النظره الاولى حلال عليك .. والثانية ل إبليس انتبه يلعب عليك

اجمل نكت مضحكة - اضحك على سوالف الشباب والبنات
  • ارسال إلى Twitter
  • ارسال إلى facebook
  • ارسال إلى google plus
    1. MŊóōЯ
      20-11-2009, 09:25 PM

      النظره الاولى حلال عليك .. والثاآنية ل إبليس انتبه يلعب عليك

      النظره الاولى حلال عليك .. والثانية ل إبليس انتبه يلعب عليك



      فكرت إني أنزل موضوع 4 أجزاء بس قلت مهوب زين بيصير ماصل فلذا انا نزلته جميع

      01- الفهرس ..
      02- تمهيد ..
      03- ترحيب ..
      04- مدخل ..
      05- مقدمه ..
      06- في الاعياد ..
      07- في المطبخ ..
      08- في البر والكشتات والموخيمات ..
      09- في الإمراح ..
      10- الخاتمه ( الزبده ) ..


      تراي يقالي ابحمسكم حطيت فهرسه للموضوع !

      02- تمهيد ..
      وش هالقطاعه بكم .؟!
      وين الناس مبطينن عنكم !!

      والله مالكم داعي !

      ولا واحد سأل عن وقال وينه فاقدينه
      كش مير

      << - تغد بهم قبل مايتعشون بك !

      امزح والله .. وربي إني اشتقت الكوم كلكم

      تنبيه : اللي يقاله حار ولايحب يقرأ المواضيع الطوال ينقز للرد رقم #10

      بما إني راعية طويله كل واحد يجيب له شيبس وببسي
      او يروق على فنجال قهوه او استكانة شاهي
      واللي عجل يروح ويجي بوقت أوسع ! لأن الموضوع يبي له ركاده وتركيز << - ولا درس فيزياء
      على طاري فيزياء .. هذا الموضوع جاء بهالوقت ليخفف عليكم هم الدراسه !
      << - قولي قسم << - معقوله ! << - ماصلة <<- إخلصي

      والان مع الموضوع ->> 7 <<- صارت إذاعة سادس جيم
      والان مع الموضوع ->> 7 <<- ذا صدى الله يهديه مهندسة الصوت مازبطته
      والان مع الموضوع ->> 7
      والان مع الموضوع ->> 7

      03- ترحيب ..

      يا خزياه .. المفروض بأول الموضوع رحبت بكم مير العذر والسموحه خبركم لازم نمهد لكم الطريق ونبدأ على حبه حبه

      السلام عليكم
      وعليكم السلام << - هذا للي مارد علي حتى ما افشل
      ياهلا والله ومية مرحبا نوركم ياعيني طفى نور الكهربا
      لكل من مر هونا ()
      ويهلا هوم هلا

      ~ تحلفون إنه تحلب عنز
    2. MŊóōЯ
      20-11-2009, 09:27 PM

      النظره الاولى حلال عليك .. والثانية ل إبليس انتبه يلعب عليك



      04- مدخل ..



      *
      انخطف قلبي وأنا بوسط الزحام
      شدني نورن و قلبي له وصل
      عينه اليمنى تبادلني السلام
      وعينه اليسرى أبادرها




      الغزل

      *










      05- مقدمه ..




      كلنا ياحلوين كانت بداية حياته طفوله .!!
      يعني كولكم مريتوا على هالمرحلة << - اهوء أثركم بزارين من أول !!
      من منكم لم يكن بزر .!؟ يعني معقوله به واحد طلع من بطن أمه وهو جذع مستحيل ! وش هالبطن اللي يبي يشيله .!؟
      أو طالع من بطن ماماته شنب ولا عجوز .!؟ أو طلع وراح يطعس ويقحص بالموتر ولا تسان بنت وبالمطبخ .!؟


      اها ... حلو .. حلو ,, يعني تبين لنا إنكم كنتو بزارين وبزقات


      انتم معي هالحين .!؟ إيه سلكوا بس

      اقولكم ( يا اللي بزقات من أول )

      ( يا ليل ماطولك وش ذا الموقدمه اللي بديت به وبلشت عجزت انهيه )
      ومع مرور الزمن وزقزقة العصافير كبر هذا البزر شوي وصار موراهق واخشن صوته واخضر شنبه <<~ للشنبات
      وكيرت البزرة وصارت موراهقة
      ونعم صوته وصارت حلوة << ~ للبنوتات

