ديوان الشاعر نواف الدبل

ديوان قصائد الشاعر - ديوان قصائد الشاعره ارسال إلى Twitter ارسال إلى facebook
  1. ღ حلمي وجودك ღ
    28-10-2009, 06:10 PM

    ديوان الشاعر نواف الدبل

    ديوان الشاعر نواف الدبل


    ديوان الشاعر نواف الدبل


    مسائكم شعر ..

    يسعدني أقدم لكم ديوان الشاعر المبدع \ نواف الدبل ..



    |--*¨®¨*--|خبر عاجل..!!|--*¨®¨*--|


    خبر عاجل! وكالة شعر..بالأخبار وثقته
    يصرح مصدر مسئول لا يستحمل التأويل
    أفاد ان جيل كامل..انتهى بالضبط في وقته
    وسلم باقي الاملاك ..للأخلاء والتقبيل
    مسحنا بصمته من يوم انهينا عمالقته
    مثل ماينسخ القران ..التوراة والأنجيل
    زمان المبدع الواحد!وعشر اشباه سارقته!
    اذا مول لهم ياليل..جرو كلهم ياليل!!
    زمان امسك لي؟!اقطع لك..وشلة أنس سوقته
    تطبلي وأطبلك!!ونقضي ليلنا تطبيل
    تقول الله مسلط في زمنهم ريح وأمحقته
    تقول انهالت حجاره عليهم..كنها سجيل!!
    اذا الواحد سمع منا ثلاث ابيات..اقلقته
    واذا شافوا صورنا..كنهم يشوفون عزرائيل!!
    قصايدنا اذا وصلت جيوب الثوب..شققته
    واذا نزلت على كمومه..تعيد حكاية التفصيل
    نعم..أفخر بشاعر اكبر الأضواء لاحقته
    نعم..افخر بشعر مايبي له أجهزة تمويل
    واذا غيري يحسبه حلم..لامسته وحققته
    وصلته بدون أخراج!او خدمات للتوصيل
    انا اشهد من تصاغرنا عبث! في حبل مشنتقه
    انا اشهد من تحدى بإسمنا جبنا له التعليل
    هذا الجيل له وقته..وهذا الجيل له وقته
    وبسم الله ..نبدى افتتاح أمجاد هذا الجيل

    ديوان الشاعر نواف الدبل

    •°°·.¸.•°®»عم من اعمامك«®°·.¸.•

    ول... يا قلبي تروا وش بدا بك وش علامك
    جيت كلك ما بقت فيك القصيرة والطويلة
    لا تفز اثقل تغلا قول: عز الله مقامك
    بين انك ما تفز الا اذا جات الثقيلة
    لا تبين قدره انه صار عم من عمامك
    وان ليلك صارت العيشة معه مرة ذليلة
    القط انفاسك ولا تقرا على الدنيا سلامك
    خوفتي من قول عذال الهوى: وا عزتي له
    تذكر اول يوم كل صان قدرك واحترامك
    لو بغيت تشبها بيدك تطوح بالفتيلة
    يا خسارة عند ذيل القائمة صار انضمامك
    و انت يا قلبي عزيز و ما تعودت الفشيلة
    شفت كيف اليوم ما يقوى على الحلوه دوامك
    كنت متأكد دوام الحال حاجه مستحيلة
    كيف من ضربه قضت امر انهزامي بانهزامك
    بعد ما كنت انت غايه, صرت ياقلبي الوسيلة

    ديوان الشاعر نواف الدبل

    ×?°لمحتي دبلتي تنزف...!!×?°

    لمحتيني و صديتي .. عرفت انك لمحتيني
    م هي صدفه دموعك ..وارتجافة كتفك الباكي
    أصيله يوم قفيتي عرفتيها وعرفتيني
    عرفتي وضعي المحرج ولا حاولتي ارباكي
    لمحتي دبلتي تنزف عبايرها على يديني
    تحاملتي على نفسك .. حبستي صوتك الشاكي
    انا لو كنت خليتك نويت اكمل نصف ديني
    وغدا ربعي مع الغير .. وثلاث ارباع وياكي
    حشا م نتي سوالف رحلتن حلوه تسليني
    انا لو قلت ابتجاهل .. يخالف طبعي ادراكي
    حشا ما يقدر الماضي يحرمك باقي سنيني
    حشا لو وصلت سكرة مماتي .. ذروة اعراكي
    رحلتي ساكنه فيني وتبقي ساكنه فيني
    ولو دارت مساراتك اكيد بتتبع افلاكي
    مدام احلى الهوا سرقه دخيلك لا تخليني
    واذا ردت بك ابوابي ترى الميعاد شباكي

