قصيدة أنا بنت - عبير بنت أحمد


من قصائدها بالمدح و الفخر...
~ أنا بنت ~


قصيدة أنا بنت - عبير بنت أحمد
ياهلا باللي كوت قلبي لواهيب إنتظاره
أنورت كل الرياض وقفت لأجلك تحيه

مل من طول الغياب الشوق يوجس به مراره
عايش سنين العمر ما بينهم روحه و جيه

يا يبه واشغلت من هو ساهر ليله نهاره
كيف أرجع لك بعض ما نالني منك عطيه

وانتي يا يمه جمعتي كل معنى للطهاره
والدفا فالكون ماخذ من دفا قلبك شويه

ليتني أصنع بعرق القلب لك عقد وسواره
ليتني ألحق جزاكم قبل تدنيني المنيه

و يا عيال أمي غلاكم فالحشا مشعل وجاره
لو تطفيه القصايد إشتعل فاقصى قصيه

ريح مسك في خواتي غاير منهم سماره
حارسه ربه بياض يوم مارى في صبيه

و يا جعل ربي يبارك في نسل جدي و عماره
و يرحمه مع كل مسلم ، لايقولوا : (عنصريه) !

مجمعه دار سكنها و ازدهر فيها تجاره
ما تسمى بالتجارة.. هي تسمت به سميه

إن حصل وقت الرخا أرخوا على العالم ستاره
وان حصل وقت الشدايد كلهم قاموا حميه

ويا بنات العم فيكم شفت عقل مع شطاره
و مع جمال و خف دم و زود معها جاذبيه

إيه أنا بنت ولا بي نقص منها أو خساره
دامني بنت لأحمد ، بأفتخر بإني بنيه




قصيدة أنا بنت - عبير بنت أحمد