ملجم الخصوم الشاعر سلطان الجلاوي

ديوان قصائد الشاعر - ديوان قصائد الشاعره ارسال إلى Twitter ارسال إلى facebook
  1. عتيبي مطنوخ
    25-10-2009, 10:45 PM

    ملجم الخصوم الشاعر سلطان الجلاوي

    ملجم الخصوم الشاعر سلطان الجلاوي


    ملجم الخصوم الشاعر سلطان الجلاوي

    ملجم الخصوم الشاعر سلطان الجلاوي

    شاب واسم برز على مستوى الساحه الشعريه مؤخرا في ايام وفترة قليلة

    اثبت تواجده بأبداعه وحضوره المميز كحضور المميزين عادة

    هذا الأنسان الذي اتخذ ميادين المحاورة او القلطات حسب تسمية بعض الناس ،

    إلى منبرا يدافع فيه دون قبيلته ويهاجم من يحاول النيل من هذي القبيلة العظيمة والكبيرة

    الذي لها امتداد في دول الخليج ، بل ودول العرب جميعا

    هذا الشاعر الفذ صاحب القوة البارعة في نظم القوافي وتكوينها

    والذي لايستغرق بضع دقايق للرد على الشعراء الاخرين ،

    والذي اثبت نفسه في فترة وجيزة
    لا تتجاوز السنتين
    ..
    ملجم الخصوم الشاعر سلطان الجلاوي
    ..
    إذن شاعرنا هو ../ سلطان ابن صاهد ابن فدغوش الجلاوي من ذوي فهيد من الشيابين
    ( سهم عتيبة )

    نشأته : ترعرع ونشأ في هجرة الفريدة غرب من حلبان وشرق من الخاصرة

    عمره : 28سنة

    من مواليد : 1400ه

    بداية دخولة إلى ساحة المحاورة : أواخر الخمس وعشرين
    بدايته بالشعر : بدأ بالنظم عام 1416 ه

    ملجم الخصوم الشاعر سلطان الجلاوي

    قصيدة من بداية سلطان في النظم
    قالها وهو مسافر :


    راكب اللي كل مامني عطيته
    قام يسبح مثل من في البحر عايم

    وارد النيسان لامني نويته
    يسبق اللي في علو الجو حايم

    مجلسن تحت المكيف ما اهتنيته
    ضارين راسي على لفح السمايم

    كم غبشت وكم ليلن سريته
    عن دورة المرجلة ماني بنايم

    يوم ولد اللاش دايم حدر بيته
    مجلسه معروف مع غبر اللثايم

    مير يا فيحان علم ان لقيته
    والله اني ما ارتجي فزعة هلايم

    والصلاة ختام والمصحف قريته
    والسعد قدامنا والحظ قايم

    كان يا منصور ابوك الصبح هاوي
    للمراح ولا يردنه ظروفه

    قله اني مع صلاة الصبح ناوي
    اعطي الفكسار لين اكتم بلوفه

    وانا غدا للسير والمكره تعاوي
    ما على المشوار والطرقه حسوفه

    ما نقيل غير في بيت الجلاوي
    بيت عود ما تريح لين اشوفه

    شوف ابويه مايجيلي بالمناوي
    شوف من يفرح لياكثروا ضيوفه

    ودي اسلم على الحر النداوي
    واتعذر منه واقبل كفوفه

    لي شهر وانا على شوفه شفاوي
    بس وقتي ويش اسوي في صدوفه

    كل ما ينحيبي الوقت النحاوي
    اتحرى ساعتن فيها نكوفه

    يم ابوي ويم مخلفة الهقاوي
    البكار اللي لهن نفسي شغوفه

    ما حلى قدامهن جر الغناوي
    لا اتزح برق الحيا والزم قدوفه

    ما قهرناها على الوادي السناوي
    في اول الوسمي وفي مقدم صيوفه

    الربيع ادنى المرابيع الصداوي
    والعقوم اللي على الحد معروفه

    ملجم الخصوم الشاعر سلطان الجلاوي


    قصيدته الغزلية ( نجل العيون ) الشهيره..




    هيه يا نجل العيون اللي على طاريها
    تستريح هجوس قلبي ويتريح بالي

    هيه يا اللي ما اهتني وارتاح لين اطريها
    هيه يا الي كثر ما احبه معذب حالي

    لاتحسبني على حبك مسوين فيها
    والله انك عندي اغلةى من جميع امالي

    انتي شمعة حبي اللي مستحيل اطفيه
    اكيف ابطفيها وانا محتاج لنور اقبالي

    انتي عندي نور هالدنيا وبعد ما فيها
    والله لتبطي يا غالي وانت عندي غالي

    صوتك ونظرات صوتك مسمعي يوحيها
    ما تقول الا مكلمني على جوالي

    وان رقدت الليل جيت وجيتك نشريها
    حتى لو هي حلم ابشريها وبرخص مالي

    يعني افهم راح سلطان الجلاوي فيها
    لكن ألحق قبل ارمي غترتي وعقالي

    وقبل اقول السبة اللي لا صدف طاريها
    تستريح هجوس قلبي ويتريح بالي

    ملجم الخصوم الشاعر سلطان الجلاوي


    قصيدته في الجيب :



