ديوان لشاعر لافي الغيداني - ( شاعر الوصف )

ديوان قصائد الشاعر - ديوان قصائد الشاعره ارسال إلى Twitter ارسال إلى facebook
  1. ღ حلمي وجودك ღ
    27-10-2009, 03:09 PM

    ديوان لشاعر لافي الغيداني - ( شاعر الوصف )

    ديوان لشاعر لافي الغيداني - ( شاعر الوصف )


    ديوان لشاعر لافي الغيداني - ( شاعر الوصف )


    يسرني أن أقدم لكل متذوقي الشعر ديوان لشاعر له جماهيرية كبيرة بالساحة الشعبية اثبت نفسه من خلال قصائدة .
    وكانت بدايته كشاعر
    منذ عام 1408ه، فيقول :
    بدأت أشعر بجني ثمرة 18 سنة تقريبا من الكتابة، وقد لمست
    ذلك من خلال الأصداء المشجعة لقصائدي من قبل الجمهور وبعض الشعراء الذين
    أثق وأعتز بارائهم وشهاداتهم.

    ×
    ×

    أوصلته قوة شاعريته وجزالة معانيه إلى الناس قبل وصوله إلى الإعلام..
    تتميز نصوصه الشعرية بجمال التصوير وروعة الفكرة.. وله بصمة في (القوافي) الصعبة
    والقوافي الصعبة هي التي تثبت شاعرية الشاعر ومدى قدرته على سبكها وحبكها
    ديوان لشاعر لافي الغيداني - ( شاعر الوصف )


    تنفعني المره على بيت أهل نوف
    لو كان مالي عند أهل نوف حاجه
    الجادل اللي لافني حبها لوف
    لوف الهشيم اللي تلوفه عجاجه
    مارتاح لين اشوفها بالنظر شوف
    واخذ على بيت الحبيب إدراجه
    اروح قلبي من صخر ماأعرف الخوف
    ويبدي علي الخوف حين إنتواجه
    لا شفتها جاني عن الهرج صادوف
    مغير أهز الراس مثل الخواجه

    ديوان لشاعر لافي الغيداني - ( شاعر الوصف )




    يامكثرين الهرج لاسمع ولاجيب
    تريحوا من فضلكم واسمحوا لي
    تريحوا لاتلحقون المشاهيب
    على الردى ماني شفوق عجولي
    بالعقل والصبر ادب النفس تاديب
    والا لها مده تصول وتجولي
    خلج ترازم في سياج المحاديب
    مافيهن اللي بالعقال معقولي
    اشد وطية زور من شمخ النيب
    اليا ضاع مفعو ل الحيل والحلولي
    انا لاقلت ارتب القول ترتيب
    حتى يجي كي على فك قولي
    اليا ارسلت لافكار القريحه مناديب
    ترايعن من عقب ماهن جفولي
    لكن مالي من وراها مكاسيب
    لو كان عشاق القشر صفقوا لي
    مامستفيد الا العدو والاجانيب
    ولاني مطيع مقرقعين الطبولي
    خليتها تعطي فجوج مجاديب
    جربا تجود في رسنها مهبولي
    والله لاجنب دام لي درب تجنيب
    من شرهة حشام الرفاقه خجولي
    لو انها بين النحر والتلابيب
    من الحيا وجهي مهوب مغسولي
    طبع لنا نشب عليه ونشيب
    وطبيعة لعلها ماتزولي
    على الجماعه للجماعه مواجيب
    الا جهلوا قدر الرفيق الهتولي
    ماني على ربعي قريب محاضيب
    ادناة مايخليني اسرج خيولي
    ان جات من طيب شقاها على الطيب
    لو انها اعوج من رقبة الذلولي
    وان جات من مسكين منطق واساليب
    حطيتها بين الثرى والنعولي
    لاحركت شعره ولاطلعت شيب
    ولاضيقت صدري ولاطق جولي
    وان كان في صبري على ميلهم عيب
    العيب تفتيش الصرر والحثولي
    لاقمت تذكر في رفيقك عذاريب
    وتبين عيوبه لذولي وذولي
    صبرك على ربعك علاج وتطابيب
    يقصر حبال السالفه لاتطولي
    حتى مايلقا في طرفها مقاضيب
    كراه خير وللمشاكل ميولي
    واليا بليت بتايه شره وصعيب
    يقول انا العراف وانت الجهولي
    قل الله الله ياحصان الاطاليب
    يالفاهم العالم عطيب الفعولي
    هذا الكلام اللي مافي صحته ريب
    لانيب لاحولك ولانتاب حولي
    حصان وبن حصان طيب مجاذيب
    وبالمعرفه رجل محلي ودولي
    خله يروح يخطي الدرب ويصيب
    يقول مابالناس عرضي وطولي
    والفرق ماهو باللحى والاشانيب
    الفرق بين الناس فرق العقولي
    كم واحد تحسن به الظن ويخيب
    السن يضحك والفواد معلولي
    واللي غدت به كلمة مالها غيب
    ماهو من اطيب ربعي اللي غود لي
    يالله عساها صيحة في قفا ذيب
    وقلع النيا بيني وبينه يحولي
    الرجل مايغصب على الطيب تغصيب
    اليا صار ماهو دل ضمن الدلولي
    ومن عادة اللي طيبه يحضر ويغيب
    لاطالت الرفقة زهوق ملولي
    واليا بلنك غبر الايام بصحيب
    في مستوى طيبه صعود ونزولي
    اعرف ترى الدنيا دروس وتجاريب
    والكامل الله والنقا للرسولي
    لاتصير مشذاب يقص العراقيب
    خله وراع الاوله وش يقولي
    اخذت حكمه من كلام اللواعيب
    للطيب ناس وللعذارى فحولي





