رواية والله لاجيب راسك - رومنسية جرئية / كامله

((الجزء الثاني والعشرون .........))


على الساعه عشر وصل حمد عشان ياخذني ركبت السيارة معه ولا نطقت بكلمه وصلنا للفيلا وانقبض

قلبي تذكرت الجحيم الي عشت فيه بس لازم انسى الي صار لازم

حمد :يلا نزلي

دانه :ها

حمد :الي مخذ عقلك اكيد انا

دانه :واثق لا تحلم اني ممكن اشغل تفكيري فيك انت

حمد يمسك نفسه ويش على قبضة يده :نزلي

نزلت ودخلنا كان الكل موجود وفرحانين بوجودي ماعدا اسماء واضح انها حاقده على بس انا مالي ذنب

بالي صار جلسنا نسولف وتعشينا وبعدها صعدنا لجناحنا اول مادخلت فصخت عبايتي ولفيت على حمد

الي بلم علي كنت مسويه نيو لوك سويت هاي لايت لشعري وعشان غذلتي طويله توصل لكتفي قصيتها

طبقات فصار شكل شعري جنان بسبب طوله وكثافته اما الميك اب سويته سموكي ولابسه فستان اسود

حرير طويل ضيق عند الصدر ويوسع عند الخصر كنت متعمده اسوي هالحركه

دانه ببرود:في شئ غلط في شكلي عشان تطالعني كذا

حمد يبلع ريقه :ها لا لا مافيك شئ

دانه لفيت على المرايه اظبط شكلي لاني بنزل تحت وبخبث لفيت عليه :مم شرايك بالنيو لوك

حمد بنظرات تفحص :خطيييير

دانه بدلع :يعني عجبك

حمد معلامات الاستغراب بوجهه ويتلافت بالغرفه :تكلميني انا

دانه وانا اخفي ضحكتي :في حد غيرك بالغرفه

حمد يقرب مني :اكيد عاجبني

دانه مابعدت عنه ولا بينت له خوفي وكملت بدلع :تصدق كنت متخوفه من الهاي لايت انه مايناسبني

حمد يلمس شعري وبصوت يذوبني دايما:انتي كل شئ يناسبك وانتي الي تحلينه

دانه احاول اتماسك اني ماستسلم واضعف :مرسي على المجامله

حمد يحاوط خصري :انتي عارفه اني ماجامل

دانه رتجف جسمس من لمسته لي :حمد بعد

حمد يقرب اكثر ويهمس :ماراح ابعد انا ماصدقت ترجعين

دانه وانا اتصنع القوة :انت وافقت على شروطي وعدت

حمد :انا ماوعدتك

دانه :بس وافقت

حمد:ومن الي بيجبرني اني انفذ

دانه ناظرت عيونه زبكل ثقه :انا

حمد يشد على خصري :ماتقدرين وانتي عارفه ان الي ببالي اسويه

دانه :عارفه بس لازم تعرف انك بتزيد كرهي لك اذا اجبرتني على شئ

حمد شاف القوة بعيوني وحسيته مندهش وتركني :يعني عارفه اني اقدر اجبرك

دانه :عارفه "وكملت بدلع "وصدقني الشئ اذا جاى بالرضا له طعم ثاني غير لو كان بالغصب

حمد بلع ريقه :ابيك تعرفين اني ماتركتك لاني خايف ولا مهتم من مشاعرك بس لاني انا عايفك

دانه "والله ونجحت خطتك يادانه "وببرود :وانا اكون اسعد انسانه كل ماعفتني وبعدت عني

اخذت جلالي وطلعت من الغرفه وهو مالحقني

حمد "مستحيل هاذي دانه يعني صدق كلامها ماعادت تحبني لا لا هي تحبني بس ياحمد صدها لك يثبت

هالشئ دانه تذوب بين يديني لو حضنتها وماتقدر تبعد عني مهما كنت مزعلها بس الحين صايره جافه

وقويه لا مو على كيفها غصب عنها تحبني تحبني انا وبس "

