مشغول .. ومقفل .. (لا يوجد رد) .. تحويل .. أنتظار....!!

الوصل ( جنه ) .. والغلا (غيره) وطاري البعد ( نار )
و( الشك ) شيطان القلوب .. اللي يعكر ودها

والجرح / ما هو يحس به / كون الجريح المستثار
وضلوع صدري عانت جروحك .. وضاقت حدها

ما كل جرح /تقدر تشافيه .. كلمة واعتذار
بعض الجروح .. يفت بنيان الغلا .. ويهدها

ما تشوف قلبي كل ما اقفى منك وقف واستدار
عجزت وانا كل ما نفسي تروح .. اردها !!

اغليك ايه .. واعشقك ايه .. لكن الجرح عار
معطيك من قلبي ثقه .. واثرك منت بقدها

بغيت اسامح تالي ذنوبك .. لكن قلبي استخار
وباقي غلاتك وقفت كل المدامع ضدها !!

مع السلامه .. جعل مالك في ربا لاظلاع دار
والعشره اللي قد مضت وياك .. لابو جدها !!

كذاب ما حبيتني / وتقول لي ميت واغار
وجمايلي لو عشت عمرك ما عرفت تردها

يا من تغيب وتزعل وكنك علي طلاب ثار
السالفه اكبر من الغيبة وداعي صدها !!

فقعت كبدي .. في تلايا الليل واطراف النهار
الين ضقت وملت ضلوعي .. وباحت سدها

مشغول .. ومقفل .. (لا يوجد رد) .. تحويل .. أنتظار
اضيق منها واستضيق ان طولت عن حدها






{..القصيدة لشاعر / حمد البريدي المري..
 
التعديل الأخير بواسطة المشرف:
صح السان الشاعر
ومشكوره عالنقل
وياليت ماتنسين كتابة اسم الشاعر او منقول للامانه الادبيه
وحسب القوانين هنا
ولك كل الشكر
 
كذاب ما حبيتني / وتقول لي ميت واغار
وجمايلي لو عشت عمرك ما عرفت تردها

يا من تغيب وتزعل وكنك علي طلاب ثار
السالفه اكبر من الغيبة وداعي صدها !!


صح لسانك ولسان الشاعر

قصيده جميله للغايه
 
مشغول .. ومقفل .. (لا يوجد رد) .. تحويل .. أنتظار
اضيق منها واستضيق ان طولت عن حدها
يا لبى قلبك يا عمري

تسلمين قلبو
ابيات في غايه الروعه
لا تحرمينا جديدك
انا في انتظارك
تحياتي
 
عودة
أعلى