      وبعده تبدأ الحريم تتغطى عنه هالمخضر شنبه .. هو طار من الفرحه ! لأنه خلاص حس إنه صار رجال وكبير
      بس سرعان ما ينزاح هذا الفرح ! لأنه يبي يحس بالمعاناة ويبي يذوق الألم
      يعني كل ما جاء يدخل على حريم لازم يتنحنح ويرفع صوته ويقول ياولد .. بوه أحد
      همن يقولون له إصبر به مرة عمك مامعه جلال .. عاد يقول بينه وبين نفسه ..
      وشوله تتغطى وأنا حافضن شكله حفظ يوم هي تفتش لي ..!
      بعدين يرص له ساعه ساعتين .. سنه .. سنتين
      والبعض إلى هالحين راص من سنة نوح << - تسمع بالمبالغات لا أقنعه
      المهم بعد طول انتظار وفقعت مراره وكبد وطحال يفضون له الدرب !
      ويروح لحال سبيله .. <<~ احسنه معانات يرحمون
      يعني إذا صار ببيتنا عزيمه .. ويبي غرض هالشنب من غرفته !
      لازم يتمصلح مع بزقه مايسوى قرش .. وتزبط العلاقة معه ويعطيه حلاوه
      وبعض الاحيان يكزه ويرجع خمس مرات .. وكلهن يقول ما لقيت غرضه ! أو يسحب عليه هالخايس <<~ حاسة بهم
      وتلقونه يقول ياحسافة الحلاوه والبوسه والسعابيل اللي طبعته على خدك <<-حتى السعابيل مانن بهن
      ...........
      عاد البنت ياليل لا صارت توه متغطية وقسم أنواع المعاناة..]!
      بصراحة أنواع البراءة وهي متغطيبة تلقى الشعر طالع على جنب ولا الخشة باينة .. والضحكة منشقة وطالعة السنون من ورا الغطا

      عاد العيال لاشافوه بدوا بالتطنز يقولون همانا تو لاعبين معتس ..!








      هذي وحدة من البنات: تقول أول مابديت بالغطا انواع الدباشة لدرجة إني مررة أنا كنت جالسة مع عماتي وكان اثنين من عيال عمتي موجودين .. وبوه خواته معي يعني من البنات
      تقول وأنا جالسة معهم إلا وأنقز ذيك النقزة تقل أحد باخن بي ..!
      واروح ألعب بالمرجيحة وعلي الجلال
      وتقول وانا العب وإلا عصايقيلي المزيونات طالعات وعيال العمة زدامي
      هي يحول لاهية باللعب مانتبهت .. تجي أمه تكزز احد أخوانه الصغيرين

      وقاله ترا امي تقول وحطبه غطي المساويك اللي أنتي مطلعتهن
      تقول حسيت إن الخريطة حقت جمعية حقوق الإنسان يدورنن من العار !!
      ..................
      وهذا واحد من العيال: توه جاي من السفر .. ودايخ ما يشوف الأرض .. عين مسكره وعين مغمضه ومواصل له يومين وحالته حاله على قول الشاعر (اوم الحا ا ا ا له )

