قصيدة بص شوف _ فيصل اليامي

ديوان الشاعر فيصل اليامي
  • ارسال إلى Twitter
  • ارسال إلى facebook
  • ارسال إلى google plus
    1. ღ حلمي وجودك ღ
      20-11-2009, 07:46 AM

      قصيدة بص شوف _ فيصل اليامي

      قصيدة بص شوف _ فيصل اليامي


      ياللي اتحدى لا تتعب نفسك بطول انتظار
      تبطي و انا في مرقب عالي و لا يعلى عليه

      الشعر ما هو معضله و لا تجمد و انصهار
      الشعر ذا يا صاحبي هو يعتبرني مثل ابيه

      متعود القي هالشعر و الناس تسمع بإنبهار
      و تقول عني بص شوف الأخ فيصل يعمل ايه

      عشاق عرفني بهم شعر كتبته بإقتدار
      لكن محبة هالبشر ما هي كتاب و نشتريه

      صيتي انا مبني على عزه و نابه و افتخار
      اما القوافي و الوزن صيت يزول و ما ابيه

      و الحمد لله ما علي قاصر و انا صاحب قرار
      من صغر سني و القدى يمشي معي كني اخيه

      عندي طموح و ما انتهى عايش معي ليل و نهار
      من عاند الوقت الغبي و جهت للوقت النبيه

      و اعرف كثير قلوبهم مثلك و لا منهم فرار
      نشبه و لا فيهم رجى وجيهم ما هي وجيه

      و الظاهر انك ما مسكت الطار لكن فيك زار
      دقوا لك طبول الحكي عندك و خلوك تحكيه

      غشيم و اسلوبك قديم لعبتك فيها غبار
      لعبك على المكشوف يا شاطر و بان الكذب فيه

      لكن على مين اتغيشم يا ولد احنا كبار
      خلك على قدك و صدقني بتلقى لك شبيه

      اسمع كلامي و احفظه حطه بعين الإعتبار
      درب مشينا به ترى ما هو لزوم انك تجيه

      و ان ما اعجبك حكيي ابد دور على اقرب جدار
      يمكن يوفي بالغرض رايي و اظن انه وجيه


      250*300 Second
    2. Abdul Rahman
      15-09-2010, 02:01 PM

      رد: قصيدة بص شوف _ فيصل اليامي

      قصيدة بص شوف _ فيصل اليامي



      صح لسانه ..


      يعطيك العافيه ..


      تحياتي ..
    3. المريسي
      09-09-2015, 01:21 PM

      رد: قصيدة بص شوف _ فيصل اليامي

      قصيدة بص شوف _ فيصل اليامي


      شكرا عالكلمات

      تحياتي