كبرياء الفقر؟؟؟

الشعر, قصيدة , شعراء, القصايد ارسال إلى Twitter ارسال إلى facebook
  1. عانقتني حسرتي
    25-12-2009, 12:13 PM

    كبرياء الفقر؟؟؟

    كبرياء الفقر؟؟؟


    اليوم أحس الموت يطعن بصدري
    كله لجل أعلن حبيبي رحيله

    رحل وترك دمعي على الخد يسري
    ونسى ينسيني بالنسيان ياناس حبيله

    قال الوداع وقلت ياهوه بدري
    وشفيك تاركني وحبك في قلبي أشيله

    وشلون تفارقني وأنت بالغلا تدري
    وأنا لجل أوصل لقلبك أختر مية وسيله

    ليه البرود يعم قلبك وتقول عن حبك ماأدري
    وحسستني إن الحب صار أكبر رذيله

    ضحك ضحكة مكر وقال طحتي في وكري
    وحسيت روحي من كلمته كأنها قتيله

    قال أنا يابنت بهالحب أدري
    وأبي أنا أستانس دامك أنتي الدخيله

    جريت صوت الاه وقلت والله لأذوقك غدري
    وأخليك تذوق المر في كل ليله

    إلا الأهانه لا ثم لا واللي رفع قدري
    إني لا أخلي الناس تقول ياويل ويله

    عصب وحط يده على فمي وأنشل فكري
    وصرخ وقال أمزح وأنتي صدقتيني يالهبيله

    شلت يده وقلت يافلان والله نفذ صبري
    كافي المرض هد قلبي وأنت اللي تشيله

    كرامتي يافلان وسام على صدري
    وحب تنهان به الكرامه راسي ماينحنيله

    سكتني ويطالعني ودمعي على الخد يجري
    وحسيت نار الفراق بتشعل شعيله

    قال أنا أكتشفت إنك ملاك وأدري
    إنك عزيزة نفس وبنت<ن> جميله

    بكى وقال يابنت زاد حزني و كدري
    وأحس روحي أنانيه وبضعفها كهيله

    يابنت أنا أرجوك أقبلي عذري
    وأسمعي كلامي اللي بقوله ولو الكلمة ثقيله

    قلت قول لجل ترتاح ويرتاح حبري
    وأنهي أنا القصه بكلمه جميله

    قال أبوي يالغلا قلل من شأني و قدري
    وأختارلي بنت عمي وسكت وأرتفع عويله

    شفته كسير ودموعه مثل السيول تجري
    ماهي دموع تمساح دموع نار بصدره غليله

    حبست دموعي وقلت يافلان أبوك مو عاجبه فقري
    وماوده ينزل راسه بي عند كبار القبيله

    الفقر ماهو عيب وماقل قدري
    والغنى غناة النفس ولو فقري حصيله

    أنا أعتز بالفقر ولو الغنى يغري
    من بعد ماشفت كل غني التعاسه تعيله

    كم شفت فقير فيه الكرم والجود يسري
    وكم شفت من غني لأيم و نفسه بخيله

    صاح بعالي الصوت وقال أرجوك اسكتي أنا بسري
    ماودي تتركين النار بصدري هميله

    خلاص يكفي أسكتي يابنت عرفت قدري
    إني حقير يوم قلت عند أهلي إنك هبيله

    ضحكت وذكرت الله وقلت عقلي ماهو ع قد صغري
    وكم واحد مثلك قال مامنك حيله

    من داس على عباتي يطيح في وكري
    ثم يشوف الموت كل ساعه وليله

    قال يابنت قلبك صخر وشلون فيه الدم يجري
    كلامك سكاكين طعني وروحي منه عليله

    قلت أنت ذليتني بحبي لك وقلت إنك ماتدري
    وظنيت إني بأخذ من أبوك بقايا حصيله

    أنا أنا أنا مامديت يدي لأبوي رغم فقره وفقري
    حتى علاجي أنساه ولا أصبح ذليله

    ماتهمني صحتي ولو أسكن بقبري
    أهم شي كرامتي ماتصبح لدرب الذل وسيله

    صرخ علي صرخه وإبتسم لها ثغري
    حسيتها بركان تطفي لهبة شعيله

    أنتصرت في لحظه يوم راح يجري
    وجسمي واقف وقلبي يركض يناديله

    مسكت قلبي وصرخت عليه وقلت وشلون وراه تجري
    وبسبايبك بغيت أنذل بأتفه وسيله

    حسيت قلبي يحتضر ويقول أدفنيني بقبري
    وخليته يصارع الجروح وأنا بكل فخر<ن> أشيله

    قويت عزمي بعقلي وأشرقت شمس فجري
    وشفت نور العز أصبح عقلي دليله

    )))))))))كبرياء قلمي((((((((((((
  2. • عنآقيد تۈت •
    25-12-2009, 03:01 PM

    كبرياء الفقر؟؟؟



    الغنى غنى النفس .!

    صح لسانك يالغاليه واعتلى شانك على هالكلمات الرائعه

    وجدت في سطورها القوه والعزه

    رائع ماقرأته هنا

    عفاك

    .
    .
  3. وحيدة في كل جلساتي
    25-12-2009, 09:06 PM

    كبرياء الفقر؟؟؟


    يسلمو اناملك الحلووووه

    والله يعطيك الف الف الف عافيه يالغاليه
  4. عانقتني حسرتي
    26-12-2009, 12:36 AM

    كبرياء الفقر؟؟؟


    مشكورين يالغاليات على المرور
  5. الذاهبه
    26-12-2009, 03:58 AM

    كبرياء الفقر؟؟؟


    صح لسانك يالغاليه واعتلى شانك على هالكلمات الرائعه

    وجدت في سطورها القوه والعزه

    بس ماعليش يالغاليه تحتاج بعض الوزن بالابيات

    الف شكر لكي وارجو تقبل نقدي
  6. عانقتني حسرتي
    26-12-2009, 05:02 AM

    كبرياء الفقر؟؟؟


    النقد يزيدني الثقه يالغاليه ومشكوره ع المرور
  7. ام لجين
    27-12-2009, 02:52 AM

    كبرياء الفقر؟؟؟


    أستغفر الله.. أستغفر الله.. استغفر الله