      يعني مايمديه يوصل السرير .. إلا هو طايح وبسابع نومه ! وياصل الحلم السبعطعش
      ويوم دخل بيتهم والبيت مكتض بالحرما ! وهو على إن البيت مافيه أحد .. ورايح يرقى لغرفته يبي ينام
      فتح باب الصاله وهو مطلدزن الارض ومدرعم للدرج .. ويوم انتصف بوسط الصاله و وش يشوف !
      شاف هالحريم المعزومات وهن يناظرن برعب وصاير كأنه المسرح وهن الجمهور
      طار نومه وضاعت علومه .. وصار مصحصح مثل الحصان !
      وتنبط عيونه ويبدأ يقزقز بدون ماترمش عيونه عشان يستغل النظره الالالالالاولى لأنه حلال
      هالقزقزه حصلت في اجزاء من الثانيه .. بس كانت النتيجه إنه شاف كل اللي به وحفظ لبسهن ولون شعورهن
      حتى إنه قازن لون عدسات مره وشاف شامه بظهر بنت مع إنه مغطيته .!! <<- حشى مهيب عيون ! ذي اشعة تحت الحمرا
      عقبه بدأ يتنحنح وقال ياولد .. به أحد ! <<- حلوه به أحد على فطنه يالمطفوق .!؟
      حيره و تضييع و احراج .. كل الخيارين صعبات .!!
      يا يمكل دربه للدرجه أو يرجع أدراجه .؟! بس إنه درج .. هجت به وقال قوم درجني اختبص وانهبل وصابته جنيه
      زبن للدرج ورقى وقابلته وحده .. عاد شلدز !! منهو اللي له حق بالعبور .!؟
      عاد يوم صار من بكرا .. راح ل اوخته و سأله.. منهي ذيك اللي جايه أمس ولابسه تنوره نوف مادري موف .!؟
      اللي جالسه بجمب حصه بنت عمي .!؟
      اخته : هاو وش دخلك ياقليل الادب ! ثاني شي وش دراك إن اللي بجمبه حصه .!؟
      رد عليه : عرفت حصيصه من حبة الخال اللي بخده !
      ماشاء الله كبرت وصارت مره <<- أكيد مره اجل تبيه تكبر وتصير بقره .!؟
      معقوله ذي حصه اللي تلعب معي من أول فتحي ياورده ياحليلتس ياحصحوص
      بس ترا اللي بجمبه ماعرفته وقسم .!؟ <<- ملزم أبو الشباب
      ترد الاوخت .. خل عنك اللقافه <<- كره ماينفعن
      خويي لسان حاله يقول .. طيب يمكن قصدي شريف وأبي أخطب فرصه يمكن تبي تفتكون من خشتي !!
      كم سوت هالنظره .. يعني كم واحد تزوج من وحده بسبب هالنظره الالالالاولى
      ولهذا السبب .. تتبين أهمية الموضوع
      قد تكون نظره أولى .. بعدين نظرة خطوبه .. ومن ثم ملكه وزواج .. واخيرا راسين على مخده ..!


    3. MŊóōЯ
      20-11-2009, 09:30 PM

      النظره الاولى حلال عليك .. والثانية ل إبليس انتبه يلعب عليك


      [CENTER][SIZE="6"][FONT="Comic Sans MS"]









      7- في المطبخ ..








      عندكم عزيمه ببيتكم .. ومختب أخوتس وحالتكم حاله كل شوي رايح جاي للمطبخ

      جيبوا قهوه .. عطونا بيالات .. متى يقضي عشاكم
      وخبركم بعض الحريم المعزومات يقالهن فازعات مع أهل البيت
      ويروحن للمطبخ يدورن شغل لانهن فاضيات ولا لقن أحد يسولفن معه

      أو رايحات يشرفن على شكل المطبخ وش عندهم من مواعين
      أو يسألن الشغالات .. وشلون سويتي الحلى الفلاني .؟!
      او إن راعية العزيمه له ولدن سنع .. عاد يتميلحن البنات عند الأم !
      يعني اني تراي قرمه وراعية شغل .. حتى تخطبه الأم لولده ! <<- الله يعينس يا أومي على هالنمونه من البنات .؟










      واحد من العيال يقول ..



      عندنا عزيمه ورحت للمطبخ أبي فناجيل .. و يوم دخلت للمطبخ وتقابلن وجه لوجه بنت
      أبحاول أصرفه و ألطف الجو ! قلت له .. يبغى فنجالات يا صديق ..
      انتي اندونيجي ( اندونيسي ) أو بلبينو ( فلبين ) .؟!لالالالالا .. اكيد سيرلا ( سيريلانكا )
      ومششششششاء الله تطورت منفوحه اشوف الشغالالالات بدن يفلن الجدايل ويحطن ميكياج .؟!
      هو قال تسذا منه إنه يسولف شوي و تطول النظره و منه لكاعه ولعانه وإلا كله ملح البنيه
      مير شكله حقدت ياويلي وتحطمت يارب يارب إنه ماتتهور وتنتحر .!!
      لاني أعرف واحد إنتحر وبغى يموت بس فكه الله







      8- في البر والكشتات والمخيمات ..



      تقول وحدة من البنات: بالشتاء إذا خيمنا .. أشوف عيال خوالي بهم قرامه وفززززعه مهيب بأحد
      إذا قالوا إن قسم الحريم به شي خربان .. أو قالوا لهم تعالوا شيلوا شي أو جيبوا حاجه للحريم
      أشوفهم ينقزون مثل البرق .!!
      مير تقول اخوي يقول والله يانا كمخة منول لاشفتهم قلت والله ياهم فاضين بهم فزعة
      وأنا قاعد عند الضويه ومتلحف الفروه وبهالجميده ماودي اتحرك وأقول بنفسي ..
      و الله ياهم كفو مشاء الله عليهم الحمد لله اللي ربي وفقن بهم
      وألوم نفسي وأقول والله يا انا كمخه ما أنفع .؟! عقب عرفت مقصدهم ..
      لانه إذا قالوا لهم إن قسم الرجال يبي له شغل ما قام أحد .؟!
      عقبه تأكدت إني كمخه صدز اللي قاعد ههههههههههههههه





