معزوفتي

187255874d6f25f67b1bwe3-1.jpg


مساؤكم//صباحكم...رضا من الرحمن...!!

أنرتم معزوفتي المتواضعه:$




هنا سأنثر لكم
يومياتي..احاسيسي..ذكرياتي..تناقضاتي..ماأحب..وماأكره...
بختصار ستكون هنا رشا بكل ماتحمله من احاسيس..!!
 
x.png


جمعة مباركه ياحلوين
10:56ص
07/02/1431

^
^
هالتاريخ مره مميز عندي

لانو بالسنه اللي راحت بالنفس هاليووم اعز خواتي افتتحت مدونتها((بمنتدى ثاني:i:)) وهي من الاسباب اللي خلتني افتتحت مدونتي والله...
 
قبل ماعرفكم ع رشا بقولكم وش هي الاسباب والاشخاص اللي خلوني افتتح المدونة:i:

اولا:رنودتي...بجد هالدبه مدونتها اكثر مكان ادشه بعبير سو حمستني اني افتح لي مدونه انا كمانا:n:
ثانيا:اطعم الخلق سكر..هالانسانه يعجبني كل حرف يبوح به قلمها ومدونتها كمان تعجبني حييل..
ثالثا:ذوق روحي..امس شفت مدونتها وجاني حماس :k:
رابعا:الدبه اللي صباحي كان غيره بوجودها اليوم بالماسن..العيون الكاسره..هذه عاد لما شفتها عملت مدونه قلت لازم انا اول من يقيم لها وجد قيمتها وبعدها قلت لها دبه تحمست اعمل مدونه انا كمان مع انو ماكان شي مره هاممني بس في اكثر من بنوته احوبها حمستني..قالت لي حلو اعملي..قلت لها بس اخليها بعد الامتحانات وش رايك..قالت خير البر عاجله ليش التأخير:h:
وقلت خلاص حعملها بس للاسف كانت مضطره تطلع قبل لاتشوف مدونتي بس بس ترجع تشوفها ان شاء الله:)

وطبعا قبل كل شي اعز خواتي ندوش
كانت مره محفزتني اني افتح هالمدونه وبهالتاريخ..لانو مثل ماقلت فوق هي فتحت مدونتها بهالتاريخ وبجد ثلاث ارباع المدونه عني يعني كل سواليفها عن رشو..حبيبت قلبي هي من الناس اللي خلوني افتح هالمدونة:c:​
 
الحين اعرفكم بنفسي :$

انا رشا ق1 ضنتي الاعضاء كلهم عرفوا هع
عمري 17 وشوي 19/4 ادش 18 ان شاء الله :i:
ثالث ثانوي ادبي
اعشق الانجليزي بجنون

عصبيه لدرجة انو اللي يشوفني يقول هذه مغروره:h:
اذا شلت بخاطري من شخص مايعرف اني شلت بخاطري منه بس اشيله ومانساه ابد:l:
نكوتييه بس مايبان علي الامع الاشخاص اللي حييل اعزهم

امممممممممممممممممم
هذا اللي في جاء بالي الحين :h:
 
امتحاناتي مابقى لها شي والنفسيه انتم ادرى فيها طبعا:l:

المهم امس كنت فاتحه الفيس بوك تبعي وادور وفجاءه دخل صديق اخوي الفيس((طبعا هذا يعتبر اخونا لانه متربي معنا من يومه بزر وباب بيتهم جنب باب بيتنا))

احمد صباح الليل رشو
انا صباح الخير ياحلو
احمدوراه الاخت سهرانه ليش ماتروح تذاكر((كانت الساعه 3 الصبح))
انا والله مالي خلق ونفسيتي زفت وقلق
احمد طيب وش اللي يروق رشا
انا مادري
احمد وش رايك اخليكي تسوقي سياره
انا احمد من جدك:g:
احمد ايه والله .. بس وش لي
انا اللي تبي
احمد اللي ابي:i:؟؟؟؟
انااخلص علي وش بتسوي؟؟
احمد طيب دقيقه بروح اكلم حمودي((اخوي اللي هو صحبه))
انا طيب

