واحشني وانا من وحشة افراقك شكيت

بوح الخواطر, مشاعر وخواطر من قلبي
  • ارسال إلى Twitter
  • ارسال إلى facebook
  • ارسال إلى google plus
    1. mahboob_aziz
      26-08-2006, 10:39 PM

      واحشني وانا من وحشة افراقك شكيت

      واحشني وانا من وحشة افراقك شكيت


      عندي رساله ويش اخلي ويش اقول***اقول واحشني وانا من وحشه افراقك شكيت


      عزالله اني في غيابك من نزول في نزول*** يا وردة اسقيتها ويوم اثمرت لي ما جنيت


      غير ان غيري يحصد اللي ازرعه اربع فصول***ولا لمجهودي اثمره ولا خلف يومي سقيت


      عاهدتني وحلفت لي بالله تعالى والرسول *** ثم خنتني ما خفت ربي في سواتك واستحيت


      لكن عسى ربي يعوضني وللجهد محصول ***ويعمر الله ما انهدم في غيبتك ما قد بنيت


      ما عدت ابستغرب غريب في زمان به ذهول ***عز الله اني من دروس الغدر يا قلبي اكتفيت


      ومعاد في درب الغرام العذب يا خذني الفضول***ولاعاد يغريني السراب ولمعته لامن ضميت


      ياليت ما في الحب فرقا والتفاته من عذول*** او ليت ربي ما خلق ها الحب واتعابه يا ليت



      خليتني اغوص با الاشعار واثير العقول*** في غبة نادر من الشعار يرسي ثم رسيت


      كله عشان انك تفاخر با القصايد يا الزعول***وعشان شعري يكتب اللي ما لسمعك قد حكيت


      احاول القى ما يبرر لك غيابك من حلول***وازريت الاقي حل مقنع يعذرك لامن نسيت


      تعبت اكابر واتضاهر با السعاده يا الجفول ***با ني لقيت اللي يعوضني الغياب ولا لقيت


      ما هد حيلي غير صبري لثقال من الحمول*** لو ان دمعي لا أنهمل بيعوض افراقك بكيت


      تصدق اني صرت احس الشعربعدك به خمول ***من بعد كانت في وصوفك تنحني لي بيت بيت


      وتصدق اني صرت ميت قلب وانا لي قبول*** في سوق تلعات الرقاب وبعت من قبل وشريت


      انا ادري ان ما كل زول يعوضني في فقد زول*** ياكثرها الازوال حولي بس مثلك ما لقيت


      وانا ادري انك في العروق ونبضها عرض وطول*** مثل ما ادري كم مره في غيابك قد شقيت


      وانا ادري ان الوصل صعب ورجعتك صعبه وصول***ان كان تدري يا مشقيني واظنك ما دريت


      عن ما اكنه لك بقلبي من حنين ومن ميول *** واطوي شريط الذاكره عادك وفي وانا وفيت


      غيبتك طالت واستمع لك كلمه بصدري تجول*** لو كان تعرف وش تسوي غيبتك لامن طريت


      ان كان لا تحرم تروح وتترك القلب معلول*** وتعيد في الهجر النظر ثم تعتذر عن ما بديت


      لكن عسى الله ما يشقيني ويجعلني أنول*** محبتك يا أغلى بشر مر بحياتي من نشيت


      والحين قلي عن غيابك ويش اخلي ويش اقول***اقول واحشني وانا من وحشة افراقك شكيت
    2. الحلم المفقود
      27-08-2006, 05:00 AM

      واحشني وانا من وحشة افراقك شكيت



      رائع ومبدع في كل حرف خطــه لنا قلمك الجميـــــل

      عن جد اذهلتني قصيدتك وخصوصـاً هالابيات اللي فوق

      رائعه بمعنى الكلمــه

      سلمت يمناك على ما ابدعته لنا
    3. دلوعة الرياض
      27-08-2006, 02:19 PM

      واحشني وانا من وحشة افراقك شكيت


      كلمات عطر الشوق يفوح في أسطرها

      وألم الغياب يسقي أحرفها

      سلمت أنـــــاملــكـ
    4. عبيررر
      08-09-2006, 11:10 AM

      واحشني وانا من وحشة افراقك شكيت


      غبت عنك غصب عني ماحال بيني وبينك الا السفر وكنت منتظرة الميعاد لكن سامحني علي طول الغيبة واديني رجعت من السفر مازلت انتظر رجوعك يااغلي الخلان محبوب تبدع دائما بالكلمات
    5. mahboob_aziz
      10-02-2007, 03:46 AM

      رد : واحشني

      واحشني وانا من وحشة افراقك شكيت


      تسلمين دلوعة الرياض وعبيررر الغالي وبكم جزيل الشكر