انتبهت له يدخل الصاله ويجلس جنبي يعني قلت الاماكن "ياربي ابي ابعد عنه مابي اضعف الحين مو وقته "

حط ايده على كتفي حسيت ان جسمي صار حار من لمست ايده لكتفي :حمد لو سمحت بعد

حمد بهمس :ليه خلينا على الاقل نبين لهم انا مابينا شئ
دانه وانا بنفس الهمس :اوكي بس بعد ايدك عني

حمد بعناد يجرني اكثر له :هنا ماتقدرين تقولين لي حاجه ولا تمنعيني

اسماء :مو قلتي انك تبين الطلاق وانك ماتبين ترجعين له ايش غير رايك

دانه "والله وجاتك الفرصه يادانه استغليها "وبكل دلع حطيت ايدي على صدره :كنت مصره بس ماقدرت

ابعد اكثر عن "وسبلت بعيوني له "حبيبي اشتقت له

حمد وعلامات الاستغراب الي بالدنيا كلها على وجهه وبهمس :انت ايش تسوين

دانه وبهمس :مو تقول نمثل خلاص

اسماء :يعني انتي تحبينه
 
انه حطيت راسي على صدره وحضنته :واموت فيه "حمدت ربي انه مافي حد غير اسماء موجود ولا كان

ماقدرت اسوي كذا "

حمد ولاول مرة احس بقلبه ينبض بسرعه كذا وبعدني عنه :حبيبتي خلي هالحركات لما نكون لحالنا

"وبغمزه "اخاف اتهور الحين

دانه حمر وجهي من تعليقه :حمممد

حمد "ياقلبي من حياك يابنت هاذي الي بطير عقلي ":عيونه

اسماء بقهر :عن اذنكم

دانه اول ماطلعت اسماء بعدت عنه بسرعه وجلست بكنبه فرديه عشان ماعطيه مجال يجلس جنبي

حمد :ليه قمتي

دانه :الصراحه حسيت بقرف من قربك لي

حمد وعيونه بتطلع من مكانها :ايش

دانه "يارب استر ":الي سمعته

حمد توه بيقوم الا بدخله عمي :السلام

انا وحمد :وعليكم السلام

ابو عبدالرحمن :هلا فيك تو مانور البيت

دانه :منور بوجودك

ابو عبدالرحمن :وشلونك الحين

دانه :الحمدالله بخير



على الساعه واحده صعدنا للجناح مع انه ماودي اصعد معه بس ماقدرت ارفض قدام اهله اول مادخلنا دخلت

للحمام بسرعه تروشت ولبست بيجامتي وجلست قرابة الساعة ونص بعدها طلعت بشويش وكنت اتمنى انه

يكون نايم بس حظي المنحوس شفته جالس ينتظر "يارب تعطيني القوة "

دانه توجهت للمرايه امشط شعري :ممكن تطلع ابي انام

حمد :.............................

دانه استغربت منه ولفيت له :حمد ممكن تطلع

حمد ينسدح على السرير :نو

دانه تخصرت :حمد انت عارف اتفقنا

حمد :والله البيت بيتي والغرفه غرفتي وانام بالمكان الي ابيه

دانه "كنت عارفه انك ماراح تعدي الموضوع على خير ":ايه بس انت قلت بتنام بالغرفه الثانيه

حمد :قلت بس الحين غيرت رايي

دانه قهرني "طيب ياحمد ":يعني منت رجال اذا صرت تتراجع بكلامك

حمد وقف ومسكني من ذراعي بشدة :ايش قلتي

دانه "مت خوف لما شفته مقابلني بس مابينت له ":الي سمعته يعني الي اعرفه الرجال يكون قد كلمته و

ومايتراجع عنها

حمد رفع ايده بيضربني بس مسكتها :...................

