قصيدة زمرت وقلت افا ياغالي - ناصر الفراعنه

ديوان الشاعر ناصر الفراعنة - شاعر الجن - شاعر الثقلين
  • ارسال إلى Twitter
  • ارسال إلى facebook
  • ارسال إلى google plus
    1. لعيوونها
      31-12-2009, 01:58 AM

      قصيدة زمرت وقلت افا ياغالي - ناصر الفراعنه

      قصيدة زمرت وقلت افا ياغالي - ناصر الفراعنه


      --------------------------------------------------------------------------------

      ألفية حرف شقي

      احدى ألفيات فرعون الشعر وإن شاء الله راح انزل المقطع الصوتي في قسم المرئيات



      الالف اولف من عميق اعماقي
      حرف شقي واللي يقوله شاقي
      لصبي عيني فتنة العشاقي
      غرو يجر السحر بين اطرافه
      والبا برا حالي زمان الفرقا
      واكبر عذابي يافهد يوم ارقى
      في نايف واسمع طيور الورقا
      ورقا تذكر ضامري ميلافه
      والتا تليت متيم مكروبي
      وصبرت صبر ماصبره ايوبي
      اخيله بجوفي وبيض جيوبي
      كله واداري خذفة الحذافه
      والثا ثقل همي وعجزت اشيله
      لاشك مافي يد رفيقك حيله
      من دون غض العود قبل اسجيله
      ماظن راي الليل راي تافه
      والجيم جيته في بويته نايم
      عليه شيهان المحبه حايم
      وقرصت رجله ميت ومهايم
      وفز الحبيب والتحف بلحافه
      والحا حمق خلي علي معادي
      ومسكت فمه وقلت قبل تنادي
      اعرف سبايب جيتي ومرادي
      واحكم ولك درع القصيد وقافه
      والخا خلا عني وقال استنا
      لحظه بصك الباب دون اهلنا
      جاني وقال اشتبغى في موطنا
      بسرعه تكلم قبل طق الطافه
      والدا دنيت وقلت له ياروحي
      جيتك وقلبي دونكم مجروحي
      عامين لاتسمع ولا انت بتوحي
      صرخة قلب من كل شر حافه
      والذا ذمر قال انت راعي لفه
      واظن في عقلك طفاق وخفه
      قلت الا والله نفسي المنضفه
      صوبك ومثلك مايرد اضيافه
      والرا رسملي فالشفايف بسمه
      قال انت مجنون عرفنا وسمه
      وسم ابو فارس خادر في جسمه
      وش ذكرك في ديرة مندافه
      والزا زمرت وقلت افا ياغالي
      هو انت تحسبني بعدكم سالي
      واللي خلق عمي وجدي وخالي
      مارغت عن ذكرك وحلو اطيافه
      والسين سال الدمع فوق خدوده
      وابعد ورا حد المتن مرجوده
      يقول وينك يوم نقض عهوده
      عامين ماحسبت طول وقافه
      والشين شان خويطري واستسلم
      وقدمت صادق بس ليتك تعلم
      ان الخلايق دونكم ماترحم
      واخاف ابن حرم يجيب لفافه
      والصا صحيح إني تركتك مده
      لاشك مالي يالمغيرب صده
      انت الوحيد اللي اتحرى رده
      مع رايح الغربي وريح اضفافه
      والضا ضوى دمعي على الاوجاني
      وهقيت انا ان الموت قرب وجاني
      قمت اتعبر قدم غصن الباني
      مثل الغرير اللي بدم ارهافه
      والطا طمر فوقي وقال اعذرني
      انا احسب انك ياولد هاجرني
      خل البكا لاهله وقم واسهرني
      على نغم صوتك ودق اشفافه
      والظا ظهرلي من اللحاف يغني
      يقول عانقني وقرب مني
      قلت انت روحي وانت شعري وفني
      خذ ماتبي قلب عرفت اوصافه
      والعين عانقني وشد ذراعي
      حتى دعاني من عيونه داعي
      رمش يقول اقطه قبل لاياعي
      ورد على خد كما النجافه
      والغين غبنا من الوجود شويه
      نهار نسكب مية في ميه
      مما ......... شهده الورديه
      احيا فواد محد شافه
      والفا فريت جيوبه المذلوعه
      الين ضاعت في ضلوعي ضلوعه
      حتى غدا كوعه تحت كرسوعه
      زهر نضج ورده وانا قطافه
      والقاف قهواني بريق الشفه
      وخمر الثنايا الذبل الملتفه
      ومن محلب نهوده عطاني كفه
      واربع مابين البطن والمهيافه
      والكاف كف وكف كيف وكايف
      يتبادلون الحب نوف ونايف
      على النقا والطيب محد خايف
      ماذقت غير اللي استتر باغدافه
      واللا لواني من كفوفه لاوي
      كن في زبارا الجوف رمح هاوي
      كني ورق عشب زواه الزاوي
      عقب الظما متعرض لالافه
      والميم مر الوقت مادرينا
      وبحر الهوى في غبته رامينا
      ويوم اذن المذن رفعنا يدينا
      هذي مواري صبحنا كشافه
      والنون ناديت الحبيب اقومي
      نور الصباح يبيح المكتومي
      نبغى نغادر قبل تصحى القومي
      شوف الطريق وللدهر غريافه
      والها همس عذب الغرام وكشر
      ودمعه على صافي خدوده عشر
      يقول انا بشوفتك كني مبشر
      مير الصبح حسبي على مخطافه
      والواو ودعني بجنب البابي
      وخرجت برا الباب اسوق ركابي
      وهو ورايه دمعته تنسابي
      صار المودع والوديع خلافه
      واليا يقول العاشق الفرعوني
      صلوا على احمد عد دمع عيوني
      مالاح برق وامطرن مزوني
      وماصاح صياح على مزرافه






      وسلامتكم..
      250*300 Second
    2. المؤمنه بالاقدار
      31-12-2009, 02:11 AM

      قصيدة زمرت وقلت افا ياغالي - ناصر الفراعنه


      يسلمو على النقل الرائع
    3. • عنآقيد تۈت •
      31-12-2009, 04:37 AM

      قصيدة زمرت وقلت افا ياغالي - ناصر الفراعنه


      يعطيك العافيه على هالابيات وصح لسان الفراعنه

      تنقل للقسم المناسب

      ،
    4. رجة بس رزة
      22-08-2010, 04:23 PM

      رد: قصيدة زمرت وقلت افا ياغالي - ناصر الفراعنه

      قصيدة زمرت وقلت افا ياغالي - ناصر الفراعنه


      يطيك العافية
    5. طير القوافي
      01-01-2011, 02:26 AM

      رد: قصيدة زمرت وقلت افا ياغالي - ناصر الفراعنه

      قصيدة زمرت وقلت افا ياغالي - ناصر الفراعنه


      رائع كثير
      قريت بعض من قصائده قريب الاسلوب والمنهج اللي يتبعه

      صح لسانه ولسانك
      مودتي
    6. ᵽ¡ҋʞ ║•
      06-08-2011, 08:39 PM

      رد: قصيدة زمرت وقلت افا ياغالي - ناصر الفراعنه

      قصيدة زمرت وقلت افا ياغالي - ناصر الفراعنه



      يعطيك العافيةة ع النقل الذوق ‘

      تقبل مروري

      دمت بود ‘
    7. المريسي
      10-09-2015, 12:29 AM

      رد: قصيدة زمرت وقلت افا ياغالي - ناصر الفراعنه

      قصيدة زمرت وقلت افا ياغالي - ناصر الفراعنه


      شكرا عالكلمات

      تحياتي