قصيدة خلوني اخذ راحتي - عبير بنت أحمد


من قصائدها الوجدانيه....

خلوني اخذ راحتي ! ~




يعني على قل البخت تحسدوني !!
والا تكاثرتوا على الشعر فالي؟

من واقعي غصب علي تحرموني
تبي تحرموني بعد من خيالي !!

أكتب قصيدي لجل انسي طعوني
مر الزمان اللي جرعته لحالي

والا أنا..؟ لا عشت وصفي جنوني
و لا بهالعشاق قلبي يبالي

ياليتكم من ذا الهوى تعتقوني
وشلون افكر به عقب ما جرالي

أسمع ولا أصدق ..و شفت بعيوني
لاحد تودد لي و لا حد حكالي ..

.. حبايبي .. ما فكروا يحتوني
وصدقت بأني عاشقه من هبالي !

عطيتهم ما قلت ابد.. وش عطوني
بديتهم ماقلت..اجل وش بقى لي ؟

لكن ربعي اصبحوا ما يبوني
راحوا وانا كلي عليهم يلالي

ماقلت للمقفين .. معكم خذوني
ومن كان غالي وين ما راح غالي

مع السلامه يا سلاسل سجوني
أنا اقتنعت ان الحلم راس مالي

بأترك جميع الناس تحيا بدوني
مافيه داعي تنتحر من جمالي !!

وياللي عذلتوني فلا تعذلوني
ما ظن فيكم شدة لاحتمالي

ماني شبيهتكم ولا تشبهوني
انتو شبه.. وانا شبيهي ظلالي

لقيت في عشق الشعر كل كوني
خلوني اخذ راحتي مع خيالي




قصيدة خلوني اخذ راحتي - عبير بنت أحمد