دانه حاولت اركز نظري بعيونه وبحده :لا تظن بسكت لك مثل كل مرة والله ياحمد لاصرخ والم البيت كله

واخليهم يشوفونك على حقيقتك سامع

حمد عقد حواجبه وتركني وراح انسدح بالسرير وتغطى باللحاف :لاتظنين تركتك لاني خايف من تهديدك بس

لاني مابي فضايح

دانه "قلبي يدق بسرعه وبديت ارجف لما بعد خفت ينتبه لي او انه يسمع دقات قلبي وانفضح ":من الحين

اقولك اذا كنت مو ملتزم بشروطي من بكرة برجع لاهلي سامع

واخذت لي مخده وبطانيه ورحت للغرفه الثانيه وقفلت على نفسي لاني ماضمنه وبعد مشقه قدرت انام

الصباح انتبهت للباب يندق :مين

حمد بحده :مين يعني يلا اصحي جهزي لي الفطور

دانه "ياسلام خدامة ابوك الي جابها ":والله ماني مسؤله عنك عندك الخدمات بالبيت خلهم يجهزون لك

ولا اقول روح لواحده من حريمك ماراح يرفضون لك طلب

حمد يضرب الباب بقوة :دانه افتحي لاكسر الباب

دانه "خفت انه يسويها بس قويت قلبي ":سو الي تبيه بس ماراح افتح واسمع من اليوم ورايح لاتظن

اني بخدمك والا اسوي حاجة متعلقه فيك سامع افهم اعتبرني ماني موجوده مو تقول بتخليني معلقه

اعتبرني ببيت اهلي معلقه مالك علاقه فيني ولا لي علاقه فيك

حمد:...................

دانه ماسمعت له صوت مشيت بشويش للباب ابي اسمع اذا كان موجود وسمعت صوت الغرفه يتسكر بقوة

"هههههههههه والله لارفع ظغطك ياحمد وهذي البدايه بس " ورجعت كملت نومي



ريهام بزعل :احمد انت قلت ماراح تسكنا مع بعض

احمد يحضنها من وراى وصار ظهرها على صدره :ياقلبي صدقيني غصب عني ابوي وافق على طلبها

من غير مايشاورني وماقدر اصغره قدام عمي وارفض

ريهام :والله خايفه ياحمد يعني منت مستغرب من طلبها اكيد ناويه على حاجه

احمد :لا تخافين اسماء طيبه وماعندها هالحركات بس كل السالفه انها يمكن ماتبي تعيش عند اهلي

من بعد سالفتنا

ريهام :طيب ليه ماطلبت تعيش لحالها ببيت يكون لها ليه تبي تشاركني

احمد :والله مدري وبعدين ياقلبي لاتشيلين هم كلها كم شهر واشتري بيت لها وتصيرين لحالك وهي

لحالها

ريهام :والله خايفه ياحمد وبعدين انا اموت قهر وانا اتخيلك جالس معها اجل كيف لو اشوفك

بعيوني​
[/FONT]​
[/COLOR][/SIZE][/CENTER][/I][/B]
 
احمد :هههههههه تغارين

ريهام فكت نفسها منه :اي تمسخر علي

احمد يرجع يحضنها :والله ماتمسخر بس صدقيني فرحان وانا اشوف غيرتك على احساس حلو لما يحس

الرجال ان مرته تغار عليه

ريهام :ياسلام انت انبسط وانا اموت قهر

احمد يبوس جبينها: بعيد الشر عنك ياقلبي وبعدين كم مرة اقولك انك انتي الي ملكتي قلبي وماحد غيرك

واسماء كانت طول الوقت بوجهي ولما تزوجتها ماحركت شئ من مشاعري

ريهام بدلع :وانا

احمد :انتي انتي طيرتي عقلي من اول مرة شفتك فيها وسمعت صوتك تعلقت فيك وحبيتك

ريهام :والله

احمد :والله "ويبوس انفها "والله احبك ياغيورة

ريهام :وانا احبك بعد وماتخيل حياتي من غيرك "وحضنته "الله لايحرمني منك

احمد :ولا منك

ريهام :طيب انت لازم تدوام اليوم

احمد :ليه

ريهام :مابيك تطلع ابيك تجلس معي اليوم بطوله لاني من بكرة ماراح اخذ راحتي معك وراح يكون في احد

