123

صار لي حادث ومت وخبروك: فلان مات

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. ( كل ** الغلا )
      30-11-2009, 02:41 AM

      صار لي حادث ومت وخبروگ: فلان مات

      صار لي حادث ومت وخبروك: فلان مات


      إفرضي إني طلعت وكنت متنرفز كثير

      ورحت من عندك مضيع في الأماكن والجهات

      بعد ما اشتد الخلاف بوضعنا واصبح مثير

      قلت: اهدي__وألعن الشيطان واطلع في سكات

      إتجهت وسايق'ن' سيارتي عكس المسير

      وصار لي حادث ومت وخبروك: فلان مات

      علميني عندها بالله وش ممكن يصير؟

      لو عرفتي من عقب زعلتك فارقت الحياة

      تلطمين خدودك _ تشقين ثوبك __ مايصير

      دامك تلومين نفسك بعد ما فات الفوات

      ليه ماقلتي لي : إقعد والزعل ملعون صير

      والله و الله ماتطلع كذا بأعصاب مافيها ثبات

      ليه خليتيني امشي حالتي حالة ضرير

      ولا يعني كان حبك _ حب انانيه وذات

      وليه انا من بعد كنت الشخص الأول والأخير

      في حياتك وبسهوله صرت مثل الذكريات

      والله ان تبطين وانتي ماعلى شفتك غير

      إسمي المكتوب ضمن اوراق تقرير الوفاة

      تندمين العمر كله __ أو يأنبك الضمير

      ما افرقت _ مادمت ماضي في ملفاتك وفات

      بس يبقى ذنبي برقبتك وانا الصب الأسير

      اللي كبلني غرامك والوفا والتضحيات

      جربي الدنيا بدوني كيف واقعها مرير

      وكيف لا عزوك فيني وصرت قدامك رفات

      تدركين بوقتها معنى العبوس القمطرير

      وتشعرين انك يتيمة اهل واخوان وخوات

      وتذكريني وتذكرين الشعر وانسام العبير

      والعطر

      والورد_ وألبوم الصور

      والأغنيات

      والسوالف

      والغنا_ واهداءنا عبر الأثير

      والإضاءه الخافته

      والليل واحلى الأمنيات

      والرسايل

      والشموع اللي في مأوانا تنير

      والمجلات القديمه_ والكتب_ والملزمات

      والهدايا من قطع ألماس وعطور وحرير

      والأثاث اللي خذا حمرته من لون الشفاة

      والبحر والصيف والشاليه و<اللبس القصير>

      والشتا واحضانك اللي غير كل المدفئات

      والإجازه والسفر والعيد والمطر الغزير

      والمقاهي والمطاعم والطرق والتمشيات

      واسمي اللي مخزن بجوالك الصغير

      <اجمل الإحساس> لكن مات يا<ست البنات>

      ذكريات تحاصرك من كل صوب وتستثير

      دمعتك في كل غمضه وانتباه وإلتفات

      عن حكاية حب في هالوقت منقطع النظير

      حب يكرم عن ردى الشهوه_ وألسنة الوشاة

      حب مدري ويش يكتب عنه؟ لكنه كبير

      اكبر من أحساس اصدق شاب مع أوفى فتاة
      بس !!!
      بس!!!
      بس !!!


      لاتبكين يبقى كل ماقلته نذير

      وافتراض لكل مايمكن حدوثه لي وات

      لجل ذلك فكري وش هي النهاية والمصير؟

      كلها حفره وجمع من الملا عقب الصلاة

      والله ماتسوى الحياة نزعل الغالين مير

      ساعة الضيق يتعكر صفو الأنفس والذوات

      ليش اجل مانستغل الوقت دام احنا بخير

      وليش مانرضى حبايبنا ويلتم الشتات

      يعني لازم ننتظر؟ والواقع ايامه تطير

      واحنا ماندري نبات الليل ولا مانبات



      العشير اصلا يحز بنفسه يزعل عشير

      الله اكبر كيف ماحزت بنفسك هالسوات

      يوم شفتيني طلعت ووضعي النفسي خطيير

      وقتها اشدراك يمكن موتتي حانت وجات

      فأحرصي دايم علي ولاتغيظيني كثير

      واذكري دايم شعورك لادريتي وقيل::
      مات"
      مماراق لي
      للمزيد من مواضيعي
      250*300 Second
    2. بـــــــــرق
      30-11-2009, 02:46 AM

      صار لي حادث ومت وخبروك: فلان مات


      لله درك على اختيارك الراقي

      شكرا لذوقك


      اورنس
    3. ( كل ** الغلا )
      30-11-2009, 02:54 AM

      صار لي حادث ومت وخبروك: فلان مات


      المشاركة الأصلية كتبت بواسطة أورنس الشمري
      لله درك على اختيارك الراقي

      شكرا لذوقك


      اورنس
      يسلموووو ع مرورك

      يعطيك العافية ..
    4. ~(فجر الأمل)~
      30-11-2009, 03:07 AM

      صار لي حادث ومت وخبروك: فلان مات


      أبدعتي كل الابداع في اختيارك يالغلا...

      الف شكر لشخصك الكريم...

      تقبلي ردي وعبير ودي..
    5. ( كل ** الغلا )
      30-11-2009, 03:09 AM

      صار لي حادث ومت وخبروك: فلان مات


      المشاركة الأصلية كتبت بواسطة ~(فجر الأمل)~
      أبدعتي كل الابداع في اختيارك يالغلا...

      الف شكر لشخصك الكريم...

      تقبلي ردي وعبير ودي..
      يسلمو يالغلا
      الابداع في مرورك في صفحتي
      يعطيك العافية ..
    6. السحاااااااااااب
      30-11-2009, 12:32 PM

      صار لي حادث ومت وخبروك: فلان مات


      مشكور أخوي الغالي على حسن الإختيار تقبل خالص تحياتي
    7. ( كل ** الغلا )
      30-11-2009, 02:24 PM

      صار لي حادث ومت وخبروك: فلان مات


      المشاركة الأصلية كتبت بواسطة السحاب
      مشكور أخوي الغالي على حسن الإختيار تقبل خالص تحياتي
      الله يسلمك يالغلا ..
    8. @@@فراولة@@@
      30-11-2009, 04:09 PM

      صار لي حادث ومت وخبروك: فلان مات


      واو رررررررررررررررررررروعة
      سلمت يمناك واناملك
      في قمة الابداع
      كلمات جميلة مررررررررررررررررة يالغلا
      ننتضر جديدك

      فراولة
    9. ( كل ** الغلا )
      30-11-2009, 04:11 PM

      صار لي حادث ومت وخبروك: فلان مات


      المشاركة الأصلية كتبت بواسطة @@@فراولة@@@
      واو روعة
      سلمت يمناك واناملك
      في قمة الابداع
      كلمات جميلة مرة يالغلا
      ننتضر جديدك

      فراولة
      الله يسلمك يالغلا

      إنتي الأجمل يالغلا

      يعطيك العافية ..
    10. ياقلبي يكفي ماجرى ..
      30-11-2009, 05:04 PM

      صار لي حادث ومت وخبروك: فلان مات


      تسلمي ياقلبي ..

      كلك ذوق..

      كلمات كلها إحساس ..

      تقبلي مروري ..
    123