غيابك دمرني

الشعر, قصيدة , شعراء, القصايد ارسال إلى Twitter ارسال إلى facebook
  1. سـكـر !
    15-11-2009, 01:32 AM

    غيابك دمرني

    غيابك دمرني



    الله يسامح غيابك كيف دمرني

    والله يسامحك قبل يسامح غيابك


    ياما على ديرتك هالحب يأمرني

    لو أن دربي صعيب يهون لحسابك


    ماني بلاقيك بس الشوق سيرني

    اجيك ساري الين أوقف على بابك


    لو شفت شوقي قسم بالله تعذرني

    والله غيابك لعب بالحيل ف احبابك


    جبرك ظرفك تخليني وتهجرني

    والا انت خوفك علي حتى من اقرابك


    لك ذكريات(ن) عليها الشوق يجبرني

    في كل ذكرى تمر اموت واحيابك


    غايب وأشوفك تجي يمي وتسهرني

    اتخيلك وابتسم وأحضنك وشقابك


    اقعد اسولف واقول البعد بعثرني

    محتاج لك والله اللي برحمته جابك


    اقرا رسايلك في غيابك وتقهرني

    فيها الحزن والفرح والشوق وعتابك


    اول رساله وصلتني منك تشكرني

    على اهتمام(ن) لمسته زود إعجابك


    في وقتها فرحتي بالحيل تغمرني

    نسيت حزني وهم(ن) راح باسبابك


    واخر رساله بظرف البعد تخبرني

    تحلف لي أن الدمع ما فارق اهدابك


    تقول عذرا على الفرقى وقدرني

    والله يهنيك في دنياك وأصحابك


    كانت رسالتك فيها اللي يدمرني

    ادري بأن الجرح ما كان في حسابك


    جيت أتصل بك وخفت الدمع يكسرني

    ما ابي تشيل الحزن يكفيك ما صابك


    اكتب لك وساعة الفرقى تحاصرني

    من سرعها زحمة الافكار تتشابك


    والله احبك عسى ربي يصبرني

    ومهما تسافر بكون اقرب من ثيابك


    هذي امانه معك بالخير تذكرني

    يمكن بعدها تموت ولا أعرف ترابك


    بعيش عمري لحالي وانت خابرني

    ياما كتبت أوعدك ما انساك في كتابك


    وينك .. علامك رحلت ولا تناظرني

    من عقب شوفك وشرح الحال بغيابك


    أثره خياله خذاني بعيد سهرني

    نفس الشكل والملامح والوعد حابك


    الله يسامح غرامه كيف دمرني

    ناظر ياقلبي حبيبك ويش سوابك





    القصيدة منقوووووووووله
    من مواضيع سـكـر ! : (::) سكر سبحان الله (::) انت مطرود (::) غيابك دمرني (::) فساتين خطوبه
  2. سوسو الكايده
    15-11-2009, 01:44 AM

    غيابك دمرني


    روعه روعه أقف بكل إحترام وأصفق لك بذوق وأدقلك تحية الكرام
    بجد لاعدم ولاخلا ذوق والله كلمات جياشه تعانق القلب بحب
    وفرح وحزن وعتاب شكراً على أخذك لعالم الواقع ..تحياتي لك

    سبيعيه كايده
  3. سـكـر !
    15-11-2009, 02:18 AM

    غيابك دمرني


    والله لنور اضاء به موضوعي
    بكلامك الجميل
    الذي زدنى تالق وابداعا
    اشكرك من صميم قلبي لطلتك وحضورك المتميز في موضوعي
    من مواضيع سـكـر ! : (::) سكر سبحان الله (::) انت مطرود (::) غيابك دمرني (::) فساتين خطوبه
  4. *مزون شمر*
    15-11-2009, 06:12 AM

    غيابك دمرني


    منقول جميل
    يعطيكِ العافيه
    ياليت تتقيدي بالقوانين وتكتبي المصدر دائما
    ولك كل الشكر