      وبعضهم تجيه صلة رحم وتواصل عجيب .؟!
      وين عمتي فلانه أبسلم عليه والله مشتاق له حيل ..
      جعله ينشق بطنه لانه تسذوب عادي تمر السنه والسنتين ماسأل عنه
      وبعضهم وهو رايح مدرعم لقسم الحريم يبي يصلح شي وشاف بزر قدامه ..
      تنزل عليه حنيه عجيبه سبحان الله .؟! <<- لزوم التميلح !
      و ياملحوه .. ياقنينوه ويبدأ يمطخ الولد و يجغفه و يقبصه مع خده و يقول .. ياحبيلك وه بس .!!
      والولد حايمتن تسبده ويمسح سعابيل هالخايس ولسان حاله يقول ..
      ( طس بس كل عومري اترجاك تودين للبقاله ! وتقول لي فاردز شايفن سواق عند أمك ) !!
      ........................


      على طاري التطعيس .. يقول

      واحد من العيال كشتنا مع أهلي وعماني ..
      عاد جن لمي القعر ( البنات الصغار ) وأشغلن حياتي هن نطعس وطعس بنا .. طعس بنا
      قلت يله .. هن ناخذ أجرهن وماتسوى فرحت هالبزارين .. ويركبون معي وتقعد بجمبي بالمرتبه اليمين بنت عمي
      ويوم اخذت لفتين أشوفه بدت تمون لا أقنعه فتحت القزازه وطلعت راسه وبدت تطبل على التنده وتقول سواقنا دوس دوس
      وبدوا البزارين يرددون وراه إلى مابدت تهز السياره .. حتى اشوف المساحات اشتغلن .!!
      ويوم دققت بالنظر طلعن عصاقيل هالماخوذه يروحن ويجن ! لا ومن الشين لابسه شراب وحده لونه برتقالي والثانيه خضرا .؟!
      والله من الطفاقه بذيك البنت .. المهم بعد فتره يمكن اقل من شهر .. جت عمتي لبيتنا ودخلت أسلم عليه ..
      عاد أشوف بجمبه وحده متغطيه ولا تعرف تغطى زين .!!
      قلت لعمتي مشاء الله مبروك جايتس شغاله .. قالت وش شغالته .؟! قلت هالمزيونه اللي بجمبتس !
      أكيد إنه جديده ولا تعرف تحتسي إلا ياعمه وش هالميانه قاعدتن معكم .!!
      لا ومن زين الطبايع تقهوى ؟! مير وراه قزما الحمد لله و الشكر .؟!
      والنقاب وراو تسذا موعاق .؟! و ... عاد قاطعتن عمتي وقالت .. ذي بنتي الله يصلحك
      قلت .. وشو هههههههههههههههههههههههه و اكر ضحك
      أمس سيقانه تروح وتجي قدامي وتصبخ وجهي واليوم متغطيه !
      عاد قلت للبنت .. عشتوا والله .. غطي سيقانتس همن وجهتس !
      وثاني شي توتس بزر وش عجلتن عليه !! و انا فاقع ضحك هستيري
      إييييييه بس بس .. اكيد الدار النسائية معطيتكم محاظره وتأثرتي به
      عاد جدعت العباة أبشركم <<- تحلفون إنه علماني
      إي والله شوله تغطى وهي بزر .. همن إذا كبرت دشرت وحطت نقابات وعبايات تفتن .؟!
      ومره لقيته بالحوش مع البزارين يلعبون مليحق .. وتلعب معهم وهي متغطيه
      عاد تركض هي ويلحقه حدا البزارين ومير يجر جلاله ويطيح
      قالت لا مامعنا جر جلالات تذكرت اللي يلعبون كوره ويقولون مامعنا مزع
      ( مزع = شوت الكوره بقوه )





      [COLOR="Red"] [/
    4. MŊóōЯ
      20-11-2009, 09:31 PM

      النظره الاولى حلال عليك .. والثانية ل إبليس انتبه يلعب عليك


      COLOR]



      09- في الإمراح ..



