حصريا هداج تيما

الشعر, قصيدة , شعراء, القصايد ارسال إلى Twitter ارسال إلى facebook
  1. هداج تيما
    19-12-2009, 02:51 PM

    حصريا هدااج تيما

    حصريا هداج تيما


    ضوامي ياغلا وش هالضوامي والدروب قصار؟
    على رجوى الأمل ذاب الخفوق وذاب شريانه
    من عيوني عزمت أغلى دموعي والذنوب أعمار
    وأنا عمري مقام(ن) للفراق وريح بستانه
    عشقت أقرب مواعيد الغرام وكم حفظت أسرار
    وفي صدري مسافات الضما بالحيل عطشانه
    أنادي مع (تراحيب الجفاف) وصوتها الغدار
    وأمد الحلم لعيون السراب إن مَد جنحانه
    كفاني ماعطيت بليلة أشواقي وأنا المحتار
    أجل وشلون ياقلب(ن) يطيب وتكرم أزمانه؟
    حبيبي لا تعاتبني على الميعاد والمشوار
    ترى كل الغلا في ناظري ماطابت ألوانه
    عساك إن غبت في ذكرى لقانا يابعيد الدار
    تذكر وش كبر قلب(ن) هواك وكبر عنوانه
    خفوق(ن) ماترك لأول جفاه وهيبة الأعذار
    سوى صمت(ن) يزاوله القدر في لحظة أشجانه
    يشيل رضاه والعزه على صدر الزمن مقدار
    ولا يترك لطعنات الزمان العذب ميزانه
    عزاه إن مَر باأيام البراد وريحة الأمطار
    يميل وينتظر صبر الغرام ونبض برهانه
    من أوصافه تواصيف الحيا والطيب والتذكار
    على وجهه بساتين القصيد ومسك ديوانه
    يحب ويشره ويكره ولكن لا عشق مابار
    لو إن الجرح في نبضه ومعلوقه وشريانه
    خلص كل الكلام اللي وصل واللي كمَل وإختار
    معاناة الجريح اللي رسم ذكراه لإنسانه !!


    هداج تيما
  2. بـــــــــرق
    19-12-2009, 03:03 PM

    حصريا هداج تيما


    هلا بهداج تيما

    عز الله انها جزله

    بودي اسالك

    هل انت بدر شافي؟

    اخوك


    الشمري
  3. هداج تيما
    19-12-2009, 04:01 PM

    حصريا هداج تيما


    مرحبابك هلا وغلا
    وماعليك زووود الله يطول بعمرك
    أخوي طال عمرك..
  4. جدا عادي
    19-12-2009, 05:17 PM

    حصريا هداج تيما


    ارررحب ياولد شافي

    ونعم بك ونعم باخوك بدر

    بدر شاعر لامحاله في شعره وابياته واحساسه

    بيض الله وجعك عالنقل لاخوك
  5. وزير السلطان
    19-12-2009, 05:37 PM

    حصريا هداج تيما


    ياهلا وغلا فيك يابن شافي
    والله وألفين نعم فيك وفي أخوك
    شرفتنا ونورتنا
    يامرحبا بك
    وألف شكر على هالقصيده
    يسعدك ربي
  6. بـــــــــرق
    19-12-2009, 05:41 PM

    حصريا هداج تيما


    المشاركة الأصلية كتبت بواسطة هداج تيما
    مرحبابك هلا وغلا
    وماعليك زود الله يطول بعمرك
    أخوي طال عمرك..
    هلا بك والله

    يعني القصيده لاخوك بدر شافي؟؟؟


    الشمري
  7. السحاااااااااااب
    20-12-2009, 06:18 AM

    حصريا هداج تيما


    قصيده رائعه الله يعطيك العافيه تقبل مروري مع تحياتي
  8. هداج تيما
    20-12-2009, 08:44 AM

    حصريا هداج تيما


    المشاركة الأصلية كتبت بواسطة جدا عادي
    ارحب ياولد شافي

    ونعم بك ونعم باخوك بدر

    بدر شاعر لامحاله في شعره وابياته واحساسه

    بيض الله وجعك عالنقل لاخوك
    مرحبابك وماعليك زوود جعل شيبانك فالجنه
    ووجهك بيض يالسنافي..
  9. هداج تيما
    20-12-2009, 08:52 AM

    حصريا هداج تيما


    المشاركة الأصلية كتبت بواسطة السحاب
    قصيده رائعه الله يعطيك العافيه تقبل مروري مع تحياتي
    هلا وغلا من ذوووقك نورت متصفحي
    دمت بوووود