قصيدة الصبر غلق - مطلق النومسي


الصبر غلق .. وين ابا ألقي صبر .. وين
خلاص .. دام النفس .. ضايع جهدها

وأنا يا (...) لي مع الصبر .. شهرين
واليوم .. حتى خوتي له .. جحدها

شفني .. ضحية فتنة الفين وإثنين
اللى لجت بين العروق .. وجسدها

فتنة هل الدنيا .. وفتنة هل الدين
ولو غير ربي رب .. كل عبدها

أستغفر الله .. عن كلام الشياطين
لكن ترى اللى حاصل .. أمر .. وأدهى

كرهت نفسي .. صدق .. من حظي الشين
ومن كثر ما تخلف معاي .. ب وعدها

ومن كثر ما قالت لي .. إصبر وبعدين
كرهت أنا .. بعدين واللى بعدها

يا وسع .. بال البنت .. عن وسع بالين
بالين .. أوسع من مساحة بلدها

تجمعني .. شوين .. وتفرقني .. شوين
واصبح ب يدها .. وأمسي ب يدها

خلتني أتصرف .. تصرف .. مجانين
وخلتني .. أبلش بالنجوم .. وعددها

هذا وأنا .. قاسم لها العرق .. قسمين
وسامح لها .. تسبح ب دمه .. وحدها

وإن حبت تغير .. لها القلب .. قلبين
وإن ما كفاها .. قلت يا قلب .. زدها

ب إسمين أدلعها .. وألبي للإسمين
واقول تبشر .. بالسعد .. يا سعدها

قلبت رضاها .. جميع الموازين
وخليتها .. تنسى .. ليالى نكدها

وسنيت للرحمة عليها .. قوانين
وحسبتها نعمة .. وقلت احمدها

في حين .. أنا كنى أبوها .. وفي حين
أصير يا (...) .. كأني .. ولدها

وكان الجزا .. كلمة .. تحت ظلم قوسين
دور .. ومن دور ل حاجة وجدها

ملعون .. أبو كلمة صبر .. والصبر وين
وملعون أبو بعدين .. واللى بعدها

بعدين ؟؟؟ .. يا اخي لامتى تقول .. بعدين
إرحم قبل نفسي .. تفارق .. جسدها