الولد المسكيين

قصة قصيرة - قصه جميلة - اجمل قصص وحكايات قصيرة منوعة مفيدة ارسال إلى Twitter ارسال إلى facebook
  1. دلوعة عسل
    05-11-2009, 11:34 PM

    الولد المسكيين

    الولد المسكيين


    السلام عليكم
    هاي القصة تتكلم عن المدرسين وتصرفاتهم مع الأطفال
    كان في طفل صغير عنده صعوبة في التعلم وهو كل يوم المدرسين يطردونه من الحصة ويهاوشونه
    كل يوم غير صراخ امه عليه امه تحبه وابوه نفس الشي
    وهو عنده اخو اكبر منه بشوي يعني صف سادس وهو الولد صف ثالث والمفروض يكون رابع بس رسب
    وهو عاد السنة مسكيين وكله يعيبون عليه التلاميذ عاد الولد لين الي في الفريج وياهم يحذفون عليه الكورةما يمسكها
    ما يعرف يمسكها ويجوف الكلمات متلخبطة ومقلوبة وامه كل تهاوشة وكله يرسب في الأمتحانات والتطبيقات مره طلع من المدرسة عشان ما خلى امه توقع ع ورقة الأمتحان وحذفها وشققها ورد البيت وطلع من المدرسة وقعد يدور في الشوارع ورجع البيت صار الليل وقال حق اخوه انه هو طلع من المدرسة اخوه عصب قاله : يالغبي ماتدري انه ممكن تنخطف يمكن تضيع الشوارع خطرة باجر الصبح بقول حق امي انك طلعت من الحصة الأولى عاد اخوه الصغير قعد يترجاه ويقوله ارجوك لا تقول حق امي وقاله انه يكتب له اورقة غياب وكتب له وداها حق المدرسة المدرسة وقعتها وجافت حرارته الا هي عادية المدرسة : اليوم اتحس انك احسن هو : ايي المدرسة اوكي اليوم في امتحان يلا كلكم تجهزوا وزعت الأوراق عليهم عاد هو ما حل غير سؤال واحد قعد يفكر بجوابه طول الحصة وكان
    9X3
    عاد امه وابوه ودوه مدرسة ثانية مدرسة خاصة وهو تم يصيح وقال انه ما يبي يروح بس ابوه عصب وغصبه انه يروح وسجله وطلعه من المدرسة في نص السنه وهو عندههواية وهي الرسم ورسمه حلو مشالله عليه يعرف يرسم فنان بمعنى الكلمة...
    ,وجاوب عليه 3
    المهم انه عقب تعرف ع واحد من الصف وهو شاطر واستاذ الفنية مالهم العصبي انتقل ويابوا واحد يديد عاد المدرس اليديد طيب واول مادش عليهم قعد يغني ويضحك وهو لابس لبس مهرج ويضحك والكل كان يضحك الا هو الولد الصغير ما كان يضحك وكان اسمه ايشان <<<الولد الصغير>>>المهم انه عقب يومين لاحظ الأستاذ انه الطالب عنده صعوبة في التعلم وراح عند امه وابوه والمدرس : السلام عليكم انا المدرس الي يدرس ايشان وانا لاحظت انه ولدك ذكي وايد الأبو وبستهزاء :هههه ذكي ... المدرس: ايي ذكي بس فقد ذكائه بمعاملاتكم ولاحظت انه يعرف يرسم ولسوء الحظ ولدك وقف الرسم بعد وهو ترى في خطر كبير واللحين ما بيدني شي نسويه لأنه فات الأوان والولد خلاص ما يتكلم مع حد ولا يرسم ولا شي والولد عنده صعوبة في التعلم
    الأب: تبي تقولي انه ولدي معوق ؟؟ المدرس : لا بس صعوبة في التعلم وانت تظغطون عليه ليش انت ارسلته للمدرسة الخاصة ليش ليش ؟؟؟ الأب: لأنه غبي .. الأستاذ قعد يفكر عقب لقى لعبة في كرتون نفس المنوبولي مكتوب عليها بالصيني الأستاذ خذها وعطاها الأب الأستاذ: اقرا هاي ؟؟ الأب: شنو ماعرف ؟؟ الأساذ: اقراها انت ولد سىء وغبي اقراها يلا بسرعة اقراها ترى بعاقبك ؟؟؟ الأب وهو خايف وشوي وبصيح : ماعرف مكتوب بالصينية !!
    الأستاذ: ايشان يحس بنفس الشي نفس الشعور ؟؟؟ الأب حس بغلطته الأم : واللحين شنسوي شلون نساعده ؟؟؟
    الأستاذ قعد يفكر لين ما لقى حل وقعد يعلم الولد ويفهمه ويدرسه لين ما فهم الولد وشويشوي تعلم يوم يات امه تحضر اتجوف ولده ومستاواه لقت كل المدرسين يمدحونه وقال المدرس قصة حق الطلاب المدرس": تدرون انه في ولد صغير كان ما يعرف يقرا ولا يكتب وكانت الحروف بالنسبة له عدوه ؟؟ ايشان طالع الأستاذ وهو مبققق عيونه
    الأستاذ : وهاي الولد معروف تعرفون من ؟
    ايشان بلع ريقه
    الأستاذ قال اسم عالم : نيوتن ماذكر والله
    المهم سوى الأستاذ مسابقة رسم حق الكل المدرسين والطلاب والمدير والكل وياب مدرس فنون متخصصصين حكام
    وحتى هو كان من اللأعضاء وفي يوم من الأيام مر ابو الولد ايشان للمدرسة وراح عشان يجوف المدرس الي راح بيت ايشان وكلمه وقال له انا يايك عشان ما تقول انا احنا مهملين ولدنا واني ماحبه وانا اب سىء وانا ياي عشان اعرف اخبار ولدي واذا تحسن ولا لا ؟؟؟ المدرس:انا ما قلت جي المسألة مب مسألة انه انت اب سىء ايشان في خطر ؟؟؟
    المهم عقب ما دردش الأستاذ مع الأب وتفاهموا
    الأستاذ: تعرف شنو يسون الي يعيشون في جزيرة سولمون؟؟؟ الأب: لا المدرس: يتجمعون حولين شجرة ويتمون يلعنونها ويسبونها بعد ايام تموت الشجرة وتذبل
    المهم الأب: بلع ريقه وراح
    المهم انه جى يوم المسابقة وتتوقعون الكل ما عرف يرسم من المدرسين والمدرس : رسم الولد ايشان والولد هو الي فاز
  2. the king: meshal
    07-11-2009, 12:36 AM

