أبختصرها والذكي لا جاه حكيي فسره ...

الشعر, قصيدة , شعراء, القصايد ارسال إلى Twitter ارسال إلى facebook
  1. ღ حلمي وجودك ღ
    01-12-2009, 09:11 PM

    أبختصرها والذكي لا جاه حكيي فسره ...

    أبختصرها والذكي لا جاه حكيي فسره ...


    قالوا الشقاء وشهو الشقاء قلت الشقاء ظلم السنيين
    ( أحدن يمر ويتعبه ) .. ( وأحدن يمر ويقهره )

    قالوا الحزن وشهو الحزن قلت الحزن .. دمعه وعين
    أحدن قوي .. ويصطبر.. وأحدن تبلل محجره !!

    قالوا الوفاء .. وشهو الوفاء قلت الوفاء .. مسالم يدين
    واللي يغدر في صاحبه .. عاد الليال بتغدره !!


    قالوا الجفاء .. وشهو الجفاء قلت الجفاء .. قسوه ولين
    يما تغلى صاحبك .. و يما ملقيك أظهره !!

    قالوا الوصل .. وشهو الوصل قلت الوصل.. ماله وزين
    يبري جروح ما برت .. والعفو عند المقدره !!

    قالوا الأمل.. وشهو الأمل قلت الأمل .. في نظرتين
    أحدن يحاول يكسبه .. وأحدن يخاف أن يخسره !!

    قالوا الرجاء .. وشهو الرجاء قلت الرجاء .. قلب حزين
    يمشي على تراب الأمل ويخاف لا يسفى ثره

    قالوا الوجيه .. اشهي الوجيه قلت .. هي من جانبين
    ( وجه يزينه العفاف ) .. ( وجه زين بمظهره )

    قالوا الحكي .. وشهو الحكي قلت الحكي .. ما بين بين
    خير الحكي ما قل دل .. وزبدة القول ( أثمره )

    قالوا الخجل .. وشهو الخجل قلت الخجل .. بالعام زين
    ( بس الخجل لا سار دون الحق .. خزي ومحقره )

    قالوا الزمن .. وشهو الزمن قلت الزمن .. في ساعتين
    ساعة طرب نفس وهوى .. وساعة خشوع وتذكره


    قالوا الغلا .. وشهو الغلا قلت الغلا .. حب دفين
    والحب لا قد هو حقيقه ودك أنك تستره !!


    قالوا الخطاء .. وشهو الخطاء قلت الخطاء .. الله يعين
    أحدن ما لا خطاءه عذر .. وأحدن اليا أخطاء تعذره

    قالوا المره .. وشهي المره قلت المره .. ضلع لدين
    يبقى على طول أعوج .. ومن جاء يعدله كسره !!

    قالوا الرجل.. وشهو الرجل قلت الرجل .. في حالتين
    أبختصرها والذكي لا جاه حكيي فسره

    ( رجل سليط وكلمته ماهي تغدي لك كلمتين
    ورجل مع العالم رجل .. لكن مسيرته مره !!)


    للشاعر .. حمد البريدي
  2. *مزون شمر*
    02-12-2009, 01:03 AM

    أبختصرها والذكي لا جاه حكيي فسره ...


    قصيدة رائعه
    طبتي و طاب منقولك
    ولاعدمناك
  3. سوسو الكايده
    02-12-2009, 01:10 AM

    أبختصرها والذكي لا جاه حكيي فسره ...


    يسلمو على القصيده

    نقل مميز لاعدم ولاخلا
  4. نوران العلي
    02-12-2009, 01:12 AM

    أبختصرها والذكي لا جاه حكيي فسره ...


    الله يعطيك العافيه روحي بالرياض

    جميل ما نقلتي وذوقك اجمل

    تسلم الانامل ..

    مودتي
  5. بـــــــــرق
    02-12-2009, 01:57 PM

    أبختصرها والذكي لا جاه حكيي فسره ...



    هلا بك وهلا بذوقك الراقي

    الشكر لقلبك

    اورنس
  6. ᵽ¡ҋʞ ║•
    30-07-2011, 09:07 PM

    رد: أبختصرها والذكي لا جاه حكيي فسره ...

    أبختصرها والذكي لا جاه حكيي فسره ...



    يالبيةة يا حمد البريدي ‘ ابداع ‘

    ويعطيك العافيةة يالغلا ع النقل الذوق ‘

    تقبلي مروري

    دمتي بخير ‘