ديوان الشاعر فهد المساعد

طلال الرشيد .. قصيده ومجاراه



كانت هذه اخر قصيده نشرت للشاعر طلال العبدالعزيز الرشيد ( رحمه الله )



صديق الطفولة وش جرى لك مع الايام
هي انصفت دنياك ولا انت بك مثلي

فقدنا ملامحنا مثل ساير الانام
عبث بنا جور الزمن والزمن يبلي

وقفنا جميع وبيننا حاجز الاعوام
صعيب وصولي لك وياصعب لك وصلي

وانا اشوف في وجهك طريق غشاه عتام
وذاك النخل واشوف دارك ودار اهلي

وسدرة هي اكرم من اهل بيتها اللوام
وفي وجهك اصحابي .. عصى مدرسي .. فصلي

وعود كبير ودايم فالظلال ينام
في ذكرياتي له بعد ملمح وجلي

وسور كتبنا فيه ذكرى عبث واوهام
ولي في عيونك صورة زانها جهلي

بثوب تبلل بالمطر والتراب وشام
وانا احب اسير العب وهي حافية رجلي

انا وانت طفل وطفل دايم رضا وخصام
بكانا سهل والضحكة امر بعد سهلي

دعاني بوجهك ناده ينده الاحلام
معه رمح مدري هو علي غاضب او لجلي

انا كيف اباصل والامل خلف مو قدام
كثير الاسى والسهد يامن فعل فعلي


،،،،،،،،،،،،،،،،





وهنا مجاراة الشاعر فهد المساعد لها ..





فقيد الرجوله وين حطت بك الأقدام؟
انا ما تخيلتك تزور اللحد قبلي

عقيد الطنايا شيخ شمر ذرى المنضام
حفيد الجنازه بلوة اللي بلا المبلي

عقيد لقومك.. بس تبكي عليك أقوام
من الساحل الشرقي الى الساحل القبلي

أنا لا ذكرتك طاح راسي على الأكمام
اسولف لقلبي عنك.. وأبكي على مهلي

أسولف عن أول مرة جيت قبل العام
و شفتك بعيني مثل ما كنت في عقلي

امير و عظيم و شاعر و فارس و مقدام
سجل البياض اللي بنقش الذهب مطلي

سنافي شهم فزاع .. لا قام يعني قام
يغيث الضعوف ولا يقول الوبل وبلي

طلال .. الشهامه نكست عقبك الأعلام
الا من قتل خيال .. وش نفعة ( الرجلي؟ )

طلال .. الأوادم كلها من لحم و عظام
تعيش و تموت بصمت .. تالي ورى متلي

عداك انت يا من عشت عمرك عظيم اشمام
وقفت فمماتك تنتخي: (من نوى قتلي؟)

رحيلك بنى للحزن وسط القلوب خيام
و وداعك جعل كف الثرى بالدمع مملي

عسى من لبست لخشيته فرمضان إحرام
و دعيته :( يا رب اكرم نهار الحشر نزلي )

