قصيدة العثرة - عبير بنت أحمد



~ العثرة ~



اللي من اول تشوف فيني العثره
خلوه يبشر بشي ما حد شافه

شفت الغلا في خفوقي كان وش كثره؟؟
اليوم كرهي تعدى عشرة اضعافه

"بعض" المحبة غبا .. واشواقها بثره
ولاهان قلبي .. يهون "الكل" ونعافه

للهم نشوة على الأوراق منتثره
والشعر ما يظهر الا فوق أكتافه

والجرح لا جا من الأحباب يا خثره
وان ماقتلني..غرقت فموحل رعافه

ياليت روحي قبل لاعيش مندثره
أو ليت جرحي يعرف الله ويخافه

لاهمني شعر حب ولأهتوي نثره
وش قيمة الحس .. للي فاقد اطرافه...؟!

ومنهو تحرى تجي له مني العثرة
تعثر القلب به من يوم ما شافه



قصيدة العثرة - عبير بنت أحمد