يشاركني فيك انا اليوم ابيك لي لحالي

احمد يشيلها :الدوام والمدير اجطل فيهم لعيونك ياعمري انتي

ريهام تبوس خده :يابعد عمري انت

احمد :ريهام قلبي صبري لحد مانروح الغرفه لا اتهور الحين

ريهام :هههههههههههههههه




دانه :السلام

الكل :وعليكم السلام

دانه :هنوده قلبي كيفك

هنادي ببتسامه :الحمدالله بخير

دانه :وشلونك مع الوحام
هنادي بتعب :تعابني كثير

دانه :معليش ياقلبي بترتاحين منه اذا دخلت الشهر الخامس

اسماء :الي يسمعك يقول خبرة ومجربة ولا انا شاكه انك عاقر

الكل انصدم :..............ز

دانه "لا هذي مو صاحيه ":وليه تشكين

اسماء :والله واخوي واثقه انه يجيب عيال لانه عنده ولد يعني العيب من مين مايبيلها عبقري

:وماشاءالله يعني الحين انتي العبقريه الحين

اسماء ببرود :اكيد مايبيلها ذكاء الي للحين ماحملت

حمد يجلس جنبي ويمسك ايدي كنت ارجف من القهر وشد عليها :والله واثبتي انك غبيه لانه ياعبقرية

زمانك انا الي طلبت منها تاخذ موانع لانا لاحقين على العيال نبي ننبسط قبل "ويلف علي ويحط ايده

على كتفي ويغمز "مو كذا ياقلبي

دانه "انبسطت من دفاعه عني وابتسمت من داخلي "وبدلع :كذا ونص ياعمري

حمد يلف على اسماء :وانتي متى تذلفين وتفكينا من شرك

اسماء بقهر تقوم :اليوم رايحه وافتك من اشكالكم الي تجيب المرض

سهام :دانه عذريها انتي عارفه هي ماتقول كذا الا من القهر الي فيها

دانه :ولا يهمك

حمد :يلا مو مغدينا

سهام :ثواني بس يجي نواف ونحطه


على طاولة الطعام

دانه :حمد بس خلاص انت لازم تخفف من الاكل

حمد عقد حواجبه :نعم

دانه "يي والله وجهه يخوف بس لا قوي قلبك ":اي ماتشوف حالك كيف انتفخت احس ثوبك شوي وينمزع

حمد ماسك الملعقة ويشد عليها ويطالعني بقهر :واذا كيفي امتن انحف مشكلتي اظن

دانه :هذا لو كنت عزوبي تكون حر بس انت متزوج

حمد واحسه شوي وبيخنقني :واذا متزوج

دانه "الصراحه متعه مالها مثيل وانا اشوف القهر والغيض بعيونه ":لازم تراعيني لاني الصراحه

اقرف من الرجال السمين والي له كرش يعني لازم تحافظ على جسمك مثل مانا احافظ عليه

صح
 
حمد عرف اني اقصد كلامه لي لما كان يدقق باكلي :والله الرجال مايعبه اذا سمن لكن المرة غير

دانه :ياسلام اوكي اذا انت بتسمن وتقرفني انا بسمن واقرفك بعد

حمد يعض على شفته :يعني عناد

دانه واحاول امسك ضحكتي :سمها مثل ماتبي

حمد يقوم من الطاوله معصب :الحمدالله

نايف يضحك :يارجال تعال اكيد تمزح مو كذا دانه

دانه الحمدالله على وجود الجلال والاكنت انفضحت مو قادره امسك نفسي عن الضحك:لا مامزح

هنادي :بس احرجتي الرجال

دانه :ايزي احنا متعودين على هالمزح مو كذا حبيبي

حمد طالعني بحقد وصعد فوق للجناح


ريهام :هههههههههههههههههه من صدقك ولا سوا شئ

دانه :سكتي كنت خايفه يقلب الطاول وبالي فيها علي انتي لو شايفه وجهه

ريهام :ههههههههه الله يقطعك شرك طلعتي منتي سهله

دانه بتهيده :الظروف تخلي الانسان يغير من طبعه

ريهام :ندمانه تراك باول الطريق يعني تقدرين تتراجعين

دانه :لا بستمر لحد ماخليه يتغير

ريهام :ولا تخافين بسحب الكلام من احمد وبساعدك

دانه :تسلمين حبيبتي

ريهام :تصدقين حايفه من بكره

دانه :ليه

ريهام :بكره بتجي اسماء تعيش معنا وخايفه منها الصراحه ماني عارفه ايش قصدها من سكنها معي