    ديوان الشاعر نواف الدبل

    ¤§اللعب مع الكبار§¤

    لا تدوش دماغك وتفكيرك حبيبي باعتذار
    وشلون اصدق بك كلام اللي سعوا في نمتي
    ناس تحسب النار دايم تشتعل من الشرار
    اللي تخلي كل شي وتحتفي بمطمتي
    ولنفترض انك علي اخطيت واللي صار صار
    مذمتي لا جات منك ياحلو مذمتي
    انت اليمين وماني مصدق معك حزب اليسار
    سياستي انا وابن عمي على ابن عمتي
    لا صارت اشواقك تجاهي لا يشغلها غبار
    ومادام ماشفته بعيني ليه احط بذمتي
    الصبر والحكمه سلاح بيد صناع القرار
    اضبط امورك واعتبرها ضابطه من يمتي
    مانيب قايل لك كلام الليل يمحوه النهار
    باكر تعرف اني انا وياك بكون بقمتي
    ياكبرك بعيني وانا احب اللعب مع الكبار
    ومادمت بايعها معك يامين؟ يثني همتي
    لاصار كل شي بحياتك غير (نواف) انتظار
    الى هنا يابعد راسي وانتهت مهمتي
    حبيت اذكر بمقامك ياحبيبي باختصار
    عشان اريح بالك وعشان ابري ذمتي

    ديوان الشاعر نواف الدبل

    *~القلوب الميتة~*

    صدق الحياة تعلم اللي مانفع فيه العلام
    وحتى القلوب الميته تبكي بوسط الزعزعه
    مني سلام من أول الدنيا الى اخرها سلام
    اللي يبي درس ببلاش يثمن اللي يسمعه
    النور خدعة فيزياء..واليوم كذبه الظلام
    وما بقى من ظلم خلق الله ولا ضو شمعه
    والضيق ضيق القبر..لا بالله بصدور الأنام
    بالعكس يابعض القبور أنها لميتها سعه
    والكسر هو كذبة رياضيات من بسط ومقام
    والشاطر اللي يعرف ايش الحل..يرفع أصبعه!
    نعم نعم لا فيه كسر ولا انكسار ولا انقسام
    الانكسار الرجل لا جاه اتصال وروعه
    وانا لو توافد علي العلم وازداد الكلام
    أن كنت بكذب ثلاثه..ما بكذب أربعه
    وإذا تذكرت ان دم المسلم على المسلم حرام
    اكذب الأخبار لا جابوا طريقة مصرعه
    وشلون مسلم تتجه حوله أصابع الاتهام
    ضيع شبابه مثل ماضيع شباب اللي معه
    استغفر الله كني أسمع صوته يرد السلام
    مع ان قلبي حس ب/انه اخر وداع أودعه
    ليت لي شوفه أخيره لو بعد شد الحزام
    أقسم بربي لنزل بنفسي وأقوم اجمعه
    وأجمع أشلائه وأحطه في وسط قلبي وأنام
    وإذا كتبت اخر قصيده بزهمه واسمعه
    وأقول يامحمد عسى اللي تسمعه مني تمام
    اشتقت اسمع منك كلمه في قصيدي موجعه
    من عادته يكون أول واحد بوسط الزحام
    من عادته لا غاب جاب أعذار ماهي مقنعه
    لكنه هالمره ياكبر أعذاره وياقل الملام
    ياليت لي حيله وأبيع اعضاي واشري مسمعه
    جعل بفمه شهادتين وجعلها مسك الختام
    اللي تمر بقلبه وهي رايحه يم مسمعه