    ديوان لشاعر لافي الغيداني - ( شاعر الوصف )

    لعل السحاب اللي من البعد دوبه واق


    على حد الارض من السما تسبر اعناقه


    على ديرة دونه جنوب عنه ينساق


    تقفاه وتلملم شتاته وتستاقه


    ذعاذيع ريح ماتشيل وتحط رواق


    يصحبها شوية عنف وانسامها رقاقه


    لو تمر بيت البدو مترامي الاشناق


    تهزه شوي شوي ماترمي رواقه


    تسوق السحاب بدبرة المانع .. الرزاق


    إله عبيده تطلب رضاه وعتاقه


    ولامنه تساوى فوق دار غلاها فاق


    حدود الغلا .. تستأذن الريح لفراقه


    يقر ويسر البال .. والعين .. والخفاق


    ويلج رعده .. ويرفرف البرق بأشناقه


    من بعيد برقه يسهر المسني المشتاق


    هكالليل يقضي كل ليله على ساقه


    كانه يقول ليانتفض برقه الشعاق


    على الهون تكفا ماعلى قلبي لحاقه


    وصلها وباشرها على غيبة الاشفاق


    جلال مطره مايعطي الوقت لدقاقه


    تضيق بسخاه الاوديه والفضا ماضاق


    بغيمه .. وهتانه .. ورعده .. وبراقه


    يمد الجذع بالوصل .. والغصن .. والاوراق


    بعد ماشتكى من هجره الغصن لوراقه


    شهر .. ويتجاور فيه راعي غنم .. ونياق


    بربله .. وحوذانه ضحى تشبع الناقه


    تكحل بنبت فياضه العطره الاحداق


    من يشوف نبته يشكر الله على ارزاقه


    شذا نبت ريضانه ماينباع بالاسواق


    مايجمع شذاها مع بعض غير خلاقه


    تجلا بتنويع الزهر قدرة الخلاق


    تلاوين نبته تأسر قلوب عشاقه


    ربيعه .. وغدرانه .. متى مانهمر دفاق


    لدار لها كل الاحاسيس تواقه


    سلامي عليها من اولي لاخر الارماق


    ولها صادق الاشواق باقه ورا باقه


    غلاها وسره دافنه في ثرى الاعماق


    وأكيد الغلا ماجا من الباب للطاقه



    ديوان لشاعر لافي الغيداني - ( شاعر الوصف )



