي شعولتي مثل ماوعدتك
      عندي لك مفاجاه كبيره اذا طلع معدلك يبيض الوجه
      مشاعل : فديت بابا حبيبي وششي المفاجاه
      وابوها معيي يقولها وهي جالسه تحن ^^
      خالد : اصبري ول عليك نشبه وحنانه
      مشاعل : موب حنانه خلاص مابي اعرف
      وي الاخت مكشره ^^ خخخخ
      عبدالعزيز : الصبر زين يابنتي قومي نامي
      اللحين تأخر الوقت عشان بكرا تصحصحين
      نشيطه وتستعدين للمفاجاءه ع بال
      ماتطلع النتايج .. !
      مشاعل : يبه اما انتظر اسبوع كثير تهئ تهئ
      عبدالعزيز : عادي انتظري
      خالد : مشاعل بلا شفاحه ويلا قومي طسي
      نامي ابي الصباح احلى كوب نسكافه من يدك قبل اروح الدوام ^^ احس مشاعل
      بتتوطا فيه اللحين خخخخ
      مشاعل : نعم ياحبيبي وش قلت ؟
      طسي و عياره كمان و تبغى عليها نسكافيه
      وسع بطنك يالاخو
      خالد : هههههههههههههه يالبى شعوله
      حبيبتي انتي ، وقام عندها و باسها ع راسها
      خالد : احلى بوسه لاحلى شعوله ف دنيا
      مشاعل ابتسامه ع طرف شفايفها تتغلى
      الاخت مسويه ثقل ^^
      خالد جاء بيسوي لها حركه عشان تضحك
      ع طول صرخت ومسكت ف ابوها وجلست
      تضحك و جلسو يضحكون على حركاتها ..
      مشاعل : خلاص عشان قلبي طيب
      سامحتك و عن العياره ثاني مرا اوتسسي
      خالد : حاضر ياعمتي تامرين امرر و طالع فيها متعمد يحرجها ^^
      مشاعل انحرجت و ابتسمت بقوه و طلعت
      غمازتها
      مشاعل : خلاص يالدوب احرجتني ههههه
      ابو مشاعل : يلا يا عيالي تصبحون ع خير
      وراي شغل بكرا لازم ارقد ، مشاعل حبت
      راسه
      مشاعل : وانت من اهل الخير بابا
      طلع ابو خالد غرفته ينام و خالد ومشاعل
      جلسو يسولفون شوي و كل واحد راح غرفته
      ينام .. ياجعلها احلام سعيده :$
      ابطال الروايه ذولي و ح تظهر شخصيات
      كمان مع الايام !!


      يتبع
    3. ¬•,أنثى إستثنآأإئيه }
      01-03-2010, 12:18 PM

      مثل الجنون وأكثر والي ماخطر فالباإل وحدك يامشاعل جنوني


      مر اسبوع وجاء يوم الخميس ..
      مشاعل جابت معدل عالي وانبسطت كثير
      وفرح لها ابوها وخالد و وعدها بان المفاجاه
      بالليل ح تكون عندها ، طبعا مشاعل سوى
      حفله ب صراخ و الاستهبال يوم عرفت ان معدلها عالي
      ^^ لابد من حركات البنات خخخخ

      الساعه ٤ العصر
      قامت مشاعل خذت شور و استشورت شعرها ،
      مشاعل شعرها حد اكتافها لونه
      اسود و فيه اثار صبغه من شهور باقيه
      كانت قاصته فراوله قصير و طال شوي بشرتها بيضاء
      حواجبها رفيعه و سوداء و مقرونه على خفيف عيونه حلوه عدسته بنيه
      وجهها دائري وفيها غمازه ف خدها اليسار
      شفايفها حلوه و طويله شوي و نحيفه ..
      فتحت الدولاب و طلعت فستان ناعم وردي
      تحت الركبه و ساده ماسك من عند الصدر
      و وسيع من تحت و رقبته وسيعه و لبست حلق
      كريستال صغير و فكت شعرها وحطت قلوس شفاف
      وبلاشر وحطت عطره هادي
      و بارد ولبست صندل فيه حبال لف ع الساق
      مو عالي مرا طالعه بنوته و كيوت ونعومه مرا
      وابتسمت ف مرايه و نزلت تحت ^^ ..


