123

ديوان الشاعر سعود السبيعي - سفير الشعر

ديوان قصائد الشاعر - ديوان قصائد الشاعره ارسال إلى Twitter ارسال إلى facebook
  1. *مزون شمر*
    01-12-2009, 03:59 PM

    ديوان الشاعر سعود السبيعي - سفير الشعر


    أنتي اثمن شي



    نضره عيونك تخليني أضيع

    أنسى نفسي أنسى حتى من أنا

    الحنان بنضرتك شي فضيع

    فيه حب وفيه أمان وبه عنا

    لانضرتك ارتجف وأسمع وأطيع


    تأمر عيون لها القلب أنحنا

    بين كل الخلق لك شان رفيع

    مأخذ عقلي وقلبي والهنا

    يوه.. يا قلب إذا قلتي يطيع

    في عذابه راح واقفا واهتنا

    ينتظرلاصرت أناوأنتي جميع

    نحتفل في يوم مولد حبنا

    ادخلي قلبي من الباب الوسيع

    فيك قلبي ذاب يا كل ألمنا

    اشتري قلب محال انه يبيع

    أنتي اثمن شي وأنتي له غنا





    سعود بن حسين السبيعي



    ديوان الشاعر سعود السبيعي - سفير الشعر
  2. *مزون شمر*
    01-12-2009, 04:06 PM

    ديوان الشاعر سعود السبيعي - سفير الشعر


    الغلا


    عجزت أميز بالغلا بين ثنتين

    عجزت اميز بين روحي وذاتي

    إن قلت هذي عين فالثانية عين

    إن قلت ذي عمري فهذي حياتي

    عشق تمكن بيني وبين بنتين

    نساني إلي راح من ذكرياتي

    يسري غلاهن فالجسد والشرايين

    دايم معي حتى وانا في صلاتي

    ما بينهن أعيش عيشة سلاطين

    يدللني ومنيتهن رضاتي

    ارق من لمس الندى للرياحين

    وأعذب من الحلو القراح الفراتي

    يشتتني بين تأمر وهالحين

    ويلملمني من عناي وشتاتي

    اضحك ولو همي مطاولني سنين

    لا شفتهن أنسى الفنا والمماتي

    أقول إنا عايش وهن حوري العين

    هو حلم وألا علم يا فاتناتي

    سبحان من كمل حلاهن من الزي

    كل الحلا فيهن وهذي غناتي

    مثل الهوا والما لروحي عناوين

    مثل الجسد والروح ذولا بناتي




    سعود بن حسين السبيعي



    ديوان الشاعر سعود السبيعي - سفير الشعر
  3. *مزون شمر*
    01-12-2009, 04:09 PM

    ديوان الشاعر سعود السبيعي - سفير الشعر


    عفتك



    سبحان من اعطاك قلبي وعيني

    وسبحان من خلاك عندي ولا شي

    عقب الغلا الي كان بينك وبيني

    اكرهك كره الموت مادامني حي

    من اول افرح لامسكت بيديني

    واليوم مارضى لوتمسك برجلي

    ادري تبيني والله انك تبيني

    وانا السراب ان كان مثلك يبي مي

    عفتك وعفت ارضك وماضي سنيني

    ماقعد بقرب الحرملة لو لها في

    ادري تبيني والله انك تبيني

    وانا السراب ان كان مثلك يبي مي

    لاتتصل ازعجتني ترتجيني

    بكسر يدك لو حاولت تتصل في

    وان شفتني دقيت لك لاتجيني

    سكر بوجهي وان حكينا معك عي




    سعود بن حسين السبيعي



    ديوان الشاعر سعود السبيعي - سفير الشعر
  4. *مزون شمر*
    01-12-2009, 04:16 PM

    ديوان الشاعر سعود السبيعي - سفير الشعر


    تصدق






    و الله لو تدري بقلبي وش اغليك



    ان تحلف ان دم الشرايين دمك





    تصدق اني وين ما اروح الاقيك



    طيفك عطر من وين ما اروح اشمك





    اطالع وجية العذارى وناجيك



    يمكن اجمع فالملامح و لمك





    ولو تكتمل صورتك من هذي وذيك



    ياوين بلقى فرحتي حين أضمك





    وافرح الا من جابو الناس طاريك



    لاني اعرف اني لحالي اهمك





    تبان في عيني حبيبي مواريك



    اشوف طيفك قدم عيني وخمك





    تدري متى موتي حبيبي وانا أغليك




