12345678910111213

قلبي الصغير

مدونتي, مدونة يوميات الأعضاء, دون ما ترغب به واسترسل في افكارك بدون ان يقاطعك الاخرون ارسال إلى Twitter ارسال إلى facebook
  1. evil girl
    25-07-2010, 09:52 AM

    قلبي الصغير


    http://www.exercisetv.tv/

    try to be healthy ..!
  2. evil girl
    25-07-2010, 12:40 PM

    قلبي الصغير


    كنت اعلم انه سيعود
    لابد ان يعود
    فقد اعتاد ان يروي من روحي ظمأ
    كان قد عاشه من قبلي
    لا بد ان يعود
    فقد وهبته حبا
    ما كان ليجده في غيري
    لابد ان يعود
    ليتأكد اني لازلت لا أقوى على فراقه يوما
    وان جرحه القديم ما زال في صدري
    كنت اعلم انه سيعود
    كنت اعلم انه سيعود

    قلبي الصغير
  3. evil girl
    27-07-2010, 01:08 PM

    قلبي الصغير


    يعني ما بعرف كيف ابدا
    بس ما اقول غير حسبي الله عليه
    يعني اسوأ شي انك تكون قاعد ع النت تشيك اشيء بس مسكر ايميلك و فيسبوكك
    وفجأه تقول خل افوت الفيس بوك
    ولا تجيلك رساله يقولك تراك مغير الباسوور من ربع ساعه نسيت ؟
    و تجي تجرب تفوت على ايميلك ما تقدر
    تيب ايميلك الثاني ؟ كمان مسروق

    والله ضاق صدري ما عارفه اعمل شي من دونهن
    انو شو بيستفيد ما كنت افهم
  4. evil girl
    02-08-2010, 10:44 AM

    قلبي الصغير


  5. evil girl
    05-08-2010, 09:50 AM

    قلبي الصغير


    صباح الرواق والنشاط

    بنصحكم تشوفو هالفيديوهات و تطبقوها
    انا عن نفسي بدي اطبقها بس ان شاء الله استمر

    الجنس الخشن بليز ما تشوفو مالي شغل بذنوبكم

    بالصباح و المسا
    https://www.youtube.com/watch?v=9lNiQIEfOAU

    بالمكتب
    https://www.youtube.com/results?sear...ffic+yoga&aq=f
  6. evil girl
    05-08-2010, 09:52 AM

    lonely light

    قلبي الصغير


    قلبي الصغير
  7. evil girl
    05-08-2010, 09:56 AM

    قلبي الصغير


    قلبي الصغير


    طبعا كل انسان الا ما تمر عليه فتره و يصير بوجو حبه ولا حبتين وفي ناس اكتر
    بس مين فينا ما بيسمع هالكلمات شيل/ي ايدك عن وجهك لا تلمس/ي الحبه وإلا رح تعلم
    اوكي انا معهن بالكلام بس مين فينا كمان ما بتجيه لحظات بحب ينتقم من نفسو ومن الحبه و يحس بالتوتر و يهشم وجو

    الله المستعان
  8. evil girl
    05-08-2010, 10:06 AM

    قلبي الصغير




    اممم ما بعرف اذا كنتو بتحسو بنفس الشعور الي بحسو لما شوف الناس مخزنين تصاميمي بجهازهن و مره لقيت كمان وحده حاطه تصميم من تصاميمي ع الفيس بوك واحلا شي لما كمان يطلع بقوقل بالصدفه

    قلبي الصغير


    عاد لا حدا يسأل عن شو كنت عم دور
  9. evil girl
    07-08-2010, 04:05 PM

    قلبي الصغير


    قلبي الصغير
  10. evil girl
    12-08-2010, 09:41 PM

    رمضان 2010

    قلبي الصغير


    قلبي الصغير


    بسم الله الرحمن الرحيم


    مرحبا


    من امبارح وانا نفسي اجي احكي شوي عن رمضان وهيك بس امبارح ما كان إلي خلق شي و كنت تقريبا في شبه غيبوبه طول اليوم مصدعه من كتر النوم

    اوكي لا تفكرو اني نايمه عشان لا اجوع ولا هيك شي بس حاله عرضيه مفاجئه انتابتني


    نبدا بالحكي عن رمضان
    لالا لا
    اول شي قولولي حلو التصميم الي فوق ؟ عايدت فيه على الموظفين اسمها عايدت ولا انا غلتانه ؟


    المهم نرجع لرمضان


    يعني انا بصراحه بستغرب من الناس
    اختي كانت عم تقولي في موظفات وموظفين عندها بيتدايقو من رمضان ..!
    يعني هوي كلو شهر والواحد عنجد ما بحس فيه خاصه احنا كنساء او حتى بشكل اوسع كموظفين مثلا
    يعني الصبح بنروح الدوام الي هوي 5 ساعات واذا انتا بتكره الشعور بالجوع فيك تنام للأذان و خلصنا على هيك رجعت الحياة الطبيعيه من شو متدايق ..! مش فاهمه ؟
    ولا عشان جسمك تعود على سموم القهوه و لا الدخان و لا ....الخ ؟

