قصيدة فارس أحلامي - عبير بنت أحمد


من قصائدها الوطنيه و الاجتماعيه

~ فارس أحلامي ~






وهانت يا يبه عندك جروح الماضي اللي كان؟
تجي في حاضري تقتل بعد مستقبل ايامي !؟؟

تجي تفجعني بحزن يهون باقي الأحزان
بغيت استوعبه .. لكن تعدى حد إلمامي

وصار اللي أبد ما يوم حتى كان فالحسبان
مع أني ما خبرت الحظ مره .. وافق اقدامي

رفضت اللي فدا قلبي بقلبه..للوفا عطشان
وصرت الحين مع ثنتين غيري..نروي (الظامي) !!

وش الذنب العظيم اللي يباع بسبته إنسان ؟!
من الشهم الكريم اللي رضيته فارس احلامي؟؟؟

ل دينه؟ لا..ل طيبه؟ لا..ولكن جيبه المليان !!!
شفع لك هالألم عندي تحسبه يمسح الامي

وتعريف الألم : ( مكتوب ما يحتاج له عنوان )
مدام انه يبيني بالحلال !! ومطلبه سامي

سقيم و له حريم..وما خفا أعظم من اللي بان
وهو غصب علي..اغلى حبيب ومصدر إلهامي !!

أنا أصلا من اول مأنخلقت .. اعتادني السلوان
طبيعي لو يعزوني البشر في عرسي الدامي

وهانت يا يبه بنتك شراها منك جد فلان
وتحفر قبري بيدك ........ وتدفن اخر احلامي ...




قصيدة فارس أحلامي - عبير بنت أحمد