ابغى افكار جديدة اسويها بملكتي

ليلة العمر ليلة الزواج - زفاف اجمل عروس
  • ارسال إلى Twitter
  • ارسال إلى facebook
  • ارسال إلى google plus
    1. ضحكة الدنيا
      13-01-2010, 01:09 AM

      ابغى افكار جديدة اسويها بملكتي

      ابغى افكار جديدة اسويها بملكتي


      أنا مخطوبه وقريب إن شاء الله ملكتي أبغى أفكار جديده ممكن أسويها بالملكه
      250*300 Second
    2. نزف خاطرة
      29-01-2010, 06:52 PM

      ابغى افكار جديدة اسويها بملكتي


      والله كان ودي اساعدك
      لكن افكار الملكة ماعرف شنو هي عندكم
      لان كل شعب له تقاليده ..

      ان شاء الله البنات يساعدوج
    3. فجر المحبه
      08-02-2010, 03:22 PM

      ابغى افكار جديدة اسويها بملكتي


      بصراحه انصحك
      لا تكلفي في الملكه كثير
      عقب يجي الزواج
      مابتكون له فرحه..
      ان شاء الله اجمع لك بعض الافكار
      ولي باك معاك
    4. فجر المحبه
      08-02-2010, 05:06 PM

      ابغى افكار جديدة اسويها بملكتي


      اهلا فيك حبيبتي . .

      اولا . . الف مبروك . . و ادعوا الله ان يسعدك مع زوجك مدى الدهر . . و ان يرزقكم بالذرية الصالحة . . اللهم امين . .


      بالنسبة للملكة . . برأيي ان تكون مرتبة . . و بسيطة . .

      نبدأ بلبسك و مكياجك . .

      اختاري فستان باللون الأخضر الفستقي الفاتح . . برأيي من اجمل الالوان لبدلة الملكة . .

      و طبعا المكياج لا تبالغين فيه . . اختاري درجات الوردي . . و أخضر فاتح على العينين . .

      و شعرك برأيي اعمليه بطريقة ما يكون كله مرفوع . . يعني مثلا نص مرفوع و الباقي مفلول . . اجمل كثير للملكة . . و يعطي انوثة . .

      و لا تنسين انه بالعرس اكيد راح يكون مرفوع . .

      واذا محتاجة صور لتسريحات الشعر يكون فيها مفلول خبريني و انا من عيوني اجيب لك صور . .



      نجي للصالة . . جهزي كوشة بيسطة . . جيبي منجد او نجار . . اختاري تصميم بسيط . . و خليهم ينفذونه لك . . مع ورد . . طبعا الورد تكونين متفقة مع صاحب الورد على الألوان و يكون جاي و شايف المكان . .



      التقديم خليه عصيرات منوعة . . و شاي و قهوة و حلو . . و اطلبي شوكولا . . يكون مكتوب عليه اسمك و اسم المعرس . . سواء على الورقة . . او على الشوكولا نفسها . . "اذا احتجتي افكار عن هالشئ خبريني" . .

      و لتدخيل الشبكة . . اختاري اي طفل من عائلة زوجك او من عائلتك " يفضل عائلة زوجك " يكون لابس دشداشة و بشت و غترة و عقال . . و يشيل الشبكة على مخدة مخمل لونها مناسب للديكور . . لو صينية خشبية حلوة . .

      هذه نصايحي المتواضعة و اتمنى انها فادتك ولو بشئ بسيط . .



      تحياتي لك و اتمنى لك التوفيق . .
    5. ضحكة الدنيا
      09-02-2010, 07:41 AM

      ابغى افكار جديدة اسويها بملكتي


      يعطيكم العافيه
      لاعدمتكم