    ديوان الشاعر نواف الدبل
  2. ღ حلمي وجودك ღ
    28-10-2009, 07:42 PM

    ديوان الشاعر نواف الدبل


    **((د.ب.ل 211
    يا ويل من قام من نومه ولا سما
    لا مر من يمه اللي مر من يمي

    اقرا عليها الفلق و اكمل جزء عما
    واذا ختمت القرايه ارجع اسمي

    اخيرا افلحت يا حظ ما يتسمى
    باللثمه اللي تنسيني حليب امي

    مع ان مالله عطاني حبها الجما
    لا جات هذي المواقف قلت يا عمي

    بس ذي لا هيب لا نوره , ولا شما
    و لا هيب ديمه ولا تالا ولا ممي

    فتنه على الارض تمشي جعلها الحمى
    كنها تغدا لحمي و تحلي بدمي

    هي كانت مشككه وتأكدت لما
    قزت اسم عيلتي بلوحات (بي امي)

    الموتر اللي اخبره ذيب لا حما
    لكني احيان ما يمديني احمي

    اسرع و اغني لقد اسقيتني سما
    و اتخيل انها تنادي التفت لمي

    واحسها تقول اعطيني بعض مما
    لديك ياكبر طموحاتي و يا همي

    و اذا بغيت اتكلم عندها اما
    لساني, يذوب ولا ينربط فمي
    ديوان الشاعر نواف الدبل

    صاحبي

    صاحبي؟! ما يضحكك بالجرح غير اعذاره
    و انت جرحك لا مموتني و لا محييني

    و ما يبكي القبر الا لامشوا زواره
    لا مسحت غبار اخر حفنه بكفيني

    ودام ودك تدفن اللي بيننا باسراره
    ادفنه! ولا انا كيف ادفنه بيديني

    يوم انا بانيه من ساسه الين جداره
    وكل ذرة ملح في تركيبته تعنيني

    لك علي.. اشغل السي ديه
    بالسياره وابكي ابكي لين اصب القلب من جفنيني

    و لك علي انسى علوم الوصل بالقطاره
    و لك علي اكسر خواطر كل ربعي فيني

    ولك علي اطر ذكر الخير فيك طراره
    ولك علي ارضيك لو رضاك ما يرضيني

    صاحبي؟! و اللي يحط الطعم بالسناره
    احسن انه لو يصرح فيه عينك عيني

    ماني مجاوب على نظراتي المحتاره
    خلها و تضيع ما بين المرايه وبيني

    خلها تشغل حلوق العالم الثرثاره
    ولا انا ما هيب تسمني و لا تغنيني

    رح فمان الله وجه ابيض و طيب بشاره
    لا تراعيني بعينك لين ما تخفيني

    واعرف انك لو تلف الارض حاره.. حاره
    وين ما تلقى ملامح طيب بتلاقيني

    و اعرف انك لو تضيق بدنية دواره
    ما تشوف الا و يدينك وسط يديني
    ديوان الشاعر نواف الدبل

    ضيقه

    ضيقه تطاردني و انا ما بين اكيد ومحتمل
    شين تحاوطني من الاربع جهات و لز ني

    الظاهر انه يحسب الواثق شديد و ما زمل
    ما يذكر الصدمه و ذاك الموقف اللي هز ني

    وشفيه ينبش في جروحي.. جرح قلبي ماندمل
    كنه غدا ذا القلب مستمسك وهو يبتز ني

    ساعات افكر و احسب انه صدق عامل لي عمل
    شين على دربه رغم كل الحلوف يدز ني

    اعرف كثير امثال منها لاسرقت اسرق جمل
    هذا الذي كل ما حديت اخطاي عنه وز ني

    والله ما يقهرني الا قولته : مالك أمل
    ما كنه الا شي من جواي.. يستفز ني

    الوضع ما يحتاج له تعليق و الناقص.. كمل
    عزيز لكن في يديه يذلني.. و يعزني

    ما باقي الا شي.. ويطيح الجمل.. بما حمل
    قشه تحت رحمة يديه اذا طراله كز ني
    ديوان الشاعر نواف الدبل
  3. ღ حلمي وجودك ღ
    28-10-2009, 08:03 PM

