يا عين انا اشوف الصبر اخير من منة بخيل

طير القوافي

V - I - P, , , ,

قصيدة النصيحة
ياعين انا اشوف الصبر أخير من منة بخيل***والرزق بايدين الولي والناس ماهي ناصحة

اشوف انابعض العرب ماترغب العلم الجميل***ولا جيتها في نفعة(ن) مارحت ونفسك سامحه

ربع(ن) معك وقت الرخا وان مال بك وقتك تميل***ولا علوم المرجله ماهيب فيها فالحه

مادام حظي منعثر وش لي بصنع المستحيل*** خله كفاه اللي مضى اليوم ويا البارحه

ليت الردي من خلقته يكتب على وجهه دليل***ولا يعلق في جبينه للأوادم لايحه


انا زرعت الحنظله واسقيتها بالسلسبييل ***لكن جنيت الشوك من روس الغصون المالحه

مايلدغ مره ومره كود من عقله هبيل***ملا حسب للمقبله مايحتسب للرايحه

دنيا تشوف ابها الفهد يخشى من البس الذليل***والذيب عداه العشاء صوت الكلاب النابحه



م ن

مما راق لي
تحياتي
طير القوافي
 
انا زرعت الحنظله واسقيتها بالسلسبييل ***لكن جنيت الشوك من روس الغصون المالحه



عجبني هذا البيت..
مشكور صح الله لسانك ..
وطاب منقولك ..
 
اشوف انابعض العرب ماترغب العلم الجميل***ولا جيتها في نفعة(ن) مارحت ونفسك سامحه



دنيا تشوف ابها الفهد يخشى من البس الذليل***والذيب عداه العشاء صوت الكلاب النابحه





قصيده مميزه دائما التميز لك عنوان


طير القوافي التميز ليس بغريب عليك


دليل الذوق الذواق تحياتي العطره

$$ لحظه شموخ $$
 
عودة
أعلى