    مايبرد واهج الشوق وشعور الهيام


    غير سردا تطوي البعد بالسرعه طوي


    بديها من خلف ماهوب مثله من امام


    مستوي في حال .. وبحال ماهو مستوي


    خشمها عبرود طلقه .. وموخرها بهام


    رافعه راعيه بأشارة ماتنغوي


    لابدو دعاء السفر .. واعلنو ربط الحزام


    ورشادات الامن لو ترتطم والا تهوي


    واستلمها واحد خبرته عشرين عام


    كبتن بالله وبكتابه إيمانه قوي


    مسلم عنده خبر بالحلال وبالحرام


    جابله ربي على الدين وسلوكه سوي


    وصعدت مثل اشقر فوق جول الصيد حام


    لمراوحها مع الجو لجه وحدوي


    مثل مايدوي صدى صوت رعاد الغمام


    صوتها صداه عبر الفضا يدوي دوي


    صنعة اللي ماعرفوا لاصلاة ولاصيام


    شعب أكثرهم ماهو عارف منهو ذوي


    بالنهار لياتعلت كبر فرخ الحمام


    دونها الاف المسافات تزويها زوي


    وان تغطلس بينك وبين رؤيتها الظلام


    كن في روس اجنحتها مشاهيب بدوي


    دوبهم دكو عن دلاله الربع الحشام


    تحتها من وقدة السمر جمر مجثوي


    دايم وربعه على جلسة عنده حيام


    ابلج لين جنابه لربعه وحموي


    مالي الا هي .. لياجا للاشواق أحتدام


    وقامت الذكرى على القلب تكويني كوي


    لي شهر وشوي عيني محاربها المنام


    ودي احضر جوازي وادورلي خوي


    بيني وبينه مسافات وحدود ونظام


    واحد فرقاه شاويتن فوادي شوي


    بس ابا ازوره مثل مايزارون الكرام


    لين عيني من قباله وشوفه ترتوي


    لو بغيت اصبر .. واكابر .. واقول اني تمام


    ذيب حبه بين جرد المحاديب يعوي


    كان مالي في دروب الهوا شف ومرام


    لين شفته .. واشهد انه هواة المهتوي


    ياسلام الله على السلهمه والابتسام


    وياسلام الله على اللي مابيله مطروي


    كن مالله حط في منطقة خصره عظام


    وكن غيره ماحتوى مثل ماهو محتوي


    لاقعد ماوده يقوم .. ولياقام قام


    تلوي اعناق البشر قومته يمه لوي


    تقل بين اعلا الجسم واسفل الجسم انقسام


    شي من جسمه مرتب وشي فوضوي


    استلمني في جبروته اشر استلام


    لين طيح معنويات راس المعنوي


    الغرام ليابطش فيك ملعون الرسام


    مايعرف هذا قبيلي .. وهذاك خلوي


    يكبر الرجال امام المهمات الجسام


    ويصغر الرجال امام الجمال الانثوي


    مايتحمل نظرة العين .. وارخاي اللثام

    لو باسه باس رحمة حياة بن جلوي


    ديوان لشاعر لافي الغيداني - ( شاعر الوصف )
    يتبع ..
  2. ღ حلمي وجودك ღ
    27-10-2009, 04:18 PM

    ديوان لشاعر لافي الغيداني - ( شاعر الوصف )


    كلمة سلام وصباح الخير كثرها


    ترا لها وقعها في نفس مجنونك


    ودي تروح وتجي حتى تكررها


    مامل منها ولامن مشاهد عيونك


    عيونك اللي قلوب الناس تاسرها


    من شافها تفتنه ويصير مفتونك


    موتي وانا حي يستوطن محاجرها


    مابيني وبينه الا (غمزة) جفونك


    جابتك لي صدفة مدري وش اخرها


    وانا تركت الجميع وقلت ممنونك


    سلمتك الروح تنهاها وتامرها


    ياللي خوانك على زينك يحسدونك


    لك صورة برهنت عظمة مصورها


    عجزت اوصفك واتخيلك وش لونك


    لك هيبة ماتخليني اناظرها


    ارفع لك اشوف مير يطيح من دونك


    ابطيييت وانا المشاعر عنك ساترها


    وانته تبختر وتاخذني على هونك


    واليوم جتك المشاعر هي وشاعرها


    متقاسمين الوجل وش لون يرضونك


    كلي أمل ماتجي مكسور خاطرها


    وانا اوعدك ماتخونك فيه إضنونك


    والا اعتذر ورفض الاشواق وانكرها


    وارتح وخله يزود هبال مجنونك



    ديوان لشاعر لافي الغيداني - ( شاعر الوصف )



    والله اني لاجرح القاف لين يسيل دمه


    واتعبث في معانيه وابيح كنينه


    واجمعه .. وافرقه نرفزه ..وارجع والمه


    لين يهدى من عناده.. ويبدي لي حنينه


    لو زعل مني وضيقت صدر ابوه.. وامه


    والله اني ماتركه دام ماكحلت عينه


    وان زعل مني.. ومن سيرتي.. وانا ابن عمه


    ليه مايزعل من انصافي اللي مبتلينه


    اخر صفوف اهل الشعر.. صارو ا فيه أئمه


    لعن ابو شعر بسط لابسط اصحابه يدينه


    الشعر نزل عباته.. وشلفاه.. ومعمه


    شوف حتى الشعر.. كيف اثرت فيه المدينه


    صار سهل .. وكل من وده يخمه.. يخمه


    بعد كانت هيبته هيبة الليث بعرينه


    ودام كل انسان يارد .. ويشرب من مجمه


    يتحمل موقفي ضده.. الله لايهينه


    لايقول انه بحر صعب.. واني ما أهمه


    البحر ياما هرب ماه عن وجه السفينه


    احترمته.. مير شفت احترامي له مذمه


    يوم مايلقي لي البال وش بيني وبينه


    لامتى استحمل عناده.. وانا بالجوف اضمه


    ولامتى وانا اترجاه.. واقبل جبنه


    لي عليه انه يجيني لامني جيت يمه


    كل ماطلب منه فزعه يناولني يمينه


    وله علي اني لاعانق بحرفه كل قمه


    ماذبح من افكاري لخاطره غير السمينه



    ديوان لشاعر لافي الغيداني - ( شاعر الوصف )