    ديوان الشاعر نواف الدبل


    تحية الاسلام

    سلام الله عليكم كلكم تحية الاسلام
    بدار يحس العاني انه مهوب عاني

    بعد ماخذت لي قسط من الراحه والاستجمام
    قريت الحمد والكرسي وقمت بثاني اركاني

    وخليت ام عبدالله اتطيب غترة البسام
    تدعيلي بان الله يحلل عقدة لساني

    وجيت بكل ماوتيت من شعرا والمام
    قصيدا لو نسيته يمكن الجمهور يقراني

    وانا لو حطني المشرف عضو مع فرقة الاحلام
    اقول الشعر واثق كل محد جالس اوزاني

    ماقول اني انامبدع الشعر ومحطم الارقام
    ومو اني اقوله بينكم ياحسبة اخواني

    وانا لو شافني بالصدفه الماني بامرستدام
    عرف اني سعودي واني مانيب الماني

    وعرف دمي وعروقي وانتمائي وديني الاسلام
    وعرف اني موالي للقيم مانيب علماني

    وعرف اني من الشرقيه ولي بيت بالدمام
    ماباقي الا يطلق ان ابوي فلان الفلاني

    وعرف اني احب اهل الجنوب واعشقك يايام
    واحس بقمة التشريف مع كل يامي وهمداني

    اذا وصفتهم بالطيب قلت الطيب معنى عام
    ابي شي يخص ومايعم القاصي والداني

    ابي شي لا مني كتبته تحلف الاقلام
    بانه من كتب في مدحكم شي تعلاني

    مع ان ماصارلي في داركم جالس ثلاث ايام
    لاني احسب ان هذا البلد داري وعنواني

    ديوان الشاعر نواف الدبل
    ملعوبه

    اتذكر النار يوم النار مشبوبه
    واتذكر العائق اللي بينك وبيني

    واتذكر العاذل اللي مصخ اسلوبه
    ما يدري انك غديتي مني و فيني

    ايقنت ان قسمة الارزاق مكتوبه
    وشكرت رب على النيات معطيني

    من كثر ما صرت ابوس ايدي مقلوبه
    نسيت شكل الخطوط براحة ايديني

    ياذهول عقل يشق الثوب وجيوبه
    جيت بعيون المريب وقلت اخذيني

    جيتك بقايا نفس و اطراف مكبوبه
    وصرتي مغذي تغلغل في شرايني

    يا زينها لا جت الخطوات محسوبه
    ويازينك انتي وانا وياك يازيني

    بساطتك مثل خبز البر و الروبه
    وصعوبتك تكمن بانك عرفتيني

    يا فرحة اللي بدا بالشي يا دوبه
    احس من لذتك ما عاد يمديني

    انتي اشاعات جيل كان اكذوبه
    وانتي علامة سقوط الكون من عيني

    وانتي سبب قولتي و الله و الكوبه
    يوم الخلايق بعد شوفك تلاقيني

    يا نقطة النون مرفوعه و منصوبه
    حطي نقاطي على حروفي و حليني

    جيت اعترف لك بانك صدق ملعوبه
    ويكفيني انك تربيتي على يديني
    ديوان الشاعر نواف الدبل
    روحي رياضيه ..

    ياللي تراقب.. ردة ..أفعال القهر في مدمعي
    يمكن تموت من القهر من قبل ما عيني تهل

    مدام بالدنيا رقم ابسعى له سعي
    لياقتي عند النهايه مثلها يوم استهل

    يومك تظن ان التواضع داخل الملعب ..وعي
    انته تشوف انه وعي , و انا اشوف انه جهل

    من قال لك روحي ريا ضيه , تجي تلعب معي
    لا و الله الا عند رغباتي, تشوف و تنذهل

    ما جيت اسوي لي دعايه, و اتداعى و ادعي
    قلت اتكلم لين يسمعني العجل, على مهل

    قلت اتحلى بالمراجل, و المراجل,,منبعي
    وما فيه شي اكبر من انك تكبر بعين الكهل

    يا ما كثير اشيا تزودني طمع في مطمعي
    وانا و عثرات الليالي. نعتبر حسبة أهل

    زاد الخطا منك و لا عاده يسمى مطبعي
    وان كانت الدنيا كذا ما هي على كيفي , فهل؟!