    انا ما شريت الجيب يابو فهد مجان
    انا شريتيله كان تجهل سبايبها

    ابي الصبح لا قالو على الحد يا فيحان
    بروق تشادح في مقادم سحايبها

    نباري الملحا لامشت تعبث الذرعان
    وخطرن من الملزم تمزه جنايبها

    شهاب الخدود اللي تطاولبها اللحيان
    قصار الفقار اللي طوالن غواربها

    شهاف البكار اللي ليا طول الميدان
    ليا طول الميدان والليل حاظبها

    علي الحرام اني لطوعبها الفدقان
    عشان غالي ينتبه من عواقبها

    بعد ثالث الأعياد في راي ابو سلطان
    نباها تحدر بعد كفت مزاهبها

    وعقب عاشر الأعياد بسم الله الرحمان
    تهارفو للصمان والصلب عاقبها

    وجو ثلاث ايام وتعقل الحيران
    على الحد لابو ديرتن ما تليق ابها

    وهذا هو بالي وشفي مع الجذعان
    ولبو لحيتن ما تحتميها شواربها


    ملجم الخصوم الشاعر سلطان الجلاوي


    ومن ابداعاته في الحفلات ادخل على الرابط التالي
    https://v.3bir.net/200748/

    منقول لتعريف بهذا الجبل الشامخ
  2. طير القوافي
    25-10-2009, 11:13 PM

    ملجم الخصوم الشاعر سلطان الجلاوي


    يعطيك الف عافيه على التعريف بشاعر المحاورة سلطان الجلاوي
    وشاعر مو غريب عن الساحه الشعريه وله محاورات كثيرة تبين مدى تالقه بالمحاورة


    طرح قمة الابداع والجمال يعطيك الف الف عافيه

    مودتي
    طير القوافي
  3. عتيبي مطنوخ
    25-10-2009, 11:23 PM

    ملجم الخصوم الشاعر سلطان الجلاوي


    المشاركة الأصلية كتبت بواسطة طير القوافي
    يعطيك الف عافيه على التعريف بشاعر المحاورة سلطان الجلاوي
    وشاعر مو غريب عن الساحه الشعريه وله محاورات كثيرة تبين مدى تالقه بالمحاورة


    طرح قمة الابداع والجمال يعطيك الف الف عافيه

    مودتي
    طير القوافي
    نورت صفحتي يالغالي واشكرك على مرورك وهذا اقل مانقدمه لشاعر يحسب له الخصوم الف حساب مثل الاستاذ الكبير سلطان الجلاوي ملجم الخصوووم
  4. والاس
    26-10-2009, 08:45 AM

    ملجم الخصوم الشاعر سلطان الجلاوي


    ما قصرت على النقل

    سطان شاعر كبير

    ما عليه غبار

    متمكن في شعره

    حيث تابعت له خفلات كثيره وكان في قمة الابداع

    اشكر اخوووي عتيبي على النقل

    تحياتي
  5. عتيبي مطنوخ
    26-10-2009, 10:53 AM

    ملجم الخصوم الشاعر سلطان الجلاوي


    المشاركة الأصلية كتبت بواسطة والاس
    ما قصرت على النقل

    سطان شاعر كبير

    ما عليه غبار

    متمكن في شعره

    حيث تابعت له خفلات كثيره وكان في قمة الابداع

    اشكر اخوي عتيبي على النقل

    تحياتي
    مشكور اخوي على مرورك الذي اسعدني كثيرا واتمنى لك التوفيق
  6. نوران العلي
    27-10-2009, 03:43 AM

    ملجم الخصوم الشاعر سلطان الجلاوي


    يعطيك العافيه
    عتيبي مطنوخ
    نبذه وسيره ..وابيات رائعه
    لشاعر كبير .. مجهود رائع تشكرعليه
    تحيات
    نوران فلسطين
    تم نقله للديوان انسب
  7. عتيبي مطنوخ
    27-10-2009, 09:55 AM

    ملجم الخصوم الشاعر سلطان الجلاوي


    المشاركة الأصلية كتبت بواسطة نوران فلسطين
    يعطيك العافيه
    عتيبي مطنوخ
    نبذه وسيره ..وابيات رائعه
    لشاعر كبير .. مجهود رائع تشكرعليه
    تحيات
    نوران فلسطين
    تم نقله للديوان انسب
    مشكورة اختي نوران فلسطين على المرور الذي اسعدني كثيرا ومشكوره على الإطراء لا امير الشعراء سلطان الجلاوي
  8. ((حلم سيكون))
    28-10-2009, 02:18 PM

    ملجم الخصوم الشاعر سلطان الجلاوي


    ربي يعطيك العافيه
  9. عتيبي مطنوخ
    01-11-2009, 08:40 PM

    ملجم الخصوم الشاعر سلطان الجلاوي


    مشكورين جميعا على المرور وهذا الشاعر فيه قبايل كثيره تخاف منه بس فيه قبيله تنتفض اذا شافته ويجيهم رعشه خخخخخخخ