مزون القاف

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. إحساس خالد
      26-10-2009, 07:52 AM

      مزون القاف

      مزون القاف


      ((م القاف زون))

      لاحت مزون القاف في أرض يغليك
      تسكب حروف الشعر وتروي ثمرها

      وتبعد هموم البعد عن أرض شاريك
      وتجلب عبير الكون بروعه سحرها

      لشوقكم فيني حروف(ن) تغنيك
      وأخشى حروف الشعر تعلن عذرها

      يا خوي لولى الشوق مقدر أجاريك
      وحروفكم فيني تندي بعطرها

      خط القلم فيكم حروف(ن) تناديك
      كنتم لها إلهام(ن) وكنتم حبرها

      كتبت هذا الشعر حتى يسليك
      كتبت فيك المدح بأجمل صورها

      لك صاحب(ن) يرسل سلامه ويحييك
      في ليلة(ن) تصعب على الي سهرها

      بسوق قافي لك بليل(ن) تناجيك
      تشكي كسور الوقت ومنهو جبرها

      ورثت درب اليوم عسر المساليك
      من والدي بفرقاه يكبر عسرها

      مير إنت يا وحيدي غيث(ن) لصافيك
      من دون هذا الكون والي عبرها

      يا صاحبي والله محد(ن) يساويك
      بدروبكم تبعد همومي وكدرها

      بعدت عنكم لكن القلب يطريك
      حنت حروف الشعر والي ذكرها

      لولى صعيب الوقت لقصرها وأجيك
      وطفي حريق البعد نار وجمرها

      ويغتال فيني الصمت هموم(ن)تباريك
      من قلب من يعشق دموع(ن) هدرها

      لك صاحب(ن) يعلم سر(ن) صفا فيك
      يعلم هموم العشق سر وجهرها

      في إسمها هجر(ن) تباعد خطاويك
      أربع حروف(ن) هي وحبك غمرها

      نظرات عينه بالمحبه تغطيك
      وتفرش دروبك بالمحبه وزهرها

      لكن أقدار(ن) تهدد مماشيك
      لدروب من حبك وتخفي قدرها

      يالله يالمعبود كل الرجا فيك
      تقرب الغايب وترسل خبرها

      الله يجمعكم يوم القا بيك
      ويجلي هموم البعد ويمحي اثرها


      إحساس خالد

      شعر :الرحال الترباني
      250*300 Second
    2. وزير السلطان
      26-10-2009, 08:00 AM

      مزون القاف


      بالبدايه أرحب فيك بين إخوانك وأخواتك بمنتديات عبير
      صح لسانك أخوي
      بس ولاعليك أمر هل القصيده
      لك أم منقوله..!!
      يسعدك ربي
    3. والاس
      26-10-2009, 08:41 AM

      مزون القاف


      ما يحتاج

      اشكرك

      واتوقع ان القصيده لك
      صح

      ما اقصرت
      وصح لسانك

      تحياتي لك
    4. *مزون شمر*
      26-10-2009, 11:43 AM

      مزون القاف


      حياك الله اخوي معنا
      يسعدنا تشاركنا
      قصيدة رائعه
      صح السانك ولاهنت
      وربي يعطيك العافيه
      بس ياليت توضح اكثر لنا اذا لك ولا
      ولك كل الشكر
      تحياتي
    5. فديت اهلي
      26-10-2009, 02:07 PM

      مزون القاف


      مشكور عل ىالقصيده الروعه
      وماقصرت
    6. طير القوافي
      26-10-2009, 10:47 PM

      مزون القاف


      نظرات عينه بالمحبه تغطيك
      وتفرش دروبك بالمحبه وزهرها


      صح لسانك ولسان الشاعر

      يعطيك الف عافيه

      مودتي
      طير القوافي
    7. إحساس خالد
      09-11-2009, 05:16 PM

      مزون القاف


      شكرا لكل من مر من هنا

      هذي القصيده هي لي وهي رد على الشاعر محمد الوحيدي في قصيده التي وجهها لي

      بإسم يا صاح