    ماتهون الدمعه اللي على خدك جرت


    علمتني كيف الاحساس بالغيره يكون


    كنها يوم استهلت على الخد وسرت


    خنجر مرت على القلب واشبعته طعون


    لاذكرها الله بالخير مني لاذكرت


    ليلة صارت مشاريه .. وعتاب .. وشجون


    بنت .. انا اكبر من ظنون على بالك طرت


    مثل مانتي عندي أكبر كثير من الظنون


    كذبت عليه أصدق ظنونك وافترت


    الظنون احيان نوع من انواع الجنون


    فكري .. ليه القضيه لهالحد اكبرت


    دامت انا كل واحد على الثاني يمون


    ياهلا والله وسهلا استهلت وامطرت


    في دموع الغيره اللي عليه ماتهون



    ديوان لشاعر لافي الغيداني - ( شاعر الوصف )

    متى يصير المكان بجيتك فرح


    وأفرح معه فيك ياغلا من يجيني


    اللي لك بوسط قلبي مايبي شرح


    الظاهر انك تشوفينه بعيني


    بنيت لك بالمحبه داخلي صرح


    وطول غيابك وانا طول حنيني


    خلا ني اصبر عليك اسلوبك المرح


    بكره..وبعده .. وانا راحت اسنيني


    اما تعالي غلا .. والا ابعدي جرح


    اختاري اللي تبين وعلميني



    ديوان لشاعر لافي الغيداني - ( شاعر الوصف )
  3. ღ حلمي وجودك ღ
    27-10-2009, 04:29 PM

    ديوان لشاعر لافي الغيداني - ( شاعر الوصف )


    أقبل يحرك خطوة الرجل برفوق


    والقاع لمصافح اخطاه يتشوق


    مخلوق لكنه مهو ب أي مخلوق


    على بنات ادم وحوى تفوق


    عليه لبس يجمع الوسع والضوق


    اموسع بعضه وبعضه مضوق


    مر وتعدا ما بدا منه منطوق


    ألا بجيش من المفاتن مطوق


    خلاني امشي واقضب الدرب واتوق


    ماني بتايق عقل لكن متوق


    تقول مرمي على الأرض من فوق


    وألا من السم السقطري مذوق


    يغشى علي شوي وشوي افوق


    وقول لستيقضة والبال روق


    مادام لا معوق ولا صايبه عوق


    وراه يمشي مثل مشي المعوق


    اللي على حاله خطر من هل السوق


    مفروض يمنع مايروح يتسوق




    ديوان لشاعر لافي الغيداني - ( شاعر الوصف )

