ليه نزعل وليه نضايق عيش حياتك ومفيش حاجه تستاهل

السلام عليكم ورحمة الله وبركاته



ليه كل حاجة نتعب نفسنا و نكبر المواضيع و نعمل من الحبة قبة، هي الحياة تسوي ايه؟، ايه يستاهل دمعتنا ولا حزننا؟، ولا حاجة، ايه عشت حياتك، كبرت، خدت ثانوية عامة و كلية و اشتغلت، اتجوزت و بقي عندك عيلة، تعيش فقير تعيش غني، ساكن في فيللا ساكن فوق سطوح، تعبان مستريح، ايه الفرق، هي الدنيا ايه؟، كام سنة تتعب يا سيدي، 60؟، 70، 80؟ . حتي لو عشت 100 سنة، العمر قصير، و مفيش حاجة تستاهل دمعتك او حزنك او زعلك، اتجرحت، فشلت، احلامك ضاعت، عادي، ربنا خلقلنا نعمة اسمها النسيان ومع مرور الوقت الواحد بينسى،وقعت، قوم اقف علي رجلك و ابدأ من الاول، هتخسر ايه؟ هتخاف علي ايه؟ ما كله من عند ربنا، و محدش بياخد اكتر من رزقه و نصيبه
وخليك متفائل وعيش حياتك ببساطه

عيش حياتك، عمرك ما تكشر، خليك وانت عندك 70 سنة ، يبيان عليك عندك 20 سنة، مهو الشباب شباب القلب ، متشيلش علي نفسك هموم الدنيا،كبر الجي و روق الدي و خلي الحياة حلوة و خليها ايزي ، محدش واخد منها حاجة، كل حاجة بجد ملهاش لازمة متخليش الحزن يسيطر عليك وخلى ف حياتك دايما هدف تسعى وراه وتحاول تحقق نجاحك فيه وخليك دايما وسط الناس الى بتحبهم ويحبوك ، هي الدنيا ايه غير عمر قصير، المهم اللي بعد الدنيا يا جماعة..


 
عودة
أعلى