قصيدة بدون أحباب - عبير بنت أحمد


من قصائدها الوجدانيه...

~ بدون أحباب ~



العيد فرحة لقا الأحباب بعد الغياب
وانا حزينه بدون احباب وبدون عيد

ياعيد ما زدت فيني غير هم وعذاب
وش زود غيري من الأفراح زاد و يزيد

ألحق سراب وانا ادري بإني ألحق سراب
وأسكب دموعي وانا ادري بإنها ما تفيد

للهم ألفين باب و للفرج ( ظل ) باب
ما يمدي اصله .. إلا وتغرب الشمس أكيد !!

يا شين حس العجز والعمر توه شباب
ويا شين موت الرجا والياس توه وليد

يشبهني الحزن .. لا .. وش جاب حزني لجاب ؟
وان قلت انا والحزن خلان .. ويش الجديد ؟

لا صار كل لأصله .. و الأصل من تراب
عند الحزن ما فرق.. أسياد والا عبيد

ومن جرب الموت.. قال الموت ما ينتهاب
ومن عزني ؟؟ ليت يدعي لي ب ( موت ) مديد

ما كان في خاطري أكتب بهمي كتاب
للفم قيد وللأقلام مليون قيد

مير الشعر جابه الله لي ونيس الغياب
في صبح عيد ..بدون احباب وبدون عيد




قصيدة بدون أحباب - عبير بنت أحمد