    الولد المسكيين


    مشكور على الموضوع


    تقبل مروري
  3. النمر الاتحادي
    12-11-2009, 12:06 AM

    الولد المسكيين


    مشكور عالموضوع
    تقبل مروري
    يسعدك ربي
  4. *عبير الزهور*
    13-11-2009, 12:00 AM

    الولد المسكيين


    يا هلا فيك يا دلوعه
    مشكوره عالقصة
    شاركينا بالمزيد
  5. أنا غير
    15-11-2009, 08:59 PM

    الولد المسكيين


    مشكوه عالقصه

    وربي هالايام اباء وامهات هم السبب في صعوبه التعلم عند اولادهم بس مهما كانوا لازم يشجعوهم حتى يكونوا افضل
  6. دلوعة عسل
    23-05-2010, 12:54 PM

    الولد المسكيين


    العفو
    ثانكس ع المرور
    ع فكرة القصة هندية واسمها تاريزمنبر
    وبطلها امير خان
    ومب حقيقية بس تتكلم عن الواقع
    تفضلوا ع هالموقع جوفوا وسمعوا الأغاني وايد روعه ومعناها وايد حلو
    7
    7
    7
    7

  7. ح ـكآية
    27-09-2010, 08:14 PM

    رد: الولد المسكيين

    الولد المسكيين


    مشكورة على القصه

    لا تحرمينا من جديدك ..
  8. دلوعة عسل
    27-03-2012, 08:22 PM

    رد: الولد المسكيين

    الولد المسكيين


    من عيوني ان شاء الله تسلمين ويسلموو على المرور


    تدرون انه الفلم فلم هندي وعلى فكرة وايد ناس مشاهير مايعرفون يكتبون ويقرون

    "الممثل المشهور ابيشيك باتشن " ولد الممثل الكبير المشهور اميتاب باتشن ماكان يعرف لا يكتب ولا يقرا

    و الشصية المشهورة الرجال الي اخترع الليت "النور" تومسان مادري شنو ترى بعد ما كان يعرف يكتب او يقرا
    والشخصية المشهورة الي اخترع الطايارات بعد ما كان لا يعرف يكتب او يقرا وكلهم عانوا من هاي المشكلة ماكانوا يفهمون الارقام والاحرف والي صنع والت ديزني نفس الشي بعد تخيلوا اكبر صانع افلام كرتونية جميلة والكل يحبها ويشاهدها وهو مايعرف يكتب او يقرا
  9. Loli.
    27-03-2012, 08:27 PM

    رد: الولد المسكيين

    الولد المسكيين


    اي شفته هذا فلم الهندي حيل رهيييييييييييييييييييييب وبكاني خخخ :(
  10. دلوعة عسل
    29-03-2012, 12:53 AM

    رد: الولد المسكيين

    الولد المسكيين


    خخخخخخخخخ اي جدا روعه في فلم هندي بعد وايد روعه يتكلم عن الضغوطات النفسية الي يعانون منها المهندسين او الي داخلين كليه الهندسة ويتعلمون اسمه "3 iditos" الاغبياء الثلاثة وايد حلو جدا اتمنى تجوفونه