محاوره بين المسعودي والعصيمي

الشعر, قصيدة , شعراء, القصايد ارسال إلى Twitter ارسال إلى facebook
  1. وحيد امه
    31-08-2006, 06:11 PM

    محاوره بين المسعودي والعصيمي

    محاوره بين المسعودي والعصيمي


    السلام عليكم

    هذا اول موضوع لي في هذا الصرح الجميل

    محاوره بين

    عبدالله المسعودي رحمه الله علييه

    ومستور العصيمي




    المسعودي

    مرحبا عداد نوضة برقها والا رعدها
    يشرب الشعب البعيدي ويشرب الشعب القريبي
    عادة التجار تشري كل سلعه من بلدها
    وان خسرنا وان كسبنا لا رجاي ولا نصيبي

    العصيمي

    والبقا ياعزوة توعد وتافي في وعدها
    وش حصل من مشكله ماعندنا شي غريبي
    وان نسينا الاوله والثانيه والي بعدها
    مانسينا الرابعه ياراعي الراي الصليبي


    المسعودي

    السوالف ياعميل الخير مايحصى عددها
    والدفاتر ماتضيع شيء وافهم يالبيبي
    المطيه ماتقدم رجلها قدام يدها
    لو راعيها يخليها عشى حصني وذيبي


    العصيمي
    خابر الديره حيا واليوم مدري وش حصدها
    والمريض من العلاج يطيب مدري مايطيبي
    والمطيه راسها واديوسها في فم ولدها
    مار ياذيب الخلا بعواك لاتقنب قنيبي

    المسعودي

    ماعليه اللي ليامنه بغى الحاجه وجدها
    احسن من الشجره اللي لا صبوح ولا حليبي

    كانت العذرا تهوش وترفع البيرق بيدها
    والعشيه هلت العبره وقالت ياحبيبي

    العصيمي

    مالمحت الا الجنازه يوم طبت في لحدها
    مير قلي موتها رضى والا غصيبي
    روح ابو زيد الهلالي من نشدها من نشدها
    مير في وقت المحاسب والله لخلقه حسيبي

    المسعودي

    ياهل النبوت مايبني البيوت الا عمدها
    احسبني موت وارواح العرب في وسط جيبي

    ليت للسلعه مقدر مايقلل من جهدها
    لو يقولون اربعه هذلان واثنى عشر عتيبي ،

    العصيمي

    كان طولت البيوت بنيها اولى من هددها
    لايضيع العلم مابين المنادي والمجيبي

    ثابته ومثبته بشهودها واقراسندها
    كان مايسترك ثوبك لا تلبس من ثويبي
  2. *مزون شمر*
    05-01-2009, 05:39 PM

    محاوره بين المسعودي والعصيمي


    منقول جميل
    يعطيك العافيه
  3. c.ronaldo artist
    06-01-2009, 07:52 PM

    محاوره بين المسعودي والعصيمي


    يعطيك العافيه
  4. هل الحب يدوم العنزي
    06-01-2009, 08:24 PM

    محاوره بين المسعودي والعصيمي


    يعطيك العافيه
  5. سعوديه ومايهزني مخلوق
    06-01-2009, 08:35 PM

    محاوره بين المسعودي والعصيمي


    يسلموا
    ع الكلمات الله يعطيكالعافيه
    تحياتي