قصيدة بيوت القصايد - عبير بنت أحمد



من قصائدها العاطفيه ...........

~ بيوت القصايد ~



قصيدة بيوت القصايد - عبير بنت أحمد






كنت افكر ويش يعني فيك زايد..
عن جميع الناس يوم اني أبيك ؟

قلت اخوي؟/ وصاح بي صرفي يكايد:
لا أخوك ولاأخاك ولا أخيك !!

من وانا طفله وانا قلبي محايد
مادريت اني بابيعه واشتريك !!

كل سهل دون حبك صار كايد
وكل كايد تزهله لمسة يديك

ما لبست الا مسابيحك قلايد
ما كحلت الا عيون تحتويك

ما سكت إلا إذا فصمتي فوايد
ماحكيت الا إذا سولفت فيك

وان ذكرتك ليل / جافيت الوسايد
وان ذكرتك صبح / شبيت التريك

واخفي اسمك لا قريته فالجرايد
من كثر ماغير يا قلبي عليك

والهلال إن هل .. محد به يعايد
يحسبونه حاجب من حاجبيك

قلت لي باجيك وثيابي جدايد
راحت اعيادي وحنا نحتريك

جيت احبك وابدع بيوت القصايد
قلت يمكن / هالذي جاني يجيك

ليه افكر ويش هاللي فيك زايد ؟
يكفي اللي زايدك .... كوني أبيك























قصيدة بيوت القصايد - عبير بنت أحمد