      مشاعل راحت المطبخ لقت امينه سلمت عليها وجلست تسولف معها شوي
      امينه : الله يحفظك يابنتي طالعه قمر يامشاعل
      مشاعل : استحتت وقالت تسلمين ياخالتي
      فديتك من ذوقك ، وسألتها وين البابا و خلود؟
      امينه : طلعوا يقولون يجيبون مفاجاءه حقتك
      مشاعل : واي وناسه مابغت تجي هالمفاجاءه ،
      عن اذنك خالتي بطلع انتظرهم ..
      امينه : ع راحتك يا قلبي

      مشاعل طلعت برا ف الحديقه
      وجلست ف المرجيحه الكبيره وقعدت تنتظرهم يجون ..
      مرا شوي من الوقت شوي دخلت سياره
      الفله كانت رانج روفر سبورت اسود
      مشاعل ماميزت مين اللي فيها ، وحسبت
      ذا شيء من ضمن المفاجاءه ..
      وقفت ف مكانها تطالع ، وقفت الرانج قدام
      بابا الفيلا الرئيسي نزل منها شخص
      كان لابس بنطلون جينز اسسود و بلوزه
      بيج و شعره كان كثير واسود ويجنن باين
      ان عمره حول ٢٦ ٢٧ حاجه زي كذا
      ولابس نظاره شمسيه و عنده سكسوكه مررتبه
      و اسمراني شوي خشمه طويل
      جسمه عريض و طويل باين عليه ممممللح
      حلو يعني ^^ ريحه عطره الرجاليه واضحه
      نزل من الرانج وسكر الباب و وشال نظارته
      و جلس يطالع ف مشاعل !!
      مشاعل تغيرت ملامح وجهها و عيونها بدت تلمع
      تبي تتكلم مو قادره حاولت ..
      كل اللي طلع معه كلمه وحده بسس
      مشاعل : أانننت ؟؟؟!



      يتبع ف البارت الثاني
    4. ¬•,أنثى إستثنآأإئيه }
      01-03-2010, 12:19 PM

      مثل الجنون وأكثر والي ماخطر فالباإل وحدك يامشاعل جنوني


      البارت الثاني


      نبذه بسيطه عن عيال الجد خالد ..

      مشاعل ماعندها عمات بس اعمام ثلاثه وهما :
      سطام الكبير زوجته ساره / عيال
      سطام بندر ٢٥سنه يشتغل مع ابوه ف شركته ،الغيد ٢٢سنه ثالث جامعه ،
      تركي ٢٠ سنه ف ثاني جامعه ،واخر العنقود جنى ف ثالث ثانوي ١٨سنه ..
      يمكن حد يتسال ليش مشاعل كبر الغيد بس مشاعل متخرجه ،
      مشاعل ف صغرها درست برا كان ابو مشاعل عنده شغل
      وسافر سنتين و رجع السعوديه ولما رجعو اختبرت اختبار
      و تجاوت مرحلتين كان مستواها عالي و ذكيه ..

      عم مشاعل الثاني فهد زوجته وفاء
      عندهم توأم بنت و ولد ثامر و ثريه ٢٠سنه
      اعمارهم ثامر مع تركي ف جامعه و ثريه
      مع امل ف جامعه ..

      عم مشاعل الثالث اصغر واحد ف اعمامها
      سلطان عمره ٢٧ سنه ..

