قصيدة ياهيه - محمد بن فطيس المري

ديوان الشاعر محمد بن فطيس - شاعر المليون
  • ارسال إلى Twitter
  • ارسال إلى facebook
  • ارسال إلى google plus
    1. وزير السلطان
      21-11-2009, 11:19 PM

      قصيدة ياهيه - محمد بن فطيس المري

      قصيدة ياهيه - محمد بن فطيس المري


      ياهيه اللتفت لي واسمع ادعاي لك ياهيه
      ترا عادك بتشبع من البعد وتواجه
      دعيتك بصوت ياصلك ليه ماتوحيه
      وانا اسمع ضلوعك من صدى الصوت لجاجه
      عليك الفؤاد اخلاجه مصمخ راعيه
      خف الله في راعيه ماتسمع اخلاجه
      ترا العفو قد جاك اوله واغتنم تاليه
      وترا الحلم بحر غير لا تامن امواجه
      وترا الود ليل مظلم جيت لك ساريه
      سراجه وصاك والجفى ينفخ اسراجه
      وترا قصرنا اللي كم سنه نجمع ونبنيه
      هوى الهذل طيح بابه العود وسياجه
      لي أيام مدري وين دارك ولا ادري ليه
      وانا خابر اني باب شفك ومزلاجه
      غياب بلا سبه هجاد بلا تنبيه
      وجفا أغلا العرب نار على الكبد وهاجه
      نضج قلبي من البعد وش حاجتك تكويه
      جفاك الجمر والصبر في بعدك الصاجه
      طبع حبك بقلبي والايام ما تمحيه
      هذا هجرك يحاول يموجه ولا ماجه
      يموت الأمل لكن ضنون الغلا تحييه
      وعروق الوفا فالروح والقلب وجاجه
      خبرتوا حد يبكي على واحد يبكيه
      وخبرتوا حد مسجون مايبغي أفراجه
      احبه ولا ابغضته على شين إيسويه
      ولا زالت ارقاب الرجا فيه منعاجه
      عسى منزل ضمه حقوق الوسم تسقيه
      وتضحك له الدنيا وهو يضحك أحجاجه
      فقد خاطري شي من الضيقه مسليه
      وغدت روحي من الناس والليل هجاجه
      اروح لمكان خابره ..خابره ياتيه
      اسوق القدم صوبه وهي مالها حاجه
      مكان نزيه وأول مواجهي له فيه
      وانا خابر مارجل مثله بدواجه
      لعل وعسى ما حدني للمجي ..يدعيه
      واشوفه وانا ماودي اسبب احراجه
      يحب الجريح اخر دروب اللقاء ويجيه
      وتحب القدم جية مكان اول مواجه
      250*300 Second
    2. • عنآقيد تۈت •
      22-11-2009, 12:54 AM

      قصيدة ياهيه - محمد بن فطيس المري


      المشاركة الأصلية كتبت بواسطة
      وخبرتوا حد مسجون مايبغي أفراجه
      احبه ولا ابغضته على شين إيسويه
      ولا زالت ارقاب الرجا فيه منعاجه
      عسى منزل ضمه حقوق الوسم تسقيه
      وتضحك له الدنيا وهو يضحك أحجاجه
      فقد خاطري شي من الضيقه مسليه
      وغدت روحي من الناس والليل هجاجه
      اروح لمكان خابره ..خابره ياتيه
      اسوق القدم صوبه وهي مالها حاجه
      مكان نزيه وأول مواجهي له فيه
      وانا خابر مارجل مثله بدواجه
      لعل وعسى ما حدني للمجي ..يدعيه
      واشوفه وانا ماودي اسبب احراجه
      يحب الجريح اخر دروب اللقاء ويجيه
      وتحب القدم جية مكان اول مواجه
      ياه يابن فطيس

      صعب أني أوصف جمال حرفك

      يعطيك العافيه سيف

      ،
    3. دلعي معذبهم ♡
      29-11-2009, 01:48 AM

      قصيدة ياهيه - محمد بن فطيس المري


      Sëîf mk
      في قمة الروعه يعطيك العافيه
      تحياتي
      شوشو
    4. حكاية احساس
      29-11-2009, 09:44 PM

      قصيدة ياهيه - محمد بن فطيس المري


      رووووعه
    5. كبريآء إنسآنه
      29-11-2009, 09:53 PM

      قصيدة ياهيه - محمد بن فطيس المري


      شششششششششششحلو ها الكلماإت

      صح السان من قالها والله

      يعطيك ال عافيه
    6. طير القوافي
      05-04-2010, 12:20 AM

      قصيدة ياهيه - محمد بن فطيس المري


      طبع حبك بقلبي والايام ما تمحيه
      هذا هجرك يحاول يموجه ولا ماجه
      يموت الأمل لكن ضنون الغلا تحييه
      وعروق الوفا فالروح والقلب وجاجه


      صح لسانه
      قصيده جميله كثير