    لامن تجرا عندي احدا وذمك





    سعود بن حسين السبيعي





    ديوان الشاعر سعود السبيعي - سفير الشعر
  5. *مزون شمر*
    01-12-2009, 04:19 PM

    ديوان الشاعر سعود السبيعي - سفير الشعر


    لو عطيتك


    لو عطيتك عيوني وش تجي من غلاك

    نقطة في بحر حب كبير غزير


    والله أنى عشقتك وابتليت بهواك

    والله انك بقلبي حاكمه والأمير


    أمر القلب قله يسمعك يا ملاك

    كل شي حبيبي تطلبه لك يصير


    تأمر بنضرتك من قبل تنطق شفاك

    واحترق لجل أشوفك شمس وانا ضرير


    حس في قلب خل مخلص في هواك

    لا تخليه في دنياه عايش أسير


    ذوق القلب حبك امش له في خطاك

    المسافة طويلة والمعذب يسير


    ما تجرا على ملك المشاعر سواك

    أول العشق في فلبي وأبيك الأخير


    كل ما لاح غيرك عاش قلبي معاك

    ما يفكر بغيرك مع خيالك يطير


    يحلم بكل همسه ويتنفس هواك

    باختصار أنتي النسمات منك تغير


    اه وش كثر احبك هايم في دفاك

    يا عذابي وفرحي يا لبرد والهجير


    للعيون ابتسامه معتليها نباك

    تحتويني وشوف انك بقلبي جدير


    أنت روح القصيد ونفحته من عطاك

    وأنت نبض الوريد إلي بدمي خشير


    تحسب القلب مع سجاته انه نساك

    عايش بك خليل وعايش بك عشير


    أجمل دروب قلب بالمحبة مشاك

    وأعذب ألحان نبض في دروبه غرير


    شمس عمري تغيب وتنتهي في مساك

    ولمستك تقلب خيوط الظلام لحرير


    هاك عمري أمانه واحفظه في حشاك

    واعتقد ما طلبته منك ما هو كثير





    سعود بن حسين السبيعي


    ديوان الشاعر سعود السبيعي - سفير الشعر
  6. *مزون شمر*
    01-12-2009, 04:21 PM

    ديوان الشاعر سعود السبيعي - سفير الشعر


    الصيد


    لا تفرح بصيدك ترى الصيد جيفه

    هي صيد غيرك أمس واليوم لك زاد

    تفرح بصيد المنقطع و الضعيفه

    اصله وضيع وبايعه بين الاشهاد

    لا يعجبك ورد تفتح بصيفه

    زينه بلا ريحه وللمال عباد

    هذا الخماج إلي تطايح حفيفه

    وألا البلح عالي وبالعذق وتاد

    والبوم صيده من ضعيفات ريفه

    وأنا وطير الباز فالجو رواد

    أصيد من نجد العروبة عفيفه

    أصيد من غزلانها صلح ومراد

    طيري إلا هديت تسمع حفيفه

    لمح البصر يصيد صيده ومعتاد

    معتاد صيد العالية و المنيفه

    أميرة ما حط قبلي لها شداد

    اتعب على صيد يهولك بطيفه

    وارتاح لا صدته ويهنا لي رقاد

    مرضى بغير الطيبة والشر يفه

    وبغيرها مرضى ولا حرك زناد





    سعود بن حسين السبيعي




    ديوان الشاعر سعود السبيعي - سفير الشعر
  7. *مزون شمر*
    01-12-2009, 04:26 PM

    ديوان الشاعر سعود السبيعي - سفير الشعر


    حبيبتي والشمس والقمر




    الفلسفه في وصف الاحباب دستور


    والغصن تعرف طلعته من بذوره




    حبيبتي در على الحسن منثور





    شمس يداعبها الفضا في غروره





    ماهي قمر لان القمر كله قصور






    ماهو بمثل الشمس في أي صوره





    الشمس وسط الكون هي مصدر النور





    والا القمر ياخذ من الشمس نوره





    وشفنا القمر عرضه من الناس مكسور





    (ارم سترنق) مصور فيه صوره





    والشمس عذرا عرضها دوم مستور





    ولا كشف انسان للشمس عوره





    والشمس رمز للانوثه ومذكور





    رمز الشرف والعز رمز البكوره





    والشمس تخفي لامها داخل الزور





    والا القمر لامه تبين سفوره