دانه :مابغى اخوفك بس اسماء صايرة حاقده كثير ماهي اسماء الطيبه الي عرفنها

ريهام :وهذا الي مخوفني اكثر خايفه تفرقني عن احمد

دانه :تحبينه

ريهام :واموت فيه ماتتخيلين قد ايش عوضني عن الاشياء الي كنت فاقدتها سواء معنويا او ماديا

دانه :الله يتمم عليكم ان شاءالله

ريهام :وعقبال ماسمع انك روضتي حمد

دانه :هههههههههههههههه حلوه اروضه

ريهام :طيب دندون متى تزوريني

دانه :ان شاءالله الاسبوع هذا اطلبمنه يجيبني عندك

ريهام :وانا بقول لاحمد يعزمه

دانه : اوكي يلا اخليك الحين

ريهام :باي

ريهام تدخل بصنيه القهوة والحلا :تفضل حبيبي

احمد ياخذ منها :زاد فضلك

ريهام :حبيبي

احمد :هلا قلبي

ريهام :ممم ابيك تعزم حمد ومرته الاسبوع هذا

احمد :ليه

ريهام :من غير ليه اشتقت لصحباتي وخايفه اذا هي طلبت منه يرفض

احمد :ولا يهمك اليوم لما اشوفه اعزمهم ها مبسوطه

ريهام تقوم تجلس جنبه وتبوس خده :كثييييييييير

احمد :طيب وشرايك نطلع نتمشى ونغير جو

ريهام :اوكي يلا ثواني والبس عبايتي

احمد :يلا





دانه "يي وصل الله يستر ":.................

حمد يفك ازرار ثوبه ويقرب مني :سمعيني مو كل مرة تسلم الجرة ان عدتي هالحركه ماراح اسكت لك

دانه وانا امثل البرائه :وانا شسويت

حمد :لا بريئه وش تفسرين كلامك الي صار اليوم

دانه :تقصد يوم قلت لك خفف طيب وانا صادقه يعني مثل مانت ماتبيني اسمن وانا بعد مابيك تسمن

ولا حلال عليك وحرام علي

حمد :طيب ماتقدرين تقولين هالكلام لما نكون لحالنا

دانه :الصراحه ماقدرت وانا اشوفك تاكل شوي وبتاكل الصحن معه

حمد بستنكار :انا
 





دانه :اي ماشفت نفسك كيف تاكل

حمد سكت وتركني وراح يغير ملابسه وانسدح على السرير

دانه بتردد:حمد

حمد :.................

دانه :حمد

حمد :خيييييييير

دانه "اوفف شكله واصل حده ":امم بسالك عبود كيفه الحين

حمد اعتدل بجلسته وبتنهيده :يقول الدكتور انه قام يستجيب للعلاج وان شاءالله قريب بيصحى

دانه "كسر خاطري شكله وهو يتكلم كان ودي اروح اخذه بحضني واوسيه بس مو الحين ":ان شاءالله يقوم

بالسلامه

حمد :ان شاءالله

دانه وانا طالعه من الغرفه :تصبح على خير

حمد:..................