بعدها بعشر دقايق حمودي دش غرفتي
حمودي: ايش بك ياروحي من جد ضايق خلقك وقلقانه
انا ومع فيس مستغرب:حمودي .. احمد وش قال لك
حمودي: وش رايك نطلع الجمعه مكان ماتبيين ونخليكي تسوقي سياره
>>ق1حلم حياتي اسوق سياره والله :k:
انا: حمودي لاتستهبلون علي انت وصحبك المرجوج
حمودي: والله من جد اتكلم
انا: يب يب بليييز حمودي((شوي وببكي كنت هع))
حمودي: اوك ياغلى خوات حمودي تجهزي الجمعه
من الوناسه نسيت اني فاتحه الفيس وقمت طيران عند خواتي

وهذاني اليوم قاعده انتظر نطلع بس حمودي قال بالليل يكون اونس الطلعه
يلا ان شاء الله انبسط وانسى القلق تبع الامتحانات شوي:l:
والله يعيني ع طلب احمدوه لاني اعرفه لاطلب طلب هع
 
كلامك عن نفسك حمسني اتعرف عليك اكثر ~ طمنينا اخبار طلعة اليوم ~ مبارك الافتتاح يا حلوه ~

تسلمين يالغاليييه ولايهمك كاني الحين بنطلع بس ارجع اقولكم الاحداث كلها:i:
انبسطت لانك اول المقيميين غلاتي فتاة
..
 
مناوي
اسيا
اريام
ندوش
ويافي

^
^

خواتي هم كل شي بحياتي والله مره احوبهم ومره احسهم معي اكثر ابو شي بالدنيا
يعني بجد اقدر استغني عن كل شي وهم يكونوا حولي
هم صحباتي وخواتي وكل شي عندي ق 1 الله لايحرمني منهم

جد مو عارفه كيف بتحمل سفرهم واقضي اجازتي وهم مو معي :(




يلا ماعلينا اليوم خلوني مبسوطه بالطلعه وبعديين يصير خيير ان شاء الله:l::h:
 
وا ا ا ا ا ا ا ا ا ا ا ا ا ي بجد حيييييل مبسوطه

بالاول لما طلعنا ماكانت حلوه الطلعه وكنا معصبيين لانو احمد كان جاي بروحه ماجاب اهله معه
لان امه كانت تعبانه شوي وماقدرت تطلع والجو برد والله واخته كانت قاعده معها ((هو ماعنده غيير اخته فطوم هذه بس هم الاثنين بروحهم ))

المهم كنا ناوين نطلع بر بس احمد قال لا لوطلعنا الثمامه احلى قلنا يلا قدام رحنا الثمامه واول مانزلنا قلت لهم يلا ابي اسوق قام اخوي الكبير قال لا مافي شي اسمه سواقة سياره ق1 طبعا انا عصبت لانو ماطلعت الاعشان اسوق

قلت له مالي مالي مالي دخل ابي اسوق يعني بسوق:j:
قال رشو بابا موصيني عليكم تبيني اخليكم تسوقون لا والله

وقتها وربي الدمعه بعيوني من العصبيه:(

قام احمد قال له لا بس شوي انت اقعد جنبها وعلمها كيف تسوق بس لفه وترجع

المهم اقتنع الاخ وقال تيب يلا
طبعا لما جيت بركب السياره احس اني بطيير من الحماس اللي كان فيني
عطييت ندوش اختي جوالي وقلت لها صوري لانو صحباتي صجيتهم بسوق سياره قالوا لازم تصوري هع

ركبت السياره وجاء اخوي يشرح لي وش اضغط وين احط رجلي ((الله يكرم السامعيين))
وورى مناوي واسيا خواتي كانوا راكبييين معانا

