نخيتكم يالنشاما

السلام عليكم ,,,, يا شباب ويا صبايا

ابغى اعرف معنى البيت وقائله ومعلومات عنه اذا ممكن​

حلفت ما اسلى ولا انسى حب سارة
لين يخلون أهل شقراء الصلاة
 
قيل انها لشاعر محمد ابن فهاد القحطاني المعروف ب ابن حصيص
\\ القصيده كامله \\

هيض بن حصيص في تالي نهاره=ألف قافٍ من ضميره دارجاتِي
راكبٍ من فوق منبوز الفقاره=اركي وحبال كوره كالفاتِي
اركيِ ومربع عشب القراره=ماعلاه الشد له سبع سنواتي
كن في عينه من الفرقا شراره=أو مخاليب الوحوش الطايراتي
ولعتني بالهوى والزين ساره=واخلفتني عن غنادير البناتي
من خبر جارٍ ذبح بالود جاره=بالمبيسم والثنايا المرهفاتي
المطوع لو يشوف خديد ساره=طبق المصحف وعجل بالصلاة
ريق ساره سكر له في غضاره=أو حليب ابكار عربٍ مسمناتي
والثنايا قحويانٍ في زباره=نافلٍ نوره على كل النباتي
___ زبيديٍ في لغد قاره=علهن وبل الحيا ومصلعاتي
حالفِ ما اسلى ولا انسى حب ساره=لين اهل شقرا يخلون الصلاة
ديرةٍ بالوشم ما فيها صقاره=غير شيبان وعجز محندباتي
من خشوم كميت إلى حد الزباره=جعل تمحل والوشوم مربعاتي
صاحبي بالجو مد هاله وداره=ما ربى في ثر مدا وإلا مراتي
جعل ضلع طويق يمحل هو وداره=جعل يمحل والوشوم مربعاتي
حيث ينزل عند نا مظعون ساره=واهني صويحبي عندي يباتي
واوجودي وجد مكسور الجباره=ساهرٍ تسعين ليله ما يباتي
أو وجود اللي فضى الحاكم دياره=وخذ ماله والحريم مسلباتي
عقب ماهو تاجرٍ راعي عماره=صار فلاح واموره هيناتي
لا يمي يعطى حنيشٍ في خباره=سمها يشظا العظام الصالباتي


شرح ومعنى للبيت


حالفٍ ماسلى ولانسى حب ساره @@@ لين اهل شقرا يكبّون الصلاتي

حالفِ يعني انه حلف
ماسلى يعني ما انتهي
ولا انسى اعتقد معروفه
حب ساره اي حبها
معنى الشطر الاول انني حلفت وتحديتكم كلكم ايه العالم الذين رديتوني عن حب سره اني لن ولا اترك حب ساره
لين تعني حتى
اهل شقرا تعني مدينه من مدن الوشم تبعد عن مدينة الرياض حوالي 180 كيلو
يخلون \\يكبون تعني يتركون
الصلاه معروفه
معنى الشطر الثاني هذا تحدي لكم اذا خليتو اهل شقرا يتركون اصلاه تركت حبها يعني تحدي
بمعنى اخر اني لان اترك حب ساره مهما كان لان اهل شقرا معروفين بالصلاه مشاء الله عليهم
وحبهم للدين وفيهم الشيخ الشريم امام الحرم وعلماء كثير ..
_______
__
_
هذه الصورة تشير بجلاء إلى شدة تدين المطوّع وزهده وعزوفه عن ملذات الحياة، ولذا كان مضرب المثل في الاستقامة
والبعد عن المؤثرات الدنيوية، من هنا استلهم ابن حصيص صورة (المطوع) للتعبير عن شدة جمال المحبوبة
لدرجة أن (المطوع) ذو البأس الشديد في مقاومة الإغراءات سيتأثر بهذا الجمال ، وهي مبالغة شاعر
جعلها في حيز الاحتمال ولا نتجاوزها بدون الإشارة إلى أنها تتضمن الكناية عن العفة والورع
لشخصية المطوع بصفة عامة في مجتمعنا قديماً

_________
____
_


اصيله بنت ابوي ..
هذا نتيجة بحثي وتنقيحي للمعلومات التي اوردتها ....اتمنى اكون افدتك ..
تحياتي




ينقل للقسم الادبي انسب له
 
عودة
أعلى