قصيدة لا يغرك - عبير بنت أحمد

*مزون شمر*

عضو مؤسس
قصيدة لا يغرك - عبير بنت أحمد

~ لا يغرك ~


لا يغرك زينك اللي في عيونك
ربي اللي زينك خالق سواك

ولا يغرك مدح من هم يمدحونك
كل مدح فيك بالذم اشتهاك

ولا يغرك قولهم : ( لا يحسدونك )
الحسد يا صاح منشاه بحشاك

يوم شفت الطيرمبعد عن غصونك
رحت يم الشمس في عن لظاك

دوك ثوب الخير ما غطى متونك
والفساد أردى خلاقينه كساك

يا مريض الحال قل لي ويش لونك؟
جب طبيب الكذب يصرف لك دواك

من يقول: (الصدق لا يمكن يخونك)
وش يقول فكلمة الصدق بهواك؟

تحسب إنك بالشعر عززت كونك؟
شعرك المكسور يالجاهل هجاك

لا تغررني بدمع في جفونك
ذاك أول يوم أنا أنشد رضاك

أتعس الصبار مسقيته مزونك
( يتفل ) أمطار تقطر من سماك

يا غشيم شلون تترك من يبونك
وترمي بنفسك على هذا و ذاك؟

لو سمعت الشور ما طعته جنونك
يستوي عنده نجاتك والهلاك

أعرف ان الطيب لا صنته يصونك
أنت من طيبك .. تبيع اللي شراك !!

عش قرير العين وانساني بهونك
يا حلاة العيش.. دام إنه بلاك

رح لمن غروك وازهلها ظنونك
كود تلقى لك خبل يركض وراك​

 
رد: قصيدة لا يغرك - عبير بنت أحمد

من يقول: (الصدق لا يمكن يخونك)
وش يقول فكلمة الصدق بهواك؟
 
رد: قصيدة لا يغرك - عبير بنت أحمد

يغرك زينك اللي في عيونك
ربي اللي زينك خالق سواك

ولا يغرك مدح من هم يمدحونك
كل مدح فيك بالذم اشتهاك

مرررررررررررة روعة

يسلمو
 
رد: قصيدة لا يغرك - عبير بنت أحمد

يامريص الحال قل لي ويش لونك؟جب طبيب الكذب يصرف لك دواك. روعه

امولا
 
لا أعرف ماذا أرد عليك
كلمات جميله ورائعه فيهااا معاني للأصاله
وفن في التعبير
أحتار ماذا ارد عليك
فعلن كلمات جميله ورائعه
صورتهاا بأحلى الصورر والتعابير
أختم كلامي وأنعجابي بكلماتك
بالشكر لك على هذه الكلمات الرائعه
تحياتي
 
عودة
أعلى