دخلت غرفتي وقفلت الباب وغيرت ملابسي ونمت


ابي اشوف ردودكم الحلوة
 
(الجزء الثالث والعشرون ))

مر اسبوع علينا وانا وحمد على نفس حالنا هو يعاند وانا اعاند اما اسماء فراحت مع احمد وصار

بينها وبين ريهام جدوال يوم لها ويوم لريهام بس من اول يوم واسماء تدور على اي زله لريهام

ودايماترميها بالكلام وريهام تسكت عنها وتترك المكان اذا صارت هي وياها لوحدهم


دانه :سمعتي الي قلت لك

هنادي :والله سمعت وفهمت

دانه :ماتتحركين الا لما اطلع لك انا سامعه

هنادي :خلاص فهمت

دانه :اوكي يلا بعد ربع ساعه


صعدت جناحي وغيرت ملابسي لبست بنطلون برمودا جينز مخصر على جسمي ولو ويست مع

بدي احمر علاق ورفعت شعري بطريقه مهمله وبعدها اخذت شنطه صغيره للسفر وحطيت فيها

اغراض وانتظرت لح ماسمعت الباب وفزيت وخليت نفسي احاول ارفعها فوق الدولاب وبحكم اني

قزمه وماطول فما قدرت وسويت نفسي مو منتبها لحمد

دانه :ياربيييي ولافي سلم بعد افففف

حمد انتبهت له وهو متنح علي :ايش جالسه تسوين

دانه بدلع :ابي ارفع الشنطه "وتكتفت "الحين عرفت صدق اني قزمه

حمد :هههههههههه يعني معصبه عشانك ماتطولين

دانه :ايه اضحك على مو انا نكته لك

حمد قرب مني وبسرعه رفعني للدولاب :والحين تطولينه

دانه "صرت بقمة الاحراج حاولت مابين بس ماقدرت "حطيت الشنطه :خلاص نزلني

حمد نزلني بشويش ولفني وصرت مقابله له ويديه مازالت محاوطه خصري :الحين رضيتي

دانه بلعت ريقي لان قربه مني يوترني :اي اتركني

حمد :بذمتك ماشتقتي لي

دانه "والله اشتقت لك ولحضنك ":لا
حمد :تكذبين طالعيني وانتي تقولينها

دانه رفعت نظري له بصعوبه :لا ماشتقت

حمد يقربني اكثر له وهمس باذني :طيب انا اشتقت لك

دانه احاول ابعده عني بس مافي فايده :حمد بعد

حمد رفع وجهي له :صدق ماعدتي تحبيني

دانه صار فكي يرجف :اي ماعدت احبك

حمد :طيب ليه مسكرة عيونك وانتي تقولينها

دانه :......................

حمد :انا متاكد انك تحبيني

دانه "ياربي بيذبحني عارف اني اذوب وانا بحضنه ":لا ماحبك

حمد :ثبتي لي

دانه عقدت حواجبي :كيف

حمد بهمس :انتي عارفه كيف

دانه "يي يي وينك ياهنادي الله يقطع بليسك ":حمد بعد

حمد يقر مني اكثر واكثر واكثر

طق طق طق

حمد بنرفزة :ميييييين

هنادي بخوف :ووين دانه

حمد :دانه مشغوله

هنادي :نادها ابيها ضروري

دانه توني بتكلم حط ايده على فمي :...........

حمد :بعدين الحين مشغوله

دانه ابي افك نفسي منه مو قادرة "وش هالورطه الي طيحت نفسي فيها ":........ز

هنادي "والله بتذبحني ان تركتها شسوي شسوي اي لقيتها :اه حمد بسرعه وين دانه تعبانه

حمد تركني بقهر :لحظه

دانه "والله وطلعتي خطيرة ياهنودة " وبتمثيل :حبيبتي وش فيك تعالي معي جناحك

وطلعت معها بسرعه وانا احمد ربي ان الموضوع عدا على خير اما حمد سمعته يسب بقهر

"ههههههههه هذا اشوي ياحمد اصبر علي انت بس ان ماهبلت فيك "



