قصيدة المستحيله - عبير بنت أحمد

عبير بنت احمد, ديوان الشاعرة عبير بنت احمد ارسال إلى Twitter ارسال إلى facebook
  1. الحلم المفقود
    17-08-2006, 11:19 PM

    قصيدة المستحيله - عبير بنت أحمد

    قصيدة المستحيله - عبير بنت أحمد


    عبير بنت أحمد


    جميلة هي عبير بنت أحمد .
    عبير شعرها ينتثر في كل مكان
    .... عبير بنت أحمد ....
    روعة ... وهج .. لا ينطفئ
    عذبه متألقه بكل بوح تنثره
    قلبي لشعرها يعشق ويميل
    تعجبني بعذوبة قافها
    اترككم مع هذه العذبة
    .... المستحيلة ....




    لا تمادى ف الأماني ..... والأماني مستحيله
    لا توقف فالمسافه بين (إحساسي) و (ظله)

    ايه ياللي تحسب اني رايقه.. شفني عليله
    لا تصدق بإنني لا صرت اغني مسفهله

    لي حبيب من فقدته .. صارت البسمة دخيله
    ماخذ قلبي و خلا الجرح يدمي في محله

    كان لا جاني عبوس ..راق لا فك الجديله
    كيف لو جاني مروق .. يوم كلي رايق له؟

    شامخه .. لكن مثله يستحق اني أجيله
    ولو بغى راسي بكل العز ... خليته يتله

    بس مدري وش بلا المحبوب شوفاته قليله
    وفجأة ماعاد له شوفة ومدري وش حصل له؟

    عادة الدنيا على العشاق فاللقيا بخيله
    وإن بغت تجزل عطاها جابت هجوس ممله :-

    (هو على عهده .. أو انه لاقي عني بديله؟؟
    أو تناساني وانا اللي ذابحه نفسي وفا له ؟؟)

    منبري عودي من الفرقا..وانا أصلا نحيله
    ما درى بإن العطر مرهون به.. يومه يعله؟؟

    بس اقلب ذكرياته .. ليلة من بعد ليله
    والألم بعضه ترى يذبح .. أجل وشلون كله

    يا ترى وش اخرة صبري على حمول ثقيله
    هو بقى فالعين دمع ما نشف .. حتى أهله ؟

    ورغم كل اللي حصل باقولها .. (ياحبنيله)
    ورغم كل اللي يبوني .. عفتهم بس فدوة له

    اه ياليت الشعر يجمع خليل مع خليله
    كان ما خليت خل في الملا من دون خله

    وانت ياللي لي تحجج بالهوى ..عطني دليله
    مير يا كثر الهواويه و يا قل الأدله

    أنت .. قد الحب.. يوم انك تجاهد في سبيله؟
    والا ظنك..كل من جاهد يبي قلبي..وصل له؟!!!

    جايز اني شاعرة واكتب احاسيس جميله
    بس انا ماني مجرد شاعرة ..ياللي .. موله

    مير دامك عاشق (شعري)..وأنا بنت أصيله؟
    دوك شعري..واترك الخافق ترى منتب هل له

    خلني عنك .. تراني واثقه ما لك وسيله
    شف لك أية شاعره تنشر صورها في مجلة

    إعرف انك يوم تحلم في غرام المستحيلة
    لا تحرك لك من احساسي .. ولاحركت ظله

    اعذب وارق تحية من قلب دلع
  2. رماد القناع
    18-08-2006, 02:22 AM

    قصيدة المستحيله - عبير بنت أحمد


    كلمات عذبه وجميله تستحق الاشاده بها


    تحياتي واشواقي
  3. الحلم المفقود
    20-08-2006, 02:57 AM

    قصيدة المستحيله - عبير بنت أحمد


    قصيدة المستحيله - عبير بنت أحمد

    الاسووود


    ثمّة بعثرة حاولت أن أدوّنها هنا

    فكان الحرف في حضورك يمحي سطوراً من حروفي

    فاعذرني انسحابي

    فالصمت في حضرة الجمال جمال ..

    مرورك داعب صفحاتي

    وجعلها ترقص طرباً بزهو مرورك

    كلماتك هنا كانت وسام اعتز به كثيراً

    فلا امتلك لك الا كل عبارات الثناء والشكر

    تقبل تحيتي
  4. دلوعة الرياض
    20-08-2006, 05:06 PM

    قصيدة المستحيله - عبير بنت أحمد


    جميل ماسطرتي ياشوق 2006

    لكي خالص الود والتقدير

    تحياتي
    دلوعة الرياض
  5. الحلم المفقود
    21-08-2006, 01:58 AM

    قصيدة المستحيله - عبير بنت أحمد


    دلوعه الرياض



    ماذا تريدني أن أقول
    وقفت حائرة أمام كلماتك
    لا أستطيع وصف ما انتابني من شعور
    اختي لاهنتي على الطله