المهم بدييت اسوق وانا مرعوبه طبعا واخوي اكثر مني بس والله سواقتي ع قولاتهم كانت شي يعني مو باين علي اني اول مره امسك السياره واسوق هع
قعدت ادور واضغط البوري مسويه ازعاج واخوي يقولي لا يالدبه في حولنا شباب كثيير محنا ناقصييين وقفي لاتضغطي ع البوري بس انا ولاهاممني احد هع
مرييت من جنب حمودي اخوي واحمد صحبه كانوا قاعدين ع الارض يسولفون بس مريت من جنبهم قام احمد قال عاشوا يارشو فحطي تكفييين خليني احس انك رايقه :m:
قام اخوي الكبير اللي قاعد جنبي صرخ قال والله لوتسوينها يالدبه اذبحك خخخخخخخخخخخخ
بس لا ماتهورت وفحطت يكفيني اني سقت :i:
قعدت يمكن نص ساعه ادور وارجع ادور وارجع
بس وربي انبسطت مره حييل
لما نزلت قلت لندوش وريني كيف صورتي
قالت لي سوري رشو الجوال تبعك ماكان فييه بطاريه واول ماجيت اصور طفى علي:l:
طبعا الست رشا مو عصبت الاشوي وبنفجر
قلت لها ندوش بربك
قالت وربي وش اسوي بجوالك انا
قلت يلا ماعليييه المهم انا انبسطت وسقت السياره ق1 وقتها ماكان في بالي شي غيير السياره اللي سقتها:h:

قبل ماجينا نطلع احمد قال منو يبي يركب دباب قبل لانطلع قلت له انا بليييييييييييييييز
قال يلا تعالي
قام اخوي الكبير قال لا مافي خلينا نرجع البيت بكره وراي دوام
احمد قال له والله حتى انا وراي دوام بس نبي رشو تنبسط قبل بعدين الدوام لاحقين علييه
رد عليه اخوي : احمد خلصنا واركب السياره يلا مالي خلق واللهق1 مادري ليش كانت مقفله اخلاقه:l:

بس والله انبسطت مره مره مره مره
^
^
كان ودي يافي تكون معي جد كان انبسطت اكثر:(
 
تفش وملل والحياة من بعدهم كولها قلق
tha's why i'm concern don't complete
يعني حتي لوجلست وش راح يتغيرseriously
فلها وربك يحلها ...>>


مو فيلو حكمة اذكر انها مره famous تقول:
life is short SO Break somE damn
ruleeeeeez^^


بس في الوقت نفسوه
my family
AND my dad....OMG
WALLAH..خاتري اجي لباباتو واقوله


forget this uni man I'm going back home
هههههههههههههههه>>>
وناصه الحلم

يافي وربي كل زاويه في البيت اشتاقت لك ولسواليفك
بس انتي قلتي ابي ادرس بره السعوديه تحملي فراقنا عاد:l::k:
 
تخيل يانبضي,,,جوا عرسنا,,,
وشرفناهم وعديناهم من ضمن ضيوفنا,,,
وفجأة تكبروا,,,وبدوا بالغلط قدام ربعنا..
كل هذا عشان مانبي نناسبهم,,,
مصيبه لاصرتي بنت ناس مهمه,,,
وعين خلق الله حواليكم,,, وبالتحديد
ماجات الا ب أصغر وحده من خواتي
معشوقتي أغلا حب,,,
الله يعافيك ياخلفهم,,,الله يعافيك,,,||


متهوره,,,
ومجنونه,,,
وتوحفه من النوع الفريد,,,صغيرتي,,,
الناس على الرغم من وفا ابوي,,,وطيبه امي,,,
يضلون ناس والنسيان طبع فيهم,,
وفي وقت الشدايد..
اضل بلحالي وهبالي طبع مادري من وين ورثتها,,
وصمت اختي,,,تخيلوا صاحت قدامهم,,,ياني فديتها,,,
إلا معشوقتي,,
تهورها,,,رغم انه يخوفني,,,بس يبرد قلبي في العذال احياننا,,,