    والشمس تدفي الناس والغيم والبور





    حتى القمر تدفيه مادفى حفوره





    والشمس وجه كامل يبري صدور





    والا القمر مايكتمل في ضهوره





    واذا اكتمل وجه القمر كله بثور






    والشمس تعمي عين نفس جسوره





    ونلف حول الشمس والكون ديجور






    نحتك فيها كل عام بدوره





    والا القمر مع كوكب الارض محصور






    لو تتركه ارض البشر ضاع دوره





    حبيبتي شمس تشبه بها الحور






    والشمس تشبه شكلها في حضوره



















    سعود بن حسين السبيعي







    ديوان الشاعر سعود السبيعي - سفير الشعر
  8. *مزون شمر*
    01-12-2009, 04:30 PM

    ديوان الشاعر سعود السبيعي - سفير الشعر


    باريس



    المطر والبرد في باريس زاد

    واليدين الجرد قاموا يرجفون

    يا دفاي اليا فقدت سعود ناد

    خل صوتك يدفي إلي يسمعون

    أشعل ضلوع بعد وجهك رماد

    وطف نار الشوق من ذيك الغصون

    زارع حبك بقلبي والحصاد

    أتنفسك الهوى برد وسكون

    شفت ذاك الزول من بعدك جماد

    كل شي غير غيبتكم يهون

    والله إن القلب في ذاك المهاد

    طاهر ما هزته نضرت فتون

    والله إن العين لطيوفك تقاد

    كنها من هيبتك داخل حصون

    لا يكدر خاطرك طول البعاد

    صورتك في داخل عيوني تكون

    ما تنام العين ما يهنا الرقاد

    لين أحطك بين جفني والعيون

    كل ما هبت نسانيس البراد

    أشعلت فالقلب شوقي للحنون

    وكل ما قارنت زينك بالبعاد

    عزك الله يا حبيب مايخون




    سعود بن حسين السبيعي


    ديوان الشاعر سعود السبيعي - سفير الشعر
  9. *مزون شمر*
    01-12-2009, 04:33 PM

    ديوان الشاعر سعود السبيعي - سفير الشعر


    بسمة الايام




    ألا عزي لمن مثلي له الأيام غداره

    يذوق المر من ماها و ماها صافي حالي


    تخون إلي يصافحها وتدفن بالثرى ناره

    تدوس الكل ما ترحم ولا تترك لها تالي


    وفجئه شفت بسمتها زولا قلبي اختاره

    بلا موعد ولاتحديد شفت الغالي إقبالي


    أحس انه يعبر لي عن إحساسه بقيثاره

    عزفها بصمت ورددها خياله بالخلا الخالي


    ألا يا عازف الأنغام ودي اسمع أشعاره

    وعيش بعالم الأنغام والأنغام تحلالي


    سمعت العزف واعجبني باعجاب حنى ثماره

    مفاتيح الخفوق إلي ملكه وصار له والي


    ولو يتركني الغالي ابسكن فية جداره

    على شانه فهمت الحب قبله خالي بالي





    سعود بن حسين السبيعي




    ديوان الشاعر سعود السبيعي - سفير الشعر
  10. *مزون شمر*
    01-12-2009, 04:35 PM

    ديوان الشاعر سعود السبيعي - سفير الشعر


    حرموني






    أحرموني منك وأنا أموت فيك





    احرموا قلب تعذب في هواك






    قطعوا قلبي وأنا ميت عليك





    شتتوني يا بعد عمري معاك








    ضاع عمري جالس بس احتريك





    عشت ماساتي ولا أبغى سواك








    ما يروح القلب مع هذي وذيك





    غايته يا دنيتي يكسب رضاك







    بعت كل الناس جيتك مشتريك





    باعني واليك باع إلي شراك





    يا سراب كل ما قربت أبيك





    تبعد الخطوات وتعبها وراك





    عيبي إني كلما أبعدت اجيك





    كل ما أبعدت يذبحني ضماك







    وان بغيت الحل الحل بيديك




    قل أحبه موت يا أغلا ملاك





    ما قدرته صار والباقي عليك




    وكلها لعيون من مات بغلاك






    سعود بن حسين السبيعي




    ديوان الشاعر سعود السبيعي - سفير الشعر
123