قصيدة هوا الغربي - محمد بن فطيس

ديوان الشاعر محمد بن فطيس - شاعر المليون ارسال إلى Twitter ارسال إلى facebook
  1. *مزون شمر*
    17-11-2009, 08:06 PM

    قصيدة هوا الغربي - محمد بن فطيس

    قصيدة هوا الغربي - محمد بن فطيس


    دخيلك ياهوا الغربي على قلبي تهب بزين
    تراك محمل باشيا تهز القلب وضلوعة

    تراك محمل باشيا خفية مستحيل تبين
    ولايفطن لها كون الجريح اللي تلوع لوعة

    عليك الله وجاه الله تلف يسار والا يمين
    ولا تحيي عروق حروج من عامين مقطوعة

    تنحرتك وانا اعرف النتيجة دمعة وبيتين
    مجموعة هواجيس تخالف هي ومجموعة

    وتنفستك وانا اعرفك على روح الشقي حدين
    لكن الله امرك وجبني بقدام مقلوعة

    وجودي وجد من خلي يقيدة الزمن للدين
    وعفيف مظهر الحاجة ولافزعوا لة ربوعة

    والا وجد حالي وجد من خلي بشوف الشين
    يتيم كلمتة لامن شكى ماهيب بمسموعة

    توفى ابية عادة مابعد ينطق اسمة زين
    وعاش بلا اخوان وناقع(ن) كمة من دموعة

    على اللي راح بفوادي انا دري لية وادري وين
    وروح روحة(ن) مجبوعة(ن)ماهيب متبوعة

    ملا صدري غلا واقفي وانا ضامي فواد وعين
    لو انه غير ودعني علي اهون من الروعة

    بنى له في الحشى صور(ن) مثل صور(ن) بني فالصين
    يرد العاذل ويحمي ورود(ن) فية مزروعة

    حلف لي دين ماينسى وانا اللي قد عطيتة دين
    انا ديني على ماهو وهو ماغير طبوعة

    على خبري لكني رحت ادور للحقيقة لين
    عرفت اسباب ماتقنع وشفت اسباب مشروعة

    لونة راح هاجرني علي اهون من الثنتين
    مراح(ن) مايبيةوعبرتن فالحلق مقروعة

    عسى ربي يسامح كل من لة فالفراق يدين
    سبق سيف الفراق العذل ياروحين منزوعة

    دخليلك ياهوا الغربي ترى ماني من السالين
    ولو بينت لك ضحكة تراها صدق مصنوعة

    دخيلك كف والا لف والا غير هب بزين
    ترى ماهو يعرفك كون انا ملاوع اللوعة
  2. • عنآقيد تۈت •
    21-11-2009, 01:33 AM

    قصيدة هوا الغربي - محمد بن فطيس


    المشاركة الأصلية كتبت بواسطة
    دخليلك ياهوا الغربي ترى ماني من السالين
    ولو بينت لك ضحكة تراها صدق مصنوعة
    الله عليك يابن فطيس (:

    مبدع قليله بحق هالشاعر

    مزون عفاك يالغلا

    .
    .
  3. دلعي معذبهم ♡
    29-11-2009, 01:44 AM

    قصيدة هوا الغربي - محمد بن فطيس


    مزون شمر
    القصده رائعه في قمة الروعه
    يعطيكي العافيه
    تحياتي
    شوشو
  4. عازفة الحب
    06-01-2011, 10:10 PM

    رد: قصيدة هوا الغربي - محمد بن فطيس

    قصيدة هوا الغربي - محمد بن فطيس


    دخيلك ياهوا الغربي على قلبي تهب بزين
    تراك محمل باشيا تهز القلب وضلوعة

    تراك محمل باشيا خفية مستحيل تبين
    ولايفطن لها كون الجريح اللي تلوع لوعة

    عليك الله وجاه الله تلف يسار والا يمين
    ولا تحيي عروق حروج من عامين مقطوعة


    رائع حيل
    اشكررررررررررك