ضحكتني,,,,اليوم
وشتتني,,,,ياساتر,,,
من وين تجيب قوه القلب,,رغم انها بداخلي طفله بريئة القلب...||
مراهقه,,,,
ورايقه,,,,
وفايقه,,,,
تصدوق,,,,
إنها لقبي بايقه,,
شوشو...||


عشقتها...
ومن بد كل المخاليق ادمنتها,,,
احس لامني تأملت ضحكاتها...
كل مافيني يحتويها,,
واضل اتامل...
شغب طفله,,,
حبها بالقلب
فطره,,,||


^
^
طبعا هالموقف صار بعرس اخوي مودي
بحكي لكم القصه....
مودي قرر انه يخطب وقال لماما وكل شي تمام
المهم خطبنا له بنت بجد بكل شي فيها مميزه لاله الالله
والحمد لله كل شي كان اوكي
مارح اخذكم بالتفاصيل الطوييله بس بحكي لكم الموقف اللي بعد ناسي يافي تحكي عنه فوق

بيوم العرس كنا مبسوطيين وكل شي ماشي تمام
فجاءه في مجموعة بنات يقربون للعروس مادري وش حارهم يمكن عشان احنا ماناسبناهم ع قولات يافي ولاعشان مودي اخوي عبالهم بياخذ وحده منهم ولاعشان العروس اصغر منهم وتزوجت قبلهم والله مادري وشوا بالضبط بس اللي اعرفه انو بجد لاكنت بنت شخص مهم وربي حسادك يكثرون
المهم واحنا بالمنصه قاعدين نرقص انا وماما وندوش اختي وحده من هالبنات جت ونادت ندوش اختي (( واختارت ندوش بذات لانها اكثر وحده طيوبه وحساسه من خواتي )) ندوش قالت لها ماعلييه بس اخلص الرقصه هذه مع ماما ورشو اجي اكلمك.. قالت لها البنت لا بلييز الحين كلمتيين بس مارح اطول
طبعا ندوش بريئه قالت لها تيب ونزلت عشان تسمعها
جت الاخت هذه قالت : ندوش تكفيين قولي لاختك اريام تحترم نفسها وبعدين انا مو جايه العرس عشان عيونها
ندوش استغربت قالت لها ايش في مو فاهمه عليكي
قالت: اختك اريام كل مامر من جنبها تتأافف وتنظار بثقل وكبرياء
ندوش قالت لها روحي كلمي اريام تيب انا ايش دخلني:i:

فجاءه وهم كذا يتكلموا جت وحده ثانيه من نفس هالعالم
قالت لهم بنات الكل لاحظ انكم تتهاوشون ايش بكم
ندوش قالت لها مادري عن هذه كلميها وشوفي
جت قالت ليش هي ايش قالت لك
ندوش قالت لها مادري بس تقول انو اريام مادري ايش قالت لها وانا مو جايه العرس عشاني
قالت بصوت عالي متعمده تسمع الكل: وهي صادقه احنا ماجينا عشانكم اصلا

