قصيدة وهو باقي أحد نبكي عليه - عبير بنت أحمد


من قصائدها الرثائيه...


~ وهو باقي أحد نبكي عليه ؟ ~
في رثاء الشاعر عبدالرحمن البطي (راعي العنود) رحمه الله
وجمعنا به في جنات النعيم





وهو باقي صباح نلتقيه ؟!
و هو باقي مساء به سبات ؟!

وهو باقي أحد نبكي عليه
عقب ما ماسح الدمعات مات ؟؟!

سميح الوجه .. نصاح السفيه
رهيف الحس .. ممدوح الصفات

أبو صالح .. وتتحدر وجيه
أبو صالح .. وتنهد الجهات

أبو صالح.. ياراع الطيب ليه
تروح وبس ؟! .. تتركنا شتات !؟

لو ا يباع العمر .. لك نشتريه
و لانك تبدل الجسم ب رفات

يجوز الصبر مقدور عليه
ولكن كيف نقوى الذكريات ؟!!

خذاك الموت .. واحنا نحتريه
معاد ا لنا بهالدنيا حياة

عسى اللي لمنا بالحب فيه
يجمع شملنا بعد الممات

مع الأبرار .. هذا اللي نبيه
يا رب الكون نطلبك الثبات

وهو باقي أحد نبكي عليه
عقب ما مبهج الأفراح مات ؟؟!



قصيدة وهو باقي أحد نبكي عليه - عبير بنت أحمد