      إذا قدر الله وأمرحت عندكم حدا بنات الاقارب .. وأنت رجالن راعي درعمه ودايم تنسى إنه به !
      يقول واحد من العيال .. إنه مره من المرات أمرحن عندنا بنات خالي و خالاتي ..
      طبعا هالبنات صغار وتوهن باديات يتغطن .. سون لي قلق بالبيت
      مليت كل ماجيت للصاله ألقاهن وأرص برا بالشمس لي سنه إلى مايتغطن وليته على الصاله وبس ..
      بنات الكفس صايرات قواطي ببسي بكل مكان بالبيت ألقاهن بالمجلس .. المقلط .. الدرج و بالملحق بعد .. حتى السطح ماخلنوه !
      واللي يقهر إني حافظ أشكالهن حفظ .. وش يتغطن عنه !
      لا بعد من زين الطبايع أكثرهن أنا تسد رضعتهن وزامهن وشايلهن على ظهري وملعبهن يوم هن صغار
      وهالحين لو تشوفن وحده منهن شهقت وكأنه شايفه جني حقيرات وناكرات للجميل .!!
      المهم إني مليت منهن .. عاد عقب بديت أدخل وأدرعم وأنا مطلع الجوال وأنغز به .. يقالي ما انتبهت لهن
      عاد تبدأ تسمع أصواتهن وهن يكركرن ويقولن يوه وين الجلال ..
      عاد اللي تغطي وجه بيده واللي بالستاره واللي بجلدة الكوتاب اللي معه واللي تدعس راسه بالكنب تقل نعامه
      واللي تفتح الشنطه وتدس راسه به واللي رفلى تغطي وجهه بتنورته همن تبين كراعينه وشي افضع
      عاد تجي الفزعات من خواتي .. فلان ترا فيه بنات ارجع
      عاد أنا أسوي نفسي مصدوم و لادريت ويقالي استحيت عاد ما أرجع .. أكمل دربي لاني شخص مقدام ولا أعرف الرجوع للوراء










      10- الخاتمه ( الزبده ) ..




      بهالمواقف ذي يحصل به إحراج وحيره .. وتضييع وطرافه واكشنات في بعض الحالات
      ياليت كل واحد يذكر لنا مواقفه ببساطه .. عاد مابوه احد وما حصل له مواقف


      بالإستراحات والعزايم والعروس .. والمستشفيات بعد .. وفي كل مكان وزمان
      حتى بالعزاء ! وخاصه أول يوم منه .. أنواع الحوسه .. بس أحسن مابه إن البنت تصير ماتكشخت
      <<- بعض البنات يحبن الكشخه حتى بالمواقف المحرجه








      ( عاد بعضه منقول )


      طبعا اللي ماقرأ الموضوع و نقز الى هالرد يبي يقول مواقف عن وشو .؟!
      نقوله إرجع وإقرا الموضوع
      ههههههههههههه مقلبتكم يالحارين تعيشوا وتاكلوا غيرها نيهاهاها












      للكل .. خذوا راحتكم والمحل محلكم .. بس بدون تعليقات خارج الموضوع .. ولا أحد يتميلح لا أقنعه
      مير موب هالحين عقب ماقريتوا الموضوع ولا عندكم مواقف .. تروحون تدخلون بالعنايه حتى تكتبون لنا
      ويارب ماتجي وحده ما أعرست وقرت الموضوع !

      ومسكت معه غلط وتبي عرس .. تروح تدرعم عند فارس احلامه


      تراي برئ منكم .. اللي بيناظر محارم الناس أكيد إن الناس راح
      يشوفون محارمه ! لذا انتبهوا
      وترا اللمحه ذبحه


      وأشوا إن هالموضوع موب بالرمضان حتى ما يحصل درعمه بصلاة التراويح











      مانطول عليكم .. لي عوده مع ردودكم ودرعماتكم

      وهالحين بروح أشرب لي كأس ماء
      لاني أحس إني فحمت وأنا أكتب
      هن نشوفكم
      وبث بث بث قضينا ^!^
      بماني الله و بركاته ياخلفاتهم انتو








      [/SIZE][/FONT]
      [/SIZE][/FONT][/CENTER]
    5. ولد عز ومن شافني فز
      20-11-2009, 09:35 PM

      النظره الاولى حلال عليك .. والثانية ل إبليس انتبه يلعب عليك


      ههههههههههههههههههههههههه

      يسلمووووووووووووو
    6. MŊóōЯ
      20-11-2009, 09:45 PM

      النظره الاولى حلال عليك .. والثانية ل إبليس انتبه يلعب عليك


      ههههههههههه ها تضحك يا شين الي ماقراء المووضووع هههههههههههههه

      وين المووقف يا ولد العز....^_^...

      يسلموو خيوو ع المروور..