    تتوقع اني منك و اشكالك بلاقي مصرعي؟!
    لا لا يا روح امك,,, ترا لا قفلت , ماني سهل

    ديوان الشاعر نواف الدبل


    321 ... انطلاق

    خلنا نبدا ثلاثه اثنين واحد انطلاق
    تنطلق طلقه رصاص ويبتدي مشهد فضيع

    تبتدي رحله الم او يبتدي اعظم سباق
    شوف كيف اعظم سباق وكيف أهو ماهو سريع

    لاكن اعظم شي جاب المركز الاول معاق
    يكفي انه دايم الاول على بال الجميع

    ادري ان الركض في بعض المواقف حيل شاق
    لايهمك شيلها وتجي مع البال الوسيع

    يا الاهي حمل ساقين ويشيله بس ساق
    ولو يطيع الساق باقي الجسم يمكن مايطيع

    شينها لاصرت بين المزري ومالا يطاق
    واجتمع دم وعرق ودموع وامال وربيع

    اشهد ان الدمع ماهو لا رياء ولا نفاق
    والله انه مايديره غير رجال شجيع

    ادري ان الفوز لو مابه تعب ماله مذاق
    والتعب لولا الصبر ماتم مالا نستطيع

    بأذن رب المعجزات اللي على الافاق فاق
    العزيز المستجيب الرازق الفرد السميع

    اطلب الله يالمعاق ونطلب الله للمعاق
    واعرف انك دايم الاول ومنزالك رفيع
    ديوان الشاعر نواف الدبل
  4. ღ حلمي وجودك ღ
    28-10-2009, 08:10 PM

    ديوان الشاعر نواف الدبل


    الاضاءه
    والله اني يوم اسولف ما تعمدت الاساءه
    بس واحد حدني منه البروده تشتكي

