قصيدة يا الله _ تركي 2000

ديوان الشاعر تركي الميزاني - تركي 2000 ارسال إلى Twitter ارسال إلى facebook
  1. ღ حلمي وجودك ღ
    22-11-2009, 04:18 AM

    قصيدة يا الله _ تركي 2000

    قصيدة يا الله _ تركي 2000




    يالله ياللي لا اله الا انت خالق و معبود
    وبقدرتك تسمع دبيب النمل في الليل الغدر

    تنشئ السحاب وتامره يمطر ويخضر كل عود
    وبأمرك تسير الريح واليك المقر والمستقر

    انك تجملني مع اللي قدرهم عندي يزود
    حماية التالي هل الوقفات عنوان السطر

    تجملوبي ووقفوا جنبي عساهم في الوجود
    في ماقف مافيه ذاك الوقت صد ولاعذر

    يوم احتزمت بهم وصحت لهم تعزووا بالجدود
    اربع شهور ماسلوا عني شهر يتبع شهر

    وتكاتفوا مثل الذيابه و النموره و الاسود
    ياحي وقفات الرجال اللي على عز وفخر

    وكلن يقول ابشر ومطلوبك حصل وارق لسنود
    متكاسبين الطيب والفزعه مقابيس الظفر

    امن الكويت اليا الحجاز ومن الحدود اليا الحدود
    ومن الجنوب اليا الشمال ومن البحر لين البحر

    فزعة بني عم وقرايب وأصدقا وعيال عود
    ونخوة شغاميم تحييهم على حد النظر

    الأوله سلام تسليم يعم ال السعود
    حكامنا وملوكنا الغالين وأولاة الأمر

    وحنا لهم وعيالهم نبقالهم درع وجنود
    ولجل الوطن ومن اجلهم نارد على الموت الحمر

    والثانيه للي لهم مجد مايبغاله شهود
    أهل الثلاث المعجزات مطير حمران النظر

    سلام ياربعي سلام يحمله ريح الورود
    وأيضا سوات العود الازرق للشيوخ وللجبر

    والله لو أذبح مية ناقه وخمسمئة قعود
    وأمشي من الحره على رجلي اليا حد الحفر

    ماوفي جمايلكم علي ياللي تحفظون العهود
    ياعزوتي وانتم ذرايه لاقربت من الخطر

    والثالثه مني عدد مالاح برق وهب نود
    سلام ياجمع القبايل كلها بدو وحضر

    وختامها ماوالله أنساكم عساكم في الوجود
    وعودي موصيني على النوماس من سن الصغر


  2. طير القوافي
    10-02-2010, 02:43 AM

    قصيدة يا الله _ تركي 2000


    سلام ياربعي سلام يحمله ريح الورود
    وأيضا سوات العود الازرق للشيوخ وللجبر

    والله لو أذبح مية ناقه وخمسمئة قعود
    وأمشي من الحره على رجلي اليا حد الحفر



    شاعر مميز وذكي كثير
    النص فيه ذكاء
    بالبدايه بدى بقوة
    وتدرج للوطن ومن ثم للقبيله واعاد ماكان فيه

    ذكي للغايه
    ماشاء الله عليه
  3. ᵽ¡ҋʞ ║•
    25-07-2011, 11:38 PM

    رد: قصيدة يا الله _ تركي 2000

    قصيدة يا الله _ تركي 2000



    يعطيك العافيةة خيتو ع النقل الجميل ‘

    دمتي بخير ‘‘
  4. أنــــا3
    12-04-2012, 11:25 AM

    رد: قصيدة يا الله _ تركي 2000

    قصيدة يا الله _ تركي 2000


    رائعه
  5. المريسي
    08-09-2015, 08:24 AM

    رد: قصيدة يا الله _ تركي 2000

    قصيدة يا الله _ تركي 2000


    رائع شكرا عالكلمات

    تحياتي