قصيدة مشكور ماقصرت - فيصل العدواني

ديوان الشاعر فيصل العدواني
  • ارسال إلى Twitter
  • ارسال إلى facebook
  • ارسال إلى google plus
    1. *مزون شمر*
      28-11-2009, 01:19 PM

      قصيدة مشكور ماقصرت - فيصل العدواني

      قصيدة مشكور ماقصرت - فيصل العدواني


      مشكور ماقصرت لكن طالبك ماعاد أبى
      غير الرحيل أستأذنك وسبوق قلبى فلها

      ماعدت قاوى للحمل شف كيف غاد(ن) منكبى
      هزل(ن) ولكن طعنتك لابد ما تفطن لها

      ياكم عطيت ولا خذيت الا مرارة مشربى
      عقدت أيدينى من هواك ولا عرفت أحلها

      يا منيتى مانى غبى هالطيب خلانى غبى
      أغض عينى لغلطتك ولا حرام أدبلها

      أجرعك مر القسى والله ماتحبى حبى
      لكن شمت من الردا والنفس تحمل غلها

      مذهب صدوق ومذهبك لاشك خالف مذهبى
      والعوسجه قشرا ولا ذكرت بوافر ظلها

      وياربعنا روحو ورى النار شبت وحطبى
      عصارة أفكارالمخيخ وأشياء كثيره ملها

      أتلد بعيونى غضب تزهمنى بأفلح يا صبى
      وتثور وتزوع اللهب وأعتا السيوف تسلها

      ( فواز ) يا حزامى تعال أسمع وحقق مطلبى
      والكايده خابرك دايم بالوزا كفو(ن) لها

      أفزع معى فزعت شجاع(ن) يعربى لليعربى
      فى وقت ذلان العرب تشكى مرارة ذلها

      باكب شعر(ن) ماجنى غير العنا ويا تعبى
      واليا أنحنى عزمى ياخوك أثقل همومى أشتلها

      أربكت لكن للاسف مادسم الوقت شنبى
      تمنعنى شيمة شايب(ن) كن الضلوع أحتلها

      غايب ولكن حاظر(ن) ذكراه يحيابى وبى
      من عالى شموخه همم ماتنثنى عن حلها

      يالله سترك لا يبيد الجبل وتخر أركبى
      قدام من يفرح على زله من قبل أزلها

      ياخوك مايجرح سوى من يدبى لكسرك دبى
      أرجال لكن طبعها تخجل توصف دلها

      ودك أتبدل شمغها بشيال ورهاف العبى
      تحرم عليها عقلها وأشنابها عارن لها

      (فواز ) والدنيا متاع ولا دامت لوجه النبى
      شف كيف هذا يتلها وشف كيف هذا يتلها

      كلن يبيها والبلا هذا يبى وهذا يبى
      ويقول يالله يا علها وأقول يالله علها

      أنحاس مثل الذهب منسوخ مابله كوبى
      مغشوش واللى له عنا خسران من دهولها

      هبيت يا وجه الزمن اى والله الوالى تهبى
      فيك القلوب الوافيه تشكى سبايب قلها

      أستغفر الله والقصيد أحيان ينتاب غضبى
      لكنه يروى يابسات الأورده ويبلها

      وأستغفر الله دام الاستغفار وحده مهربى
      أن كان زليت القدم فى قاع ماهى محلها
      250*300 Second
    2. فزولها
      03-07-2010, 12:05 AM

      قصيدة مشكور ماقصرت - فيصل العدواني


      لا هنتي

      وربي رووووووووعه

      يسلمو
    3. طير القوافي
      04-08-2010, 02:27 PM

      قصيدة مشكور ماقصرت - فيصل العدواني


      يا منيتى مانى غبى هالطيب خلانى غبى
      أغض عينى لغلطتك ولا حرام أدبلها

      أجرعك مر القسى والله ماتحبى حبى
      لكن شمت من الردا والنفس تحمل غلها


      الله الله

      صح لسانه
    4. دمرني الحب
      01-10-2010, 01:02 AM

      رد: قصيدة مشكور ماقصرت - فيصل العدواني

      قصيدة مشكور ماقصرت - فيصل العدواني


      الله الله روووووعة دائما يا فيصل لبى قلبك
    5. صباحية عيد
      01-10-2010, 01:23 AM

      رد: قصيدة مشكور ماقصرت - فيصل العدواني

      قصيدة مشكور ماقصرت - فيصل العدواني



      يالله سترك لا يبيد الجبل وتخر أركبى
      قدام من يفرح على زله من قبل أزلها

      جميل مانقلتي سلمت اناملك غاليتي
    6. ᵽ¡ҋʞ ║•
      02-07-2011, 02:30 PM

      رد: قصيدة مشكور ماقصرت - فيصل العدواني

      قصيدة مشكور ماقصرت - فيصل العدواني



      مشكور ماقصرت لكن طالبك ماعاد أبى
      غير الرحيل أستأذنك وسبوق قلبى فلها

      ماعدت قاوى للحمل شف كيف غاد(ن) منكبى
      هزل(ن) ولكن طعنتك لابد ما تفطن لها


      مبدع كلمة قلييلةة عليةة يالبييةة بس ~

      يعطيك العافيةة خيتو ~

      دمتي بود
    7. المريسي
      09-09-2015, 01:04 PM

      رد: قصيدة مشكور ماقصرت - فيصل العدواني

      قصيدة مشكور ماقصرت - فيصل العدواني


      شكرا عالكلمات

      تحياتي