دنيا :حبيبي انت متغير على كثير

حمد من غير مبالاة :كيف متغير

دنيا بزعل :من تجي وانت سرحان وتفكر ولا كاني موجوده ولاحتى عطيتني رايك بالفستان

الي شريته مخصوص لك

حمد من غير مايطالعها :حلو حلو

دنيا :اففف ياحمد ماصارت ذي حاله

حمد رافع حاجبه :المطلوب

دنيا تجلس جنبه :ابيك تحس فيني مثل قبل احس انك ماعاد تحبني

حمد :ومن قال لك اساسا اني كنت احبك

دنيا :كيييف

حمد :لاتمثلين علي انتي عارفه اني ماتزوجتك حبا فيك انا تزوجتك لانك دخلتي مزاج بس

والحين مليت منك يعني وبصريح العبارة بكرة اشوف اغراضك كلها برا الشقه سامعه

يلا روحي انتي طالق

دنيا بصدمه :ليييييييييه

حمد :مليت منك ومن حنتك

دنيا :حرام عليك

حمد :اظن انك عارفه ان الطلاق صاير صاير لان هالزواج ماله نهايه الاهو

دنيا تبكي :بس انا احبك

حمد :وانا لا خلاص بكرة يجيك نصيبك والي يحبك ويعزك تن شاءالله

دنيا :بس انا مابي الا انت

حمد :وانا مو لك ولا لغيرك

وطلع وتركها هاذي نهاية نوعيه هالزواج والمستفيد الوحيد هو الرجال والمرة اكبر خسرانه لما

توافق عليه


احمد :طيب ليه شايل الدنيا فوق راسك

حمد بقهر :بتجنني هالبنت

احمد :وانت ايش هامك مو تقول ماتحبها

حمد :اي ماحبها بس هي ملكي

احمد :................

حمد :والله انها تطلعني من طوري تدلل وتدلع لي ولما اقربها تصدني لييه

احمد:.............

حمد :جننتني اشغلت بالي صرت ماعرف اجلس مع غيرها براحه صرت افكر فيها اهوجس فيها

احمد :................ز

حمد :ياحمد صارت قاسيه بس مازالت عفويه وبريئه مهما حاولت

احمد :....................

حمد :حتى لو حاولت اني اجيها بالقوة في حاجه تمنعني ولما احاول اضربها احس ان ايدي ماتطاوعني مثل قبل

احمد:بصراحه ومن غير لف ودوران انت تحبها وهذا الي مجننك انها ماعادت تبادلك الحب

حمد بحده :لا لا هي تحبني

احمد ببرود:بس افعالها ماتدل على هالشئ

حمد :بس انا

احمد :انت ايش
 
حمد :ابيها تحبني ابيها ترجع دانه الاوليه

احمد :ايه دانه الي تضربها وتسكت الي تهينها وتسكت

حمد :لا ماقصد هذا انا اقصد دانه الي تحبني دانه الي تحب قربي موالحين تنفر مني وماتصدق متى ابعد عنها