      نرجع للماضي شوي تحديدا قبل ٤سنوات
      كان عمر مشاعل وقتها ١٨سنه توفى جدها
      خالد ابو عبدالعزيز من توفى اعمام مشاعل اخوان عبدالعزيز ..
      قسمو الورث وكل واحد اخذ نصيبه من الورث ..
      بعد وفاة الجد خالد ابوهم سلطان
      لما اخذ نصيبه جلس ف بيت اخوه عبدالعزيز
      كان عمرو وقتها ٢٣سنه وكان دارس اداره اعمال
      وشاطر ف تجاره و ذكي و اذا فكر ف شيء ينفذه كان عاقل ،
      استقر وسكن مع عبدالعزيز كانت مشاعل صديقته
      حيل كانت سوالفهم وناستهم مع بعض دايم ، سلطان محبته لبنت اخوه كبيره
      و مشاعل فقدانها لامها من صغرها علقها ف عمها اكثر
      و شغل ابوها رغم انه حريص عليهم ومايبغى ينقصهم شيء ،
      ماكانت تشكي لابوها كانت مع صديقاتها و سلطان عمها و خالد ،
      كانت مشاعل وعمها اصدقاء اكثر من انها مجرد علاقه عمومه
      و الميانه طايحه بينهم والوضع فري بينهم
      و فله و لما قرر يسافر سلطان تعبت مشاعل نفسيتها كثير
      و بكت كثير وترجته يجلس عندهم مايسافر ..
      مشاعل : سلطان تكفون لاتروح /كانت مقطعه نفسها من البكاء ..
      سلطان راح لمها وضمها بقوه
      سلطان : مشاعل قلبي لازم اروح اوعدك راح أرجع
      والله عندي شغل هناك صدقيني بأرجع / يتكلم والعبره خانقته
      مو قادر يتحمل الموقف وبكاء مشاعل وهو اللي دايم
      كان يمسحها لها دموعها و يكون جنبها دايم بكل ششيء ..
      مشاعل : سلطان لاتخليني لاتروح مثل ماما
      وشدت ع ثوبه ..
      سلطان ماعد تحمل اكثر ضمها بقوه اكثر
      وهمس بأرجع و ربي .. وبعدها عنه وطلع بسرعه برا البيت ،
      من يومها ماشافته مشاعل ..
      سافر باريس واشتغل و فتح له شركه وانظم له عبدالعزيز
      صار شريكه وفتحو باقي الفروع مع اللي ف سعوديه ..
      كان شغلهم ناجح و ادارتهم جدا كانت ناجحه ..
    5. ¬•,أنثى إستثنآأإئيه }
      01-03-2010, 12:19 PM

      مثل الجنون وأكثر والي ماخطر فالباإل وحدك يامشاعل جنوني


      يتبع /


      نرجع للوقت الحاضر /
      الفله بيت عبدالعزيز ..
      الساعه ٥مساء ع العصريه ..
      مشاعل : أانننت ؟؟؟!
      سسلطان يطالع ف مشاعل ٤سنوات ماشافها ..
      كبرت بس ملامح الطفوله لازالت فيها ، عيونها صارت تحكي كلام كثييير ..
      فيها الفقد فيها الوجع فيها الشوق فيها الغربه
      سلطان حافظ مشاعل مثل نفسه
      يقدر يقرا عيونها حتى لوخبت عنه حتى لو وماتكلمت ..
      شاف دموع مشاعل تنساب ع خدها و شفايفها بدت تهتز
      يعني كلها ثواني و تبكي
      مشاعل وهي تبكي : عمي سلطان .. تبكي وتشهق
      سلطان ركض لها وقف قدامها
      حط وجهها بين يدينه ومسح دموعها اللي ماوقفت ..
      يطالع فيها وعبرته خانقته حيييل
      بس ماسك نفسه ..
      سلطان : عيو و و ن عمك سسلطان
      مشاعل بكت بقوه وسلطان بدون شعور
      ضمها له باقوى مايستطيع وجلست تبكي وتشهق ..
      مشاعل كنها طفله ضايعه محرومه من أمها
      تعلقت ف سلطان عوضها عن امها فقد امها
      و عن ابوها ف احيان كثير و فهمها وعرفها مثل نفسه ..
      مشاعل شاد بايدها واضافرها ع بلوزه سلطان
      وتبكي جلست تهذي ب كلمات مو مفهومه ..
      رحتو / لاتخلوني / تعبت / ماتفهم و كلام
      مو واضح عمها خانته دمعته هاذي بنت اخوه اخته صديقته
      ششيء مالقى مثلها بدنيته ، فهمته احتوته اهتمت فيه كثير
      وقفت جنبه كثير ودوم كانت تفزع له وقت الضيق
      كانت شيء ماقدر يوصفه ماقدر ماقدر ..
      هو بعد مثلها فقد امه من صغره و فقد ابوه كمان ..
      مثلها يتيم امه .. كل ششيء صار يدور براسه يتذكر كل شيء كل شيء ..
      دموعه تخونه ..
      مشاعل فجأه بعدت عنه وطالعت فيه و جهها متغير من الببكاء وعيونها حمرت
      قالت وهي تشاهق و انفاسها تتسسارع
      مشاعل : تبي تروح ثاني مرا روح
      و راحت تركض دخلت جوا و راحتها ع غرفتها قفلت الباب !
      مشاعل ماتقفل غرفتها الا نادر .. وهالمره قفلتها ..
      سلطان مسسح بيديه على راسسه و اخذ نفسس عمييق ضايق صدره حده ..
      دخل جوا الفله ..