    العين عن حلو الكرى موقها تاب

    ماتذوق حلو النوم مع ذايقينه


    اسباب لانه ماش شي بلا أسباب


    هكا الغزال اللي ذبحني بزينه


    مر يتخطا .. ويتلفلف بالاسلاب


    وطير عن القلب المشقا يقينه


    من نظرته وقع على القلب مضراب


    اشد وقع من الرماح السنينه


    يسرق نظر عينه حذر .. مدري عجاب


    وانا منه قلبي تقطع وتينه


    عرض ومن تعريضته خافقي ذاب


    وقمت اتبعه مغير عيني بعينه


    واقفى عجل من نظرتي فيه مرتاب


    ويحط ضول الناس بيني وبينه


    وصديت عنه وخاطري منه ماطاب


    كني ماني يمه .. وانا اقول وينه


    اخاف يفطن لي .. وننشب بالانشاب


    السوق زحمه .. ولاوادم ذهينه


    واخذت عنه شوي مقفي .. والاعصاب


    متوتره .. مافكرت بتهوينه


    ولديت .. ولينه يسعر يالاطياب


    عند الهنود اللي لغتهم رطينه


    وارسلت يمه نظرة احباب iلحباب


    النظره اللي ماتركت لي غبينه


    وأقبل يبا يحطني عنه مجناب


    وشكيت في ممشاه .. على هوينه


    ناظرت فيه .. وضحك الناب للناب


    ومن ضحكته حلت علي السكينه


    وموه على اهل السوق .. واشر بالاهداب


    اشارة تبغى قلوب فطينه


    منها عرفت انه يبا يعود لو غاب


    وان الامر ماعاد هو في يدينه


    وعقب غلاق اسبوع .. مر ومعه جاب


    صغير متجود في يمينه


    صغير بالزين للعقل نهاب


    يقول اخوي .. ومقصده فاهمينه


    قصده .. يقول انكان عندك أستيعاب


    على من هذا ؟ ملامح وعينه


    واخذت انا وياه .. مزح وتعجاب


    عقله رزين .. وكل كلمه رزينه


    في موقع عنه المخاليق غياب


    الا ملائكة العمل حاضرينه


    بيني وبينه ماوقف غير الاداب


    اداب سلم كلنا وارثينه


    منه حترام شعور عربين الانساب


    ومنه حترام الرجل نفسه .. ودينه


    وبغى الوكاد .. وقلت هايم ومنصاب


    حبك .. ذبحني لعنبو والدينه


    قال استميحك عذر .. واقول لعاب


    وش هالغرام اللي غدابك بحينه


    وحلفت له .. واقسمت في رب الارباب


    منقذ من الطوفان راع السفينه


    اني معك صادق ولاني بكذاب


    والكاذب الله لايطول سنينه


    قال انت صادق .. مير سابقك خطاب


    واهلي في تال الشهر موعدينه


    كم له وهو مغير ذهاب إياب


    لاهم براضينه .. ولا رافضينه


    وان كانها تمت على يدين كتاب


    وتم القران .. وروحو كاتبينه


    انا تراي ابي اعتبرك من ا لاقراب


    وعلى النقا .. تبقا صلتنا متينه


    ودع وصارت كلمته تقل مشهاب


    اركت على كبدي عراقي مزينه


    وبقيت في وضع تحير ابه الاطباب


    ايست منه وحالة الياس شينه


    واخذت وقت احسب ايامه حساب


    وقلبي على شوفه تزايد حنينه


    احيان .. اقول انشد عنه بعض الاصحاب


    ويجيك بالعلم الموكد جهينه


    واحيان اقول اصبر على جور الاتعاب


    ورزق الفتى وأجله كتب في جبينه


    وسكت .. ماودي عليه افتح ابواب


    للهرج من ناس ماهم راحمينه


    وصبرت .. مير الصبر طول ولاثاب


    ومن طال صبره يالله انك تعينه


    ويوم ان راسي من طويل الصبر شاب


    قررت عنه انشد حدا مجاورينه


    ونشدت عنه وقال راحوبه أجناب


    ومن قريته شد .. وسكن بالمدينه


    قلت ايه .. مادام اهله عندنا يجاب


    اما بعيد الفطر .. والا حتينه


    قال اهله معه رحلو .. قلت ياشاب


    يعني لازايركم .. ولازايرينه


    قال ايه .. مير انسه والايام هراب


    تطول .. وتنسي ضنين ضنينه


    قبلي .. وقبلك خلت اصحابنا حزاب


    وكم فرقت بين الخدين .. وخدينه


    ماعاد في شوفه طلايب وطلاب


    ترى ماعاد الا يدرج جنينه


    وش تطلبه .. وحباله بكف قضاب


    احذر .. لاينصب لك زمانك كمينه


    قلت الرجال مفتلة روس الاشناب


    لقسى الظروف حسابهم حاسبينه


    وقفيت من عنده على الغلب .. غلاب


    اكن غيض القلب .. واجحد ونينه


    واعلنت ياسي .. وانطوت صفحة كتاب


    من البدايه للنهايه حزينه


    واقول يالله لاتبارك بالاسباب


    اللي رمتني بين حبه .. وبينه




    ديوان لشاعر لافي الغيداني - ( شاعر الوصف )




    طرقني غرامك ياجميل الحلايا طرق


    كما يطرق الحداد صيخن غدا جمره


    ولاعاد أعرف لاشفت زولك جنوب وشرق


    أضيع دليلي مثل شرابة الخمره


    ترى الحب يسرق حال راع المحبه سرق


    شويه شويه لين يقضي على عمره


    ترفق على قلب بوسطه ندايا زرق


    تعاقبته سهوم الغرام وبلش بأمره


    وأنا مابغيت ألا شويه بلمحت برق


    كثر ما فم العصفور يأخذ من التمره


    جمالك طبيعي بينك وبين غيرك فرق


    عليه أحسدوك أهل المساحيق والحمره






    ديوان لشاعر لافي الغيداني - ( شاعر الوصف )