قصيدة شعر ما ينقال - عبير بنت أحمد


من قصائدها بالمدح و الفخر ..



~ شعر ما ينقال !! ~

إهداء لقلب الشاعرة هيفاء التميمية

~~~~~~~~~~~~~~~~~~~~~



قصيدة شعر ما ينقال - عبير بنت أحمد

بأكتب قصيد فيك ما قبلي انقال
حبي شعر محد تجرأ و قاله

تعبت أدور في المعاني والامثال
ولقيت فإسمك كل معنى الجزاله

( هيفا ) ملكتي كل محمود الافعال
لكن طهرك هابل بي لحاله

من شاف فعلك قال :- هالبنت رجال
ومن شاف قلبك قال :- خلي فدا له

ومن ما يعرفك .. ما عرف راحة البال
مهموم من كثر القهر والنذاله

مالك شبيهة.. لا ولا قيمتك مال
ما يشبهك .. كان البدر فاكتماله

لي بنت وحده بالهوى .. واربع عيال
خذتي غلاهم .. والأبو.. وش بقى له ؟

أحسد ( هذاك) اللي ملا عقلك هبال
واقول ليتي يالعزيزه بداله

خافي من الله منزل ايات الانفال
ترى عذولي حالته منك حاله

لا تنشديني عقب شوفتك عن حال
أكيد حالي طيب وطاب فاله

الطيب طيبك وانتي الفال للفال
الله يحفظك من شرور الحثاله

والشعر لا قبلي ولا بعدي انقال
ولا جاب شعري بعض حبك و قاله




قصيدة شعر ما ينقال - عبير بنت أحمد