احمد :اسمح لي انت الي جبته لنفسك

حمد يتنهد :طيب الحين خلك مني انت كيف الاحوال عندك مع الثنتين

احمد :اسكت ياشيخ اختك تدور المشاكل

حمد :كيف

احمد :دايما تدور لها عذر عشان تزعل او تنرفز ريهام

حمد :ايش تتوقع ضراير ومجتمعين ببيت واحد

احمد :ايه الله يعين



ريهام :لو سمحتي اتركيه من ايدك انتي ناسيه ان اليوم دوري بالطبخ

اسماء :والله لما شفتك ماتعرفين للطبخ قلت انقذ المسكين احمد الي انبلى باكلك

ريهام :ومن قال هالكلام بالعكس احمد يموت على طبخي

اسماء :يجامل ياماما

ريهام تطلع من المطبخ :قولي الي تبين انا عارفه ان احمد يحب كل حاجه فيني

اسماء بلعانه اخذت الملح وحطت نص العلبه بالطبخه وطلعت من المطبخ بسرعه



ريهام :هلا بقلبي يلا ثواني والغدا جاهز

احمد ببتسامه :هلا فيك انتي ها وش مسويه اليوم

ريهام :مسويه لك فوتشيني الي تحبه

احمد:ياسلام كانك تقرين الي ببالي يلا بروح اغير واجي


احمد :كثري ليه صايره بخيله

ريهام :ههههه ولايهمك ياقلبي

احمد :شكلي بترك الاكل

ريهام بدلع :لا ابيك تتغذى كويس ياعمري والله احسك ضعفان

احمد يتدلل :طيب يلا اكليني ماصرت ضعفان الا لانك مهملتني

ريهام :انا طيب ياعمري ولاتزعل

احمد :خلاص انا زعلت

ريهام :كلا ولا زعل حبيبي وروحي ايش يرضيك

احمد ياشر على خده :يلا بسرعه

ريهام تجي وتبوس خده :ها ياعمري رضيت

احمد توه بيتكلم الا اسماء تدخل :احم احم خلاص كفايه

ريهام انتبهت لها :ماتبي ازيد صحنك

احمد :لا خلاص

جلست اسماء وحطت لها من السلطة بس

احمد توه حاط اللقمه بفمه الا :كح كح كح

ريهام بسرعه تقوم عشان تعطيه الماي الا اسماء سبقتها :بسم الله عليك

احمد بعصبيه :انتي وش مسويه

ريهام بصدمه :حبيبي شفيك

احمد :ناويه تذبحيني وش هالملح الي حاطته

ريهام :انا اذبحك

اسماء :قلت لك ماتعرفين تطبخين بس ماتسمعين ولا مستقصده هالحركه تبين تسوينها فيني

ريهام :انا

احمد بعد ماشرب الماي :سمعي شغل الضراير مابيه سامه انتي مو بزر

ريهام تحاول انها ماتبكي وهي تشوف علامات الانتصار بوجه اسماء :..............

احمد وهو قايم :سديتي نفسي

ريهام منصدمه من احمد اول مرة يعصب عليها ويكلمها بالاسلوب هذا وراحت بسرعه للغرفه

وسكرت على نفسها وصارت تبكي والي قهرها ان احمد ماعبرها ولا رضاها ولان اليوم يوم

اسماء ماشافت وجهه من بعد العشاء



جالسين نتفرج على فلم كوميدي وكنت بكامل اناقتي وكل شوي اتميع عليه واشوفه وهو يبلع ريقه

حمد "يعني مسويه نفسك مو مهتمه ها الحين اخليك تغرين "ومن غير ماحس طلع جواله ودق دقه على ريم

وثواني والاهي داقه

دانه "شفيه مايرد ":حمد

حمد :هلا

دانه :جوالك يرن

حمد :اها ردي انتي

دانه استنكرت الموضوع :انا

حمد :ايه انتي ردي

دانه :يعني عادي اكلم حد من اصحابك

حمد بخبث :ومن قال انهم اصحابي ردي انتي وتعرفين

دانه اخذت الجوال وشفته "المزيونه يتصل بك "عرفت انها وحده من حريمه :هلا

ريم :اهلين اسفه اختي شكلي غلطانه

دانه :لا حبيبتي مو غلطانه مو داقه على حمد

ريم :اي

دانه "احاول مابين له غيضي ":ايه هذا جواله يعني مو غلطانه امم شلونك ان شاءالله بخير

ريم باستغراب :انتي دانه

دانه :هلا فيك اي انا ان شاءالله مبسوطه مع حمد شوفي حبيبتي اذا زعلك في اي حاجه قول لي وانا

اوريك فيه اوكي يلا هذا حمد معك

حمد "اذبحها ياناس وش هالبرود يعني معقوله مو مهتمه ولا تقول لها اذا زعلك معقوله ماعدت اهمها "

دانه وانا اتصنع عدم المبالاة :حمد زوجتك تبيك شكلها اشتقت لك ليه ماتروح لها

حمد ياخذ مني الجوال بعنف :هلا ريم بعدين اكلمك

دانه ببتسامه :ليه كذا شكل البنت مشتاقه لك مو حرام ماتسمع لها

حمد :انتي بتجننيني

دانه ببراءة :انا ليه

حمد :يعني تبين تفهميني انك مو مهتمه لان ريم داقه علي وتبيني

دانه :لا لاني قلت لك انت ماتهمني والصراحه انا ابيك تروح لها ابي ارتاح شوي

حمد :ترتاحين مني

دانه :اي