    من غباءه ما يسوي شي يظهر به ذكاءه
    هو ذكي لو ما حد شافه على انه ذكي

    فاهم الموضوع لاكن تنقصه بعض الجراءه
    ليت من علمه يسكت علمه بعض الحكي

    انطوائي وسط عالم ما تقبل انطوائه
    مجتمعنا ما يحب اللي لوحده متكي

    لو تلومه الف مره ما يبين استياءه
    ما تعود يشتكي لو كان وده يشتكي

    الغريب انه لعب دور الطفوله و البراءه
    اختطف قلبي ودب.. الاشتباك المعركي

    غير ايامي اظاف لظلمتي بعد الاضاءه
    امتلكني لو سلوكه ما يناسب مسلكي

    لا بغيت امحيه من قلبي .. يعزز استواءه
    والله انه فوق عرش القلب الابيض مرتكي

    المصيبه انه بدنياي يفعل ما يشاءه
    هو حبيبي لو أقول انساه خل عنك الحكي

    ديوان الشاعر نواف الدبل

    حق الناس للناس

    لاجتمع بالبال شعر معه فكر نبيه
    قلت سلم لي على الليل و اللي يرقده

    اتأمل بالزحم هالوجيه و هالوجيه
    كن بسماتك تجي وسطها مستقعده

    تنفض احساس الشعر بي .. عن بكرة ابيه
    كنك اتغششني اول وثاني مفرده

    من ضحايا حيرتك.. يوم لا, ويوم أيه
    لا تعلقني بحبل , وترجع تعقده

    مثل غالي بعض الاوقات ماودك تجيه
    وما تحس بقيمته غير لما تفقده

    تنثره من وين ما شئت ثم تحتويه
    ثم تنثر كل قطعة تجي على حده

    دام قلبي ماخذه ماخذه.. قلي ابيه
    خلني اعطيك قلب بحاله جيده

    كيف ارضى و اتسلل ورا قلبك و اجيه
    كيف اقنع بالتسلل وهو له مصيده

    لا تفاضلني بغيري و انا مالي شبيه
    خص لاجات الموازين حيل معقده

    لارتفع سعر الدراهم على حساب الجنيه
    حظ قوم يتعسه عند قوم يسعده

    ما يعاب اللي مسك شوكه و ياكل فيليه
    كيف ياكل في يمينه .. وكل ينقده

    يعرف اداب الأكل ماكل مما يليه
    قال حق الناس للناس , ما طول يده

    اتكلم من مراره وحالي لك عليه
    شايف ان الغيره احيان نار موقده

    لاطلبتك تلتفت, التفت من غير ليه
    تفهم اللي اقصده و اللغات موحده

    لا تشد الحبل بالحيل لي حاجات فيه
    جود انته من هنا , ومن هناك اجوده

    الصدف ما تجمع الناس بالشانزي لزيه
    والقلوب اتجمع الناس لو هي مبعده
    ديوان الشاعر نواف الدبل

    براءة الإختراع

    اسكت دقيقة ثانيه لحظة سماع
    هذا حديث الناس يومي اوصفه

    مثل الفلم لامن تكلمت استماع
    قوم املك الخلق بحروف مرهفه

    للمره الاولى على العالم يذاع
    حسنك على هيئة قصيد وفلسفة

    وصفت بك مثنى, ثلاثة,
    ورباع واول صفة ....تغار من ثاني صفة

    سويت من لا شئ ,قدر المستطاع
    رفعت سعرك فوق سعرالتكلفة

    صرت اختراع ولي براءة الاختراع
    فرضت للي يب يشوفك تعرفة

    معلم ...يزورونه هواة الاطلاع
    حتى عديم الذائقه يستلطفه

    كم اجتماع يصير لاجلك واجتماع
    وانت بيديك تقعده وتوقفه

    حطيت لك في داخل القلب انطباع
    انك اذا حبيت تقدر تخطفه

    كن بينك وبينه اخوه بالرضاع
    تقرب له ويعرفك عز المعرفة

    واليوم جيت وشكلها منك وداع
    جيت لكيان اسسك, تستهدفه

    مع احترامي للشجاعه يا شجاع
    كنت اتبسم والنهايه مؤسفه

    لا تحسب الي ضيعك بالحب ضاع
    انته غلطت وغلطتك ذي مكلفه

    ترى الهجوم افضل وسيله للدفاع
    تعرف هدوئي , وانفعالي تعرفه

    انا نصبتك مثل ما ينصب شراع
    وانا اردك عند ذيك الارصفه
    ديوان الشاعر نواف الدبل
  5. ღ حلمي وجودك ღ
    28-10-2009, 08:17 PM

    ديوان الشاعر نواف الدبل


    امعصي

    اعرف ان العرق للعرق.. ماوالله يحن
    في خفوقن قال للحدب.. قومي وارقصي

    ماخذ الاشواق لعبه على اقصر لحن
    عاصي كل البشر .. بس هو ما ينعصي

    والله انك مخطي العد.. ياللي تمتحن
    يوم تحصي في علاقات .. ما هي تنحصي

    هو انا طبعي كذا كل يوم لي صحن
    لعبة التغيير هذه .. مثل تخصصي

    انت منهو تسأل لمين اجي ولمين احن
    منهو اللي حط مثلك على مثلي.. وصي

    يوم جيت و تفضح عيونك انك منشحن
    تحسب ان قلبي حلالك .. وانا قلت......... امعصي

    والله ان الراس به حب.. توه مانطحن
    واعرف ان طبول نواف.... تقرع بالعصي
    ديوان الشاعر نواف الدبل

