قصيدة بريده - عبير بنت أحمد


من قصائدها بالمدح و الفخر ...


~ بريده ~

ألقيت في أمسية شعرية بمهرجان بريدة الترويحي

~~~~~~~~~~~~~~~~~~~~~~~~~~~~~~~~~


قصيدة بريده - عبير بنت أحمد

موقي بزينك يا حروف القصيده
وصلتي اللي عنتره ما وصلها

دعوة كرام ..ولوظروفي عنيده
حلفت بالله هالبشر ما اخذلها

ما راق لي غير الشعر في بريده
الجود فيها .. والجزاله فأهلها

من الرياض أقبلت ماني بعيده
بس تمشي اللحظة بأقل من مهلها

واللي عذلني جعل تنقص إيده
أجل عبير.. و في بريده عذلها ؟؟

اليوم عطري لابس ثوب عيده
خلى الثياب الباقية في زعلها

كل المعاني والقوافي سعيده
لكن حروفي ما تقاوم خجلها

ياليتني أبدعت كلمة جديده
تدرون منها كيف انا بس ولها

يا ليلنا والنور نوره تزيده
أمي ... وكن الشمس ذاقت أجلها

واللي بقلبي جاري في وريده
ناصر أخوي و قيمته ما جهلها

إسمه لحاله لا ظهر بالجريده ؟؟
قرت عيون اللي قراه و كحلها

و مشاعل اختي جت ونعم العضيده
روحي بلاها ما هقيت احتملها

صدق الظلام اليوم يا هو فقيده
حضوركم ليلة حضوري شعلها

و يحق لي أفخر بهذي القصيده
ومعذور لو جا عنتره وانتحلها




قصيدة بريده - عبير بنت أحمد