وقتها ندوش اختي الدمعه جت بعيونها انو ليش تكلمها كذا وقدام الكل

راحوا البنات وندوش واقفه بروحها وشوي وبتبكي:(
جيت انا قلت لها ندوش ايش بك قالت لي رشو تخيلي انا تقولي مو جايه عشانك العرس
استغربت انا قلت لها ندوش منو قال لك كذا
قالت لي تعالي انتي معي
وخذتني من يدي وراحت عند البنت وقعدت تسب وتصرخ وهي معصبه والبنت اسلوبها يستفز تضحك وتقولها ايش بك معصبه
وقتها لفيت وجهي عند ندوش اختي واشوفها تدمع((بجد الحساسيه كلها عند هالبنت))
انا عصبت لانو اشوف اختي تدمع ومن مين من ضيوفنا
المهم قمت قلت لها ندوش حبي ليه تدمعي عشان الضيوف ماعليكي ياروحي الحين اخلي وحده من العاملات ترمي لها عباتها وتطلعها بره ...القصر قصرك ياقلبي
البنت لفت علي وقالت لي رشو انا اطلع بره ؟؟؟
قلت لها يب ياروحي هذا هو الباب عطيني دقيقه واخلي العاملات يجيبوا لك عباتك
طبعا انا بكل برود اتكلم لدرجة انو البنت اتنرفزت وراحت تكلم ماما((المصيبه تشتكيني عند ماماتي:k:))
ماما جت عندي قالت لي رشو مايصير نطرد ضيوفنا
قلت لها ماما انتي قلتي ضيوفنا يعني هي والكرسي واحد ياتقعد زي الخلق ولا الباب مره كبيير والله
ماما قعدت تحرقني بنظراتهاق1 يعني خلينا نروح البيت بس هههههههههههههههههه

طبعا البنت هذه تصير بنت عمة العروس بس انا بما اني شفت دموع ندوش اختي خلاص يعني ماعادت تفرق معي ام العروس ولابنت عمتها بعد

المهم بعد العرس الكل صار يتكلم انو اصغر وحده بالبنات قامت تسب وخذت حق اختها ق1 هع
عشان كذا يافي كتبت هالكلام واليوم فتحت مدونتها لاني حييل اشتقت لها قلت خليني اقراء كلامها
وقريت هالكلام وقلت اوريكم واحكي لكم الموقف :i:
 
1410_p46950-1.jpg



صدق انا مو مره مع ماماتي واحس اني قريبه لبابا اكثر
بس العام مرت علي فتره حسييت اني بجد محتاجه ماما
وللاسف وقتها كانت مسافره وماكانت معي:(
اليوم من بدايته وانا حاسه بضيقه وطفش مادري لييش:l:
بس بعديين عرفت انو ماما راح تسافر عند يافي وانو مارح تقعد معي ايام الامتحانات
صدق اني مابيينت مره بس وربي ضاق خلقي وعرفت وقتها انا لييش كان ضايق خلقي اليوم
........................

قبل شوي خواتي طلعوا بره وماما قالت لي انتي اقعدي نامي احسن قلت لها تيب بس قبل ماتدخل تنام قلت لها ماما ابيكي تقرين شي كتبته العام لما سافرتي..قالت لي تيب وريني..فتحت الاب ووريتها شنو كتبت::..

\
|
\
|


امي,,

اشتقت لك,,اشتقت لحظنك,,اشتقت لصوتك

اشتقت لما ارجع من المدرسه ادخل غرفتك وارتمي بحظنك واحكي لك ايش صار معي اليوم هذا

اشتقت اشم ريحتك,,وابوس راسك في بداية يومي ونهايته
اشتقت اسمع كلمة :رشا ياماما روحي ذاكري عشان خاطر امك,,
اشتقت اشوفك تغطيني بالليل قبل مانام
اشتقت اسمع صوتك تقوميني بالصباح
اشتقت اكل من تحت ايدينك الحلوين


وربي اشتقت لكل شي يذكرني فيكي..

وحشتيني يالغاليه,,

\
|
\
|


ماماتي وهي تقراء بجد دمعت وقالت لي حياتي انتي هي كلها ايام بروح ليافي وارجع وان شاء الله اكون جنبك ع طول

.....

وربي تضايقت بس سكت لانو اعرف يافي اختي ماتعرف تذاكر الا وماما جنبها وتذاكر لها ((كنها بيبي:i:)) وهالفتره امتحاناتها ولازم ماما تروح لها
يلا ماعلييه ان شاء الله ربي يوفقها ويرجع ماما بالسلامه ويصبرني ع فراق ماما^_^
 
عودة
أعلى