يعوضك عن دنيا بها حاسد و نمام
و يرفع مقامك عن مقام البرى السفلي
 
قصيدة / نبض القصيد

ماطرق جفن المحبه رمش ماله في السهر
وما لمس نبص القصيدة شاعر جاها كذا

والله اني لاتعزوى واضرب حصون الخطر
لوعرف ورد المحبه كيف يلعب بالشذا

ياسحابه صيف منها مابعد شفت المطر
مغريه مثل الطموح ومشغله مثل القذا

رحلتي شابت تمنى مبتداها بالخبر
والنهايه ضاع وقتي بين هذا هو وذا

ياكبر حظ السعادة طول عمره ماصغر
منهو اللي لاعرفها مابغاها له غذا

ماعرفت الا جروح مالها غير الصبر
دام وقتي لاعطاني جرح يبطي ماخذا

بين جرح وبين خوف وبين طعنات القدر
طب ياحظي تخير أو تغير ياوذا

وانت ياللي لو اقول احبك ماتسر
في كلمة في خفوقي يرتكبها لاهذا

ماملى عين المحبه غير وجهك والسهر
فوق نبض من نضمته مابعد قلته كذا​
 
ﻋﺪﻯ ﻋﻤﺮ .. ﻳﺎﻟﻴﺖ ﺍﻷ‌ﻋﻤﺎﺭ ﺗﻨﻌﺎﺩ
ﻭﺃﺭﺟﻊ ﺑﻼ‌ ﺷﻴﺐ ﻭﺑﻠﻴﺎ ﺗﺠﺎﻋﻴﺪ


ﺃﺭﺟﻊ ﻭﺃﺿﻢ ﺃﺑﻮﻱ ﻭﺃﻗﻮﻝ: ﻻ‌ ﻋﺎﺩ
ﺗﻤﻮﺕ ﻭﺗﺘﺮﻛﻨﻲ ﻣﺜﻞ ﻟﻴﻠﺔ ﺍﻟﻌﻴﺪ

ﻳﻮﻡ ﺍﺳﺄﻟﻮﺍ ﻋﻨﻚ ﺍﻟﺼﺒﺎﻳﺎ ﻭﺍﻷ‌ﻭﻻ‌ﺩ
ﻭﻗﻠﺖ:ﺃﻣﻲ ﺗﻘﻮﻝ ﺍﻧﻪ ﻣﺴﺎﻓﺮ ﺑﻌﻴﺪ

ﺑﻜﻴﺖ ﻟﻴﻠﺘﻬﺎ ﻭﻧﺎﺩﻳﺖ..ﻣﺎ ﻓﺎﺩ
ﻭﻇﻠﻴﺖ ﺃﺻﻮﺕ ﻟﻚ .. ﻭﺃﻧﺎﺩﻳﻚ ﻭﺃﻋﻴﺪ

ﻋﻮﺩ ﻳﺎ ﺑﻮﻱ ﻭﺟﺐ ﻟﻲ ﺛﻴﺎﺏ ﺟﺪﺍﺩ
ﻳﺎ ﻛﺜﺮ ﻣﺎ ﺗﻨﺴﻰ ﻳﺎ ﺑﻮﻱ ﺍﻟﻤﻮﺍﻋﻴﺪ

ﺑﻜﻴﺘﻚ ﻟﺤﺎﻟﻲ ﻭﺃﻧﺎ ﻛﻨﺖ ﻣﻌﺘﺎﺩ
ﺗﻜﻒ ﺩﻣﻌﻲ ﺑﺈﻳﺪ ﻭﺗﻀﻤﻨﻲ ﺑﺈﻳﺪ

ﻛﻢ ﻛﻨﺖ ﻣﺤﺘﺎﺟﻚ ﺗﺠﻲ ﻛﻨﻚ ﺭﻗﺎﺩ
ﺗﻤﻄﺮ ﻣﻦ ﻛﻔﻮﻓﻚ ﺻﻼ‌ﺓ ﻭﻋﻨﺎﻗﻴﺪ

ﺍﺣﺘﺠﺖ ﻟﻚ ﻃﻔﻞ ﻛﺴﺮ ﻗﻠﺐ ﺍﻷ‌ﻋﻴﺎﺩ
ﻭﺍﺣﺘﺠﺖ ﻟﻚ ﻃﻴﺶ ﻭﺷﺒﺎﺏ ﻭﺗﻨﺎﻫﻴﺪ

ﻭﺍﺣﺘﺠﺖ ﻟﻚ ﺷﺎﻋﺮ ﻟﻪ ﺃﺣﺒﺎﺏ ﻭﺃﺿﺪﺍﺩ
ﻭﺍﺣﺘﺠﺖ ﻟﻚ ﺭﺟﺎﻝ ﻳﺨﺸﻰ ﺍﻟﻤﻨﺎﻗﻴﺪ

ﺍﺣﺘﺠﺖ ﻟﻚ .. ﻭﺍﺣﺘﺎﺝ ﻟﻚ ﻇﻞ ﻭﺳﻨﺎﺩ
ﺍﻟﻌﻤﺮ ﻳﻨﻘﺺ ﻭﺍﺣﺘﻴﺎﺟﻲ ﻟﻚ ﻳﺰﻳﺪ

 
عودة
أعلى