قصيدة بريدة - ياسر التويجري

ديوان الشاعر ياسر التويجري - متنبي العصر, شاعر المستحيلات ارسال إلى Twitter ارسال إلى facebook
  1. ஜ .¸¸ فجر¸¸. ஜ
    29-12-2009, 06:46 PM

    قصيدة بريدة - ياسر التويجري

    قصيدة بريدة - ياسر التويجري


    *
    *

    مدلهمه والهموم وحنيني
    والوجد الاشهب والضلوع الهميده
    كل المناظر لا طريتي تجيني
    يادار عزي ياضواحي بريده
    والحاقدين الحسد والعاذليني
    وديار نقصى والرجال البليده
    كل عجز يحتال بينك وبيني
    عتقتي الحيلات وانتي جديده
    طرت عليه في ديار الخميني
    والنفس شفقى والمساري بعيده
    ضاقت علي وهلت الدمع عيني
    وعرفت وش معنى الضروف العنيده
    تسبل دموعي وابيح كنيني
    كني وحيد فاقد له وحيده
    حنا ورى كاشان نفرق يميني
    وانتي بنجد ودون حايل وضيده
    نفحت هواك اللي تمر البطيني
    هبت وتلت من خفوقي وريده
    يا دار اللي كل ما قلت ويني
    جتني مثل ام تباكت وليده
    فيك الرجال اللي تبرك سميني
    اهل الفعول اللي خطاهم سديده
    يوم انها مبطي وهي بالثنيني
    بالسيف والعقل الحكيم ورصيده
    وهم رجالك كل حزه وحيني
    فوق الأصايل والبكار الفريده
    الله يرحم ماضيات السنيني
    من قبل لا تنشف موارد زبيده
    وانتي رجالك بالمواقف تبيني
    مع الأمام يثبتون العقيده
    أنا بقول الحق والله يعيني
    وليا احتمت ناري بدق الحديده
    إليا سجدت وحب رملك جبيني
    ذكرت قول اللي اسمى حفيده
    يومه يقول اسمع وانا ابوك زيني
    وعينه شرار ويمسك الرمل بيده
    يقول لا تغفل جزاء الوالديني
    وربك خلقك وصر من احسن عبيده
    وأن خيروك تعيش بس سنتيني
    عش بالقصيم ولا تعدى بريده
    كله طرالي وقت ذاك الحنيني
    ويليتها رحلت عديم وسنيده
    أن كان انا ما جيت عند اللعيني
    راع البقاله واشتريت الجريده
    وقعدت ادور صورت معزبيني
    فيصل ولد بندر وصورت عضيده
    وازريت ادور صورت الياسميني
    اللي تفرعن في شعيب السويده
    واثري بعيد ووين انا عنك ويني
    والنودلي ما يصلون لبريده
    وكل الجرايد والصور للخميني
    ولخامنيه اللي يلقب طريده
    وضاقت على ديار فارس بحيني
    وسبوق طيري كنهن بوريده
    ولديت في ربعي وهم مستحيني
    وحاولت اجمع بس جمله مفيده
    قلت انتم اصلا ما عرفتو حنيني
    ويحول ياللي ما سكن في بريده


    ****
  2. أميرة بمشاعري
    30-12-2009, 04:29 AM

    قصيدة بريدة - ياسر التويجري


    أنا احب اهل بريدة

    ياهم ذوق وعسل ولهجتهم مرة حلو ة
  3. نوادر نجد
    03-02-2010, 12:59 AM

    قصيدة بريدة - ياسر التويجري


    عاش شاعر بريده
    وتسلمين تحياتي
  4. ᵽ¡ҋʞ ║•
    21-11-2011, 07:53 PM

    رد: قصيدة بريدة - ياسر التويجري

    قصيدة بريدة - ياسر التويجري




    اختيار موفق :)

    لاعدمناك ~
  5. عزف
    25-02-2012, 11:01 AM

    رد: قصيدة بريدة - ياسر التويجري

    قصيدة بريدة - ياسر التويجري


    يالباناوالله
  6. وئااااام
    04-04-2012, 03:28 AM

    رد: قصيدة بريدة - ياسر التويجري

    قصيدة بريدة - ياسر التويجري


    حلوة القصيدة مرة
  7. المريسي
    10-09-2015, 01:12 AM

    رد: قصيدة بريدة - ياسر التويجري

    قصيدة بريدة - ياسر التويجري


    شكرا عالكلمات

    تحياتي
  8. mm..321~n
    30-07-2016, 11:53 PM

    رد: قصيدة بريدة - ياسر التويجري

    قصيدة بريدة - ياسر التويجري


    ياقلبي شكرا شكرا
    والله انه جذبتني بقوووه
    شكرا على شعرگ لنا