قصيدة زمن قاسي - عبير بنت أحمد

عبير بنت احمد, ديوان الشاعرة عبير بنت احمد ارسال إلى Twitter ارسال إلى facebook
  1. *مزون شمر*
    16-01-2010, 09:29 PM

    قصيدة زمن قاسي - عبير بنت أحمد

    قصيدة زمن قاسي - عبير بنت أحمد


    من قصائد الفراق....

    ~ زمن قاسي ~





    ماهي غريبه يا زمن .. قاسي
    عاداتك.. الله لا يغيرها

    مادام حظي طاح متواسي
    نشوف وش بيصير اخرها

    قلبي كبير .. ومعدني ماسي
    والناس تصقل في مظاهرها

    ياللي قطعت امالي بفاسي
    وش حاجتك في كسر خاطرها؟

    وبعض الكسور..ابني بها ساسي
    أقلها .. ممكن نجبرها !

    ولو ذقت مما ذقت في كاسي؟
    عينك بتبكي دم .. وأعذرها

    ودي أوري دنيتك .. باسي
    واخاف لا أجرح مشاعرها !!

    هجرت لجلك موطني وناسي
    وأمنت روحي عند هاجرها

    ناديت حتى بحت اجراسي
    وتسمع ولا حتى تعبرها !

    وماطعت فيك الصاحب الراسي
    حتى اطيع انذال تحقرها

    وأدري بصدق الحاسد الخاسي
    وأكذب على نفسي بأسايرها

    لوهي على همي وهوجاسي؟
    هانت على نفسي عبايرها

    بس كيف يعجب عينك لباسي
    وانا .. منيب اللي تناظرها؟!

    البارح اهديتك من احساسي
    واليوم اشوفك صرت .. شاعرها !!!

    وانت أقرب ا من النفس لأنفاسي
    وأقرب من الدبله لبنصرها !!!

    وياهونها لاشفت كراسي
    مصيبته وشلون يصبرها

    ماجيت اعزز بالأمل ياسي
    جيتك بأعزي فيك.. وأشكرها

    واذكرك بالبعد يا ناسي
    والا المحبه ؟.. لا تذكرها

    ومادام طاح الحب من راسي؟؟
    ماهين نفسي وانت خابرها

    من عادتك .. يا قلبك القاسي
    خطيبتك .. دايم تغيرها




    قصيدة زمن قاسي - عبير بنت أحمد
  2. طير القوافي
    15-08-2010, 03:37 AM

    قصيدة زمن قاسي - عبير بنت أحمد



    لوهي على همي وهوجاسي؟
    هانت على نفسي عبايرها

    بس كيف يعجب عينك لباسي
    وانا .. منيب اللي تناظرها؟!


    صح لسانك
    ماشاء الله شاعره متمكنه وجزله
  3. هذي الدنيا عجايب
    02-10-2010, 12:02 AM

    رد: قصيدة زمن قاسي - عبير بنت أحمد

    قصيدة زمن قاسي - عبير بنت أحمد


    الله يعطيك العافيه لكنها لوكانت مسموعه...
  4. فتاة الثلج
    24-02-2011, 03:56 PM

    رد: قصيدة زمن قاسي - عبير بنت أحمد

    قصيدة زمن قاسي - عبير بنت أحمد


    قصيده حلووووه صح لسان الشاعره عبير
  5. المريسي
    09-09-2015, 09:44 AM

    رد: قصيدة زمن قاسي - عبير بنت أحمد

    قصيدة زمن قاسي - عبير بنت أحمد


    شكرا عالكلمات

    تحياتي