    يعني بصراحه
    انا ولو انو اكلي مو كتير .. بس انو بالايام العاديه بنحس انو نفسنا قصدي بحس انو نفسي اعطي بريك لجهازي الهضمي ولو يوم
    مسكين بطنا عنجد اديه بيتحمل منا
    بنعصب بناكل بنفرح بناكل طالعين بناكل داخلين بناكل مالين بناكل متسليين بناكل وبعدين ؟


    فانا بالنسبه إلي رح حاول بهالرمضان ( ومتل كل رمضان ) انو شؤسمو هيدا رجيم
    لا لا انا ضد الرجيم بس رح حاول انزل كم كيلو بطريقة او بأخرى خلال هالشهر و الله كريم


    نكمل حكي عن الناس

    يعني قبل رمضان بكم يوم كنت راجعه ع البيت و تزكرت اني محتاجه كاش قلت لاختي توقفني عند الجمعيه حد بيتنا ( اكرر الجمعيه هي السوق المركزي ) ابييييييييييييييل ع الزحمه المو طبيعيه لا لا عنجد شي مو طبيعي

    حسيت انو الناس طول السنه صايمه والله وهلأ الكل عم يستعد يفطر مو العكس

    الي عم يشتري أكل يكفي مجاعة افريقيا والي عم يشتري ادوات مطبخ من اول وجديد زي كأنو من قبل ما كانو يطبخو يعني شي عجيب

    بعدين قلت لحالي ميبي بيكوز الناس بتكتر عزايمها بالشهر الفضيل فانو يعني بيعتازو هيك شي بس بصراحه ستل تو متش مش تبيعي


    عن شو باقي احكي ؟





    ايوا تزكرت

    العبادات
    يا اخي الناس يعني الناس اخ منهن بس طيب صايمين صايمين و متغلبين متغلبين ليه ما تكملو صيامكن
    يعني مثلا بالفيس بوك الناس عم تمارس نشاطاتها بشكل طبيعي من ناحية الصور والاغاني
    قلت هالكلام لاختي قالتلي ليه يعني انتي بدك يخافو من رمضان ولا من الله
    اوكي احنا ما اختلفنالمفروض الانسان يمتنع عن المعاصي على طول بس انو اذا انتا مو قادر حاول انك ع الاقل تمتنع هالشهر عشان لا تبطل باقي فروضك
    يعني مثلا لو باليوم العادي سمعت اغاني او شفت كليب ما رح تبطل فرض بس بتوقع هالشي بيبطل الصيام لانو الصيام هو صيام الجوارح كلها مو بس البطن
    وبعدين يعني سبحان الله لو الانسان عمل هالشي طول الشهر يمكن يتعود وخلص ما يرجع ..

    بس في شغله بصراحه كتير محتاره فيها
    انو انا نويت هالسنه ألبس عبايه برمضان او ع الاقل بنهار رمضان ع اساس انو الواحد سبحان الله ما بدو يكسب ذنب حدا او يخرب صيام حدا ومن هالمنطلق
    بس انو عندي رفيقتي بتقول انو انا لو عايزه ألبس عبايه يبئا لازم ألبسها على طول
    كلامها منطقي بس انا يا عمي ما بئدر اعتبر العبايه إلتزام لانو عنجد الواحد في طلعات ما بيقدر يلبس فيها عبايه وما بحب اني قول خلص التزمت فيها واجي ع يوم ما ألبسها ما بحب هيك

    بس في وحده كمان اختي بتقول عنها انو بتلبس الحجاب برمضان وبعد رمضان بتشلحو والله هي قويه


    ما علينا
    اهم شي انو نحاول نغتنم رمضان مو يجي ويروح واحنا نايمين
    او قاعدين ع المسلسلات .. صحيح بخصوص المسلسلات
    سمعت انو عدد المسلسلات اكتر من عدد القنوات بكتير و ع قولة ستي بعلمو الناس الأذى

    انا عن نفسي يعني لحد هلأ ما حدد شو رح تبع بس لافت نظري
    اممم بس اكيد باب الحاره بالبال ولو انو الناس بتقول سخيف وهيك بس انا بصراحه بحس بشعور حلو لما اسمع غنية الشاره تبع المسلسل و لما يحطو اعلان زين و النغمه تبعو تنا تنا تنم تمممم لاحظو كيف متأثره

    ولو بلاقي ملخص لمسلسل ليلة عيد بكون مبسوطه لانو بحس فيه مماطله وبدي اعرف النهايه وخلص

    واممم في كمان عايزه اتجوز هيدا انا قرأت الكتاب تبعو فمافي داعي تابعو بس انو يعني اذا كنت فاضيه جدا مافي مانع شوفو


    في صبايا بس لهلأ ما بعرف شو موعدو

    و اكيد خواطر 6 و برنامج الخراز كيف تتعامل مع الله


    بالختام

    تقبل الله منا ومنكم صالح الاعمال

    والسلام عليكم ورحمة الله وبراكته


12345678910111213