قصيدة مدينة أرامل - عبير بنت أحمد



من قصائدها العاطفيه ..


مدينة أرامل ~





ليلة .. وفيها كانت الأرض حامل
جابت لنا جنة على طلعة الشمس

ليل الرياض .. وفالسما بدر كامل
وإنت..وأنا..والحب..ما عقب هالخمس

مدري ورى احساسي مع الناس خامل
إلا معك .. أتوهج بلمسة اللمس

والقلب لوما إنه على الحب صامل؟
لأرميه في نارك ولو ينحمس حمس

وحتى ولو قلبي عليك متحامل
يرضى من اول ما تناديه بالهمس

تبي الصراحه دون زيف و مجامل؟
في كل يوم حبك يزيد .. عن أمس

أصبحت عندي .. للمخاليق شامل
شوفتك تطمس غيرك بناظري طمس

والحين في قلبي .. ( مدينة أرامل )
ماجا لها منك بشاير ولا رمس

ليلة .. وكن الليلة الأرض حامل
مير اجهضت من دونك .. وماتت الشمس





قصيدة مدينة أرامل - عبير بنت أحمد