قصيدة إي والله - عبير بنت أحمد




من قصائدها العاطفيه...

~ إي والله !! ~





إي والله ان الغبا مجتاحني كلي
يومي أضيع قصيدي لجل حسادي !

وشوله اكتب هجاء ما شفى غلي
واترك حبيب كساني نرجس و كادي ؟

المدح أصلا تواضع يسمعه خلي
والا حسبتوا حبيبي مثلكم عادي ...؟!!

الطيب فعله..و فيه الطيب متحلي
والزود عنده .. و فيه الزود يزدادي

حبه وصل لي وانا اللي ميين ياصلي
والبادي اظلم .. و ليته مبطي بادي

لأوحيت صوته اذوب ويختفي ظلي
وأرجع بعمري الين التف بمهادي

بأعلى بروجي تربع فوق متعلي
وغيرت لإسمه أسامي كل أجدادي

أمشي على اللي مشى هو فيه بالملي
ميلاد حبه ( = ) يوم ميلادي

مالي حياتي وفكري فيه متجلي
أكتبه في صحوتي واكتبه ف رقادي

يا شعر لو ما عجبته.. ليتك تولي
حلفت مأكتب قصيد فيه منعادي

وياللي تتابع حروفي .. انت بس قلي
وش تنصح اللي بختها دوم متمادي ؟

اللي كتبت الروايع فيه ..؟؟.. متغلي
و اردى قصيدي ؟؟ تباهى فيه حسادي






قصيدة إي والله - عبير بنت أحمد