خل العذر ياموجع الليل بالناي

طير القوافي

V - I - P, , , ,

خل العذر يا موجع الليل بالناي==ليلك عجل والسالفه سرمديه

اطول من الضيقات وابعد من بكاي==واشد من صد الخوي عن خويه

يا ما ذكرت الوقت والوقت نساي==وياما قتلت الروح والروح حيه

وأنا بطبعي لا تثاقلت شكاوي==على صدر غيري بقت داخليه

تكبر وتكبر مثلها ضحكة شفاي==ويردداللي ما درى ياهنيه

وأنت إن شقيت بغلطتك هاتها جاي==اغلط بكيفك وأترك العذر ليه

أنا اللي أسف وأعتذر عن سواياي==اسف على غلطتك وأسف عليه

الذنب ذنبي والخطايا خطاياي==ولا أنت ماجا منك ذنب وخطيه

ذنبي وعذري بالهوى طيب مبداي==ضحيت لجلك لين صرت الضحيه

تدري وش ابغى تقول لي قبل فرقاي==تدري وش ابغى تقول عن حسن نيه

ودي تقول . أو عاد تدري وش الراي==تسكت مادام السالفه سرمديه


الشاعر : رشيد الدهام


محبكم
طير القوافي
 
يشرفني أكون أول من يسجل إعجابه في موضوعك الرائع
ألف شكر على القصيده الجميله
 

يا ما ذكرت الوقت والوقت نساي==وياما قتلت الروح والروح حيه

وأنا بطبعي لا تثاقلت شكاوي==على صدر غيري بقت داخليه

تكبر وتكبر مثلها ضحكة شفاي==ويردداللي ما درى ياهنيه

أنا اللي أسف وأعتذر عن سواياي==اسف على غلطتك وأسف عليه

الذنب ذنبي والخطايا خطاياي==ولا أنت ماجا منك ذنب وخطيه

ذنبي وعذري بالهوى طيب مبداي==ضحيت لجلك لين صرت الضحيه

تدري وش ابغى تقول لي قبل فرقاي==تدري وش ابغى تقول عن حسن نيه



روعه مميز دائما طير القوافي ابدعت يا ذووق

تحياتي $$ لحظه شموخ $$
 
عودة
أعلى