فديتها .. مدام مامنها شبيه ولا حلي !!

الشعر, قصيدة , شعراء, القصايد ارسال إلى Twitter ارسال إلى facebook
  1. ღ حلمي وجودك ღ
    21-11-2009, 07:53 AM

    فديتها .. مدام مامنها شبيه ولا حلي !!

    فديتها .. مدام مامنها شبيه ولا حلي !!


    مابين هم وحشرجة صوت من الفرحه خلي
    ...........جتني واشوف ان دمعها غرق طرف جاكيتها
    جتني وكاسيها الحزن وتقول ( متغير علي )
    ...........تقول حست في شعور إني أنا خليتها
    طاحت مابين أحضان قلبي وابتدت نار تغلي
    ...........مابين طيات الضلوع اللي تحاوط بيتها
    يا بيتها ؟ لو بنشدك عن قلبي اللي ممتلي
    ...........من حبها .. ومن عشقها .. وقمة حنين لصيتها
    قلي بعض مما تذكر .. وأرسل لريحة هلي
    ...........اللي وانا مدري .. كذا .. أخطيت ثم بكيتها
    قلبي غدا مثل الحجر ( لا حطه السيل من علي )
    ...........من ثقل حمل الصدمه اللي ماعرف توقيتها
    وشلون انا اتغير عليها ؟ .. دام صارت منزلي
    ...........وانا الذي عن بد تلعات الرقاب أغليتها
    حطيتها بين الكواكب واستدارت كالحلي
    ...........لين إجتمعنا في مدارات الغلا وحبيتها
    الريح ثارت .. وانتثر شوق .. وتناسيت زعلي
    ...........لاني أشوف إن الخطا منها ولا خطيتها
    أنا ادري اني مبتليها .. وادري اني مبتلي
    ...........وادري بعد زودتها .. كم حبه .. وغثيتها
    بفراقي وبغيابي اللي لا سئلت .. قلت عملي
    ............حجه .. وتدري إنها حجه .. ولا حجيتها
    فديتها .. مدام مامنها شبيه .. ولا حلي
    ...........وعشان ما منها حلي .. ولا شبيه .. أهديتها
    قلبي .. وروحي .. والدما .. وابعاد فكر تصطلي
    ...........تاصل الى ابعد مسافة حب لا ناديتها
    ولاصارت .. إتجيني خيال .. أنسى خرافات فشلي
    ...........واحس في نشوة نجاحي .. وانتشي لاجيتها
    لكن .. ليا صحصحت .. وأقفت .. شفتني لحالي خلي
    ...........واشوفني من عقب ضمتها .. كذا .. أغديتها
    أعض من جور الندم .. أصابعي .. واغلي غلي
    ...........واقول ليتك يالزمن .. وقفت من ضميتها
    فديتها .. أم الغلا وام الجديل المخملي
    ...........اللي حشا ما نادت ب( فواز ) ولا لبيتها
    ومدامها صارت كذا .. يا ليت تسمع ما يلي :
    ...........لا يا عساني ما اعيش .. إن كان ما راضيتها
    إلين اشوف إن صوتها .. صوت .. من همومه خلي
    ...........وأصير أنا .. دمعة فرح .. على طرف جاكيتها
    راقت لي وسطرتها لكم _
  2. انين الروح
    21-11-2009, 08:32 AM

    فديتها .. مدام مامنها شبيه ولا حلي !!


    ياي كلمات روعه


    بجد يسلمو عالنقل يالغلا


    تحياتي

    أنونه
  3. حره على كف صقار
    21-11-2009, 09:09 AM

    فديتها .. مدام مامنها شبيه ولا حلي !!


    يسلمو قلبي رائع فالك الخير
  4. نوران العلي
    21-11-2009, 09:35 AM

    فديتها .. مدام مامنها شبيه ولا حلي !!


    يعطيك العافيه روحي بالرياض
    نقل موفق \\ وقصيده معبره
    تسلم الانامل والذوق الراقي
    طبتي وطاب منقولك
    مودتي
  5. *مزون شمر*
    21-11-2009, 11:22 AM

    فديتها .. مدام مامنها شبيه ولا حلي !!


    الله الله عالذوق
    قصيدة رائعه رووحي
    طبتي وطاب منقولك
    ولاعدمناك
  6. طير القوافي
    13-09-2010, 10:37 AM

    رد: فديتها .. مدام مامنها شبيه ولا حلي !!

    فديتها .. مدام مامنها شبيه ولا حلي !!


    صح لسانك ولسان الشاعر

    لاهنت