    طايح بكبدي

    ان رحت و لا جيت ما عاد انا ابغاك
    يا سلعتن مامن وراها مكاسب

    كم لي وانا اعطيك مافاد وياك
    ما تدري ان الحب نسبه وتناسب

    طايح بكبدي جعلني ماتحراك
    واثبت لي انك بالحساب راسب

    هذه حياتي معك دوم اتقفاك
    لنك تحسب ان فيه خاسر و كاسب

    الحب ما يبنى على ابراج و افلاك
    واذا فحصته ما يخلف رواسب

    والورد ماوالله تناسبه الاشواك
    وشكلي على شكلك ابد.. ما يناسب

    انته زعول وانطوائي وشكاك
    ونا اذا عصبت ماعرف احاسب

    اسمع كلام يوصلك ويتعداك
    منت المناسب , بالمكان المناسب
    ديوان الشاعر نواف الدبل

    روما

    دبله.. و دبله.. تحسب ان الحب تلبيس الدبل
    شالفايده ايدي بيدك و قلوبنا متباعده

    شالفايده و انت الذي يرجي القبول ومانقبل
    وانا الذي كنت احسبك ضمن الاسامي الواعده

    كنت اذكرك لا قيل.. من ذاك الاسد.. هذا الشبل
    كنت اتوسم فيك مجموعة مواهب صاعده

    كانت بداياتك جميله.. ممتعه.. هذاقبل
    و اليوم هاذيك الاماني .. محبطه..متقاعده

    خطوتك صوبي يا ثقلها كن.. راقي لك جبل
    منت الحبيب اللي يجي الميعاد .. قبل لاواعده

    علمتني ان الكذب ما هوب دوم اقصر حبل
    و ان الجنون يقود قلب المهتوي من ساعده

    و علمتك انه عند روما تنتهي كل السبل
    لن الحقيقه لو يطول الوقت .. ما هي باعده

    يا للاسف اصبحت رجعي و العمر في مقتبل
    يا للاسف صرت الشذوذ اللي يصاحب قاعده

    يا شيخ اذا ماندمك .. ما نيب.. نواف الدبل
    قابلني ان رجعت قلبك .. سالم..لقواعده

    ديوان الشاعر نواف الدبل

    لوتفحط

    راكب الي لو تفحط ما تجيبه
    ولو تجيبه لو تفحط ما تسوقه

    ولو تسوقه مستحيل انك تعيبه
    ولو تعيبه منته بكفو لذوقه

    صحح السوق السعودي قبل جيبه
    نص تجار البلد تبغى تسوقه

    لو تبيع أسهمك في سابك وطيبه
    ماتجيب الا النصيفه من حقوقه

    عاينه في شارعي مدغم بو شيبه
    وجا توالي الليل والنيه يبوقه

    قلت يا مدغم بو شيبه وش تبي به
    تبتلش في سرقته الايد السروقه

    جمعوا كل المواتر في زريبه
    وجاك يمشي كن مابه شي فوقه

    لا اشتغل سلفه تقل يبكي حبيبه
    بحة الجسمي وهو يشكي حروقه

    لا مشى يهدى ولا تسمع نحيبه
    كن ربي وقف النبض بخفوقه

    ولا استوى في شارعه مثل الكتيبه
    ليتك تشوفه وهو يطعن طروقه

    ماتقول الا ان خاله من عتيبه
    يا ثبيتي يا فبرقا يا بروقه

    ماخذ لون السما منها غصيبه
    ويوم حسه ما ركب زاده زروقه

    زيته انظف من صفولا ومن حليبه
    شي وارد لا عطش كنك تذوقه

    كن ليته فيه شمسين لهيبه
    مثل عرس وكل طوق يزف طوقه

    ليته الواطي مثل نور بمغيبه
    وليته العالي مثل نور بشروقه

    ماخذن اسمي دبل كني قريبه
    والله ان كن لي علاقه في عروقه

    من نصيبي سعد من صار بنصيبه
    سقت مجده من ترابه لا بروقه

    كنت اغني كيف اسيبه كيف اسيبه
    ويوم بعته صرت اغني وين شوقه

    لو سمعت العلم يا مدغم بو شيبه
    خلك بسوقك وهو خله بسوقه
    ديوان الشاعر نواف الدبل