      بعد صلاة العشاء رجعوا عبدالعزيز و ولده خالد ..
      كان عندهم خبر مسبق ب جيت سلطان
      عشان كذا حبو مايكونو موجودين لانهم عارفين طبع مشاعل ..
      وموقفها من سفرته لبرا
      عبدالعزيز و خالد و سلطان ف صاله الكبيره
      جابت الخدامه القهوه و الشاهي و جلسوا يسولفون و
      والاخوان يعبرون لبعض عن شوقهم ..
      انبسط عبدالعزيز ابو مشاعل كثير برجعته
      و كان سلطان بيستقر لمده طويله بس ماكان يدري
      متى ممكن يحده الشغل والظروف ع انه يسافر مرا ثانيه !!!
      ابو خالد : يا ام محمد / اللي هي امينه مدبره المنزل يناديها
      امينه جات عندهم بجلالها وسلمت
      ام محمد : هلا ابو خالد امر ناديتني ؟
      ابو خالد : وينها مشاعل ؟
      ام محمد : ف غرفتها نايمه من العصر
      طلعت فوق طلعت لها تقول تبي تنام وماتبي حد يزعجها ويصحيها .. !
      ابو خالد طالع ف اخوه سلطان و فهم السالفه ..
      ابو خالد : مشكوره يا ام محمد
      راحت ام محمد ، عبدالعزيز جلس جنب اخوه
      و قالهم عندي فكره بسويها عشان شعولتي
      خالد : وش هي الفكره ؟ /
      كان ضايق ف نفسه عشان اخته وحبيبته مايحب يشوفها تتألم و تتعب كذا .. !
      سلطان : بما انو اللحين بدت الاجازه و ماعندنا شيء اليوم
      وش رايكم نطلع للبر وناخذ مشاعل راح تنبسط هي تموت ع البر !
      خالد : ابتسسم والله هالبنت مابقت شي ماحبته ههههه
      عبدالعزيز : ههههه فديت قلبها حبيبة ابوها
      بس انا عندي شغل يمكن اتأخر الليله
      و بتعشاء برا تبون تروحون انتو اللي يريحكم
      وشوفو مشاعل ..
      سلطان : اوكي خلاص مو مشكله انا بكلم مشاعل
      و خالد رح كلم امينه وخلهم يجهزون عشان نطلع و خلهم ياخذون اغراض الشوي ..
      خالد : تم سلطانوه ^^
      عبدالعزيز : مفاجأة مشاعل برا ف الحديقه ومغطينها لها
      سلطان : اي مفاجأه ؟
      خالد : مادريت ابوي جايب لمشاعل لكزسس
      عشان جابت معدل ف الجامعه هههههههه
      وقاله خالد ع روحت المعرض وجلسو يضحكون ..
      سلطان : جبتها ع الجرح يابو خالد مشاعل تعشق اللكزسس ^^
      عبدالعزيز : هههههههه تستاهل مشاعل
      خالد : المهم مو سايقتها الا ف مكان معزول اومافيه احد
      ولا خلي عبدالرزاق يصولها فيها اذا جت تطلع /
      عبدالرزاق سواق حق العائله وعندهم من زمان ..
      استأذن عبدالعزيز و طلع .. بعد ما وصاهم ع مشاعل ..
      خالد راح يكلم ام محمد عشان يجهزون للطلعه بعد ربع ساعه تقريبا ..
      سلطان دق ع جوال مشاعل وهو جالس ف صاله لقاه مغلق ..
      طلع فوق لغرفتها طق الباب محد رد عليه
      طق الباب بصوت اقوى كم مرا
      مشاعل بصوت بعيد تكلمت مو واضح
      مشاعل : خلوني مابي شيء )':
      سلطان : شعوله قلبي افتحي الباب بلييز
      بعد محاولات وترجي مشاعل فتحت الباب
      كانت لابسه بيجاما بيضاء فيها رسمه بنت صغيرونه
      زي الافلام كرتون و شعرها لامته بشباصه
      و خصلات مبعثره بشكل عشوائي ع وجهها و عيونها مورمه من الصياح )':
      سلطان : يممه هذا انتي طالعه تخوفين
      شوفي عيونك ف المرايه خربتي شكلك بالصياح
      ماتعرفين الا تبكييييين بسسس .....!!!
      مشاعل راحت يم المرايا وتركت الباب
      وجلست تطالع ف المرايا فكت شباصتها
      وعدلت شعرها .. جاء عندها سلطان ومسح ع شعرها وباسها ع جبهتها
      سلطان : شعولتي بنطلع للبر نغير جو جهزي بسرعه ولا بنروح ونخليك ^^
      مشاعل طالعت فيه بقوه طيرت عيونها
      مشاعل : احلللف
      سلطان والله وتحت يجهزون و بعد بنشوي
      وكل ذا عششانك الاميره مشاعل تنسى الكدر وضيقة الخلق /
      قالها وهو معبس مايحب يشوفها كذا نوارته هاذي
      مشاعل وطت راسها وجلست تلعب ف اضافرها
      سلطان رفع وجهها بيديه و قال وهو مبتسم
      سلطان : تراك وحشتيني حيييل يالدبه
      وع طول انحشتي وقفلتي ع نفسك يعني مالي رب انا
      مشاعل : اوعدني ماتروح ؟
      سلطان : اوعدك ياعمري وقرس خدها بشويش وقالها تجهز بسرعه
      مشاعل : من عيوني بس دقايق ، صصح ع فكره غرفتك بجهزها لك اول مانرجع
      سلطان : لاياحلوه ام محمد سوت كل شيء مع الخدامات
      مشاعل : شلون ؟ يعني كل البيت عارف برجعتك الا انا !!
      سلطان : مو كذا بسس / مشاعل قاطعته وقالت
      مشاعل : بسسسس اييشش ليه انا اخر من يعلم و بجيتك انننت !!
      بدت تخنقها عبرتها
      سلطان مسكها مع كتوفها وحط عينه بعينها
      سلطان : مشاعل اسسمعييني ابوك وخالد
      ماعلموك عششانك انتي لانهم عارفين شلون كان موقفك من سفررتي
      وحبو هالشيء يكون بطريقتي وهذاني قدامك
      وحتى ام محمد ابوك قالها لاتعلمك / فهمتي !!
      مشاعل : فهمت قالتها بهدوء و راحت تاخذ شور ..
    6. ¬•,أنثى إستثنآأإئيه }
      01-03-2010, 12:20 PM

      مثل الجنون وأكثر والي ماخطر فالباإل وحدك يامشاعل جنوني


      يتبع /




      مشاعل و المويه تنزل عليها اختلطت دموعها الدافيه
      مع مويه الدش تمسكت ف طرف البانيو
      و حطت يدها ع فمها وبكت اكثر بصمت ..

      لبست بنطلون جينز أسود و بدي رمادي و حطت جل ف شعرها
      و جعدته و رفعته ب شباصه رماديه و حطت كحل اسود
      كثرت بعيونها طلعت عيونها تجنن تبي تخفي اثر البكاء
      و حطت قلوس لحمي وساعه سوداء جلد ولبست صندل رمادي
      واطي و مريح و خذت جوالها البلاك
      وحطته ف شنطتها السوداء صغيره حبالها طويل
      و لبست عباتها الكتف و طرحه ساده لفتها وحطت شويه اغراض
      خفيفه معقم : و جوالها وعطر و مناديل و قلوس و كريم يدين
      و صورة امها و صورة سلطان و طلعت برا وسكرت الغرفه
      لقتهم تحت جاهزين ينتظروها و الشغالات يركبون الاغراض ..
      خالد لابس بنطلون جينز كحلي وتيشيرت ابيض طويل
      و اسمر شوي وعنده غمازه وعوارض خفيفه محددها
      وشعره اسود وكثير طويل و جسمه معضل ولابس كاب ابيض طالع توب وجنان ^^
      سلطان لابس بنطلون بيج وتيشيرت اورنج غامق و كمان هوا ممملح من اول ^^
      خالد فيه شبه من عمه سلطان ..


      مشاعل شوفت سلطان نستها تسأل عن المفاجأه ..
      داخلها مبسسسوطه حيل من رجعته معد بتصير وحيده !!
      ورجع اللي يفهمها اكثر من نفسها !!

      خالد : هلا والله وغلا باختي القمر ^^
      مشاعل : هلا بك قالتها بإبتسامه خفيفه
      خالد : مابغى سموك ينزل لنا و يعطف علينا بإبتسامه خخخخ
      مشاعل : باللهي و ضحكت ههههه
      سلطان فديت هالضحكه و صاحبتها ^^ هههههههه
      مشاعل : خلاص بلاششي من الاحراج ويلا قدامي اشوف ^^ احلى رجعت مشاعل
      جلسو يضحكون عليها سلطان همس ل خالد
      ف اذنه وهم طالعين
      سلطان : خل المفاجأه لما نرجع لاتقولها اوكي
      خالد : ابشر من عيوني عشان لاتنهبل علينا الحين ههههه ^^
      سلطان : قدامي طيب ههههههه
      خالد : اقول لاتصير ف حزب مشاعل انت بعد ):
      سلطان : هههههههههه ياحبيبي انت يلا طيب ..
      مشاعل : وش فيييكم تتهامسسون ؟
      خالد : سلامتك طال عمرك خخخ
      ركبو اللاند كروزر السياره اللي ياخذونها ف طلعات و السفر احيانا ..
      خالد يسوق وجنبه سلطان و وراء ام محمد
      ومشاعل خلف عمها سلطان رايحين الثمامه .. ^^
      مشاعل : بدق اشوف بيت عمي سطام
      خالد : ع رراحتك جربي شوفي كان بيروحون نمرهم
      مشاعل دقت ع الغيد ب جوالها
      الغيد كانت جالسه تقرا مجله ف صاله
      الغيد بنوته عشل حبوبه وطيبه وتموت ع مشاعل صديقتها مرا ,
      بشرتها سمراء شوي طويله وصحتها كويسه وشعرها
      ل نص ظهرها وناعم صابغته بني شوكولاته ,
      عيونها سوداء حلوه باختصارر
      دق جوالها ( من علم الأزهار تعشق موسمه) يتصل بك
      الغيد : هلا وغلا باحلى ميششو ف الدونيا ههههه
      مشاعل : احم كل ذا لي ^^هههههه
      هلا باحلى غيوده ف دنيا كمان ههههههه
      الغيد : اخبارك ياعسسل
      مشاعل : اليوم غييييير عمي سسلطان رجع
      الغيد : قديمه هههههههه الحمدالله ع سلامته بس
      مشاعل : ايش اللي قديمه ؟
      الغيد : ادري انه راجع اليوم والله اشتقناله
      حييل
      مشاعل : اها / مشاعل ضاقت حيل ف خاطرها ليش
      هي الي ماتعرف ليش هي الي اخر من دررى لييييش )':
      الغيد : وشش اها اش فيك مشاعل مخك ملحوس ؟؟
      مشاعل : حنا طالعين البر تبون تروحون معنا نمركم؟ / ماردت ع سؤالها ..
      الغيد : وناإأاسسسه بشوف ابوي لحظظه
      مشاعل : مفجوعه الظاهر ههههه
      خالد قط نفسسه وقال
      خالد : مثثلك ياست الحسن مفاجيع كلكم هههههههه
      مشاعل : يازينك تسسوق بس ^^
      خالد : حلوه بس لاتعيديها مالت بسس
      الغيد : اوكي انا وتركي بنروح جنو متابعه مسلسسل
      مشاعل : اوك خلك عندك الباب ياحلوه
      الغيد : اوكييك يلا بيباي
      مشاعل : مع السلامه

      الثمامه ..
      جالسسين ف فرشه كبيره ف اليمين
      سلطان وخالد وتركي و اليسار ام محمد
      و الغيد ومششاعل و الخدامه ترتب الاغراض
      وتحط القهوه ..
      كانت الجلسه سسوالف و استهبال و مناقر ششوي
      وناسسه مرا والجو كان ع براد يجنن
      ، مشاعل والغيد عبايات ع الكتف و لثمه
      و جلسوا يتمشون شوي حول المكان وسوالف
      شوي سلطان قام ومعاه خالد وتركي
      سلطان : وش رايكم نركب دبابات ؟
      خالد : قدام مايبيلها كلام ^^
      مششاعل والغيد رجعو عندهم
      مشاعل : وين رايحين ؟
      سلطان : بنركب دبابات
      مششاعل والغيد مع بعض قالو
      : بنركب
      تركي : هههههههه اششفيكم
      مشاعل : هههههه والله حاسين ف بعض
      خالد : من الشفاحه اللي فيكم خخخخخ
      مشاعل : خلود فكني من حشرتك
      خالد : هههههه من الحب ما جاب اللقافه و المعاير ههههههههه ^^
      مشاعل : خلود / ارتفع الامبير عندها خخخ
      الغيد : يلا نسسوي سباق كل اثنين مع بعض
      مشاعل : يسس فكره انا وعمي سسسلطان
      الغيد : وانا مع تركي
      خالد : لا انتي معي خخخ
      الغيد انحرجت من خالد
      مشاعل : الغيد تكفى اسسبقيه عشان نعايره مثل ما يعايرنا خخ
      الغيد : هههههه ابششري فداء للوطن قصصدي فداء ل ميششو ههههه
      سلطان : يلا بسس انا وشعوله اول شيء
      ركبت مشاعل الدباب و سلطان ركب دبابه
      خالد و تروك و الغيد حتى ام محمد وقفت معهم
      و سونيا الشغاله يششجعون ^^
      مشاعل ف بدايه سبقت سلطان
      مشاعل تصارخ : سلطوني باسسبقك هههههه
      سلطان : هههههههه تتحلمين ياحلوه
      بس خذي راحتك شوي ههههه
      مشاعل : اوريك ههههه ومشاعل زادت سرعتها
      وصار قلبها يدق من زياده سرعتها
      سلطان رافع صوته: مششاعل انتبهي هددي
      سرعتتك
      مشاعل : مانيييب تبي تلعب علي وتسسبقني
      هههههه مافي مافي وهي تصارخ
      مسسافه مششو و بعدو شوي صارو مو واضحين مرا
      مشاعل زادت سرعتها ................
      و مانتبهت لشيء قدامها و و و ارتفع الدباب و انقلللب ...
      سلطان صررخ : مشششششاعل ؟؟!



      .
      .
      .




      يتبع البارت الثالث .. راأإح يكون طويل بإذن الله !
    7. ¬•,أنثى إستثنآأإئيه }
      01-03-2010, 12:36 PM

      مثل الجنون وأكثر والي ماخطر فالباإل وحدك يامشاعل جنوني


      مثل الجنون وأكثر والي ماخطر فالباإل وحدك يامشاعل جنوني
    8. *مزون شمر*
      01-03-2010, 02:24 PM

      مثل الجنون وأكثر والي ماخطر فالباإل وحدك يامشاعل جنوني


      حياك هدى
      عوافي عزيزتي
      يسعدني ان اكون من قراء روايتك
      استمري ..متابعه لك

      تثبيت
    9. ¬•,أنثى إستثنآأإئيه }
      01-03-2010, 05:27 PM

      مثل الجنون وأكثر والي ماخطر فالباإل وحدك يامشاعل جنوني


      مزون ياغلا حياك ربك يابعدي /
      و ربي شرف كبير حضورك ..
      فما بالك ب متابعتك ق٣
      ممتنه لهكذا حضور /
      {تثبيت} امتنان بعمق السماء ~
    10. نانا
      01-03-2010, 06:47 PM

      مثل الجنون وأكثر والي ماخطر فالباإل وحدك يامشاعل جنوني


      شكرا ويعطيك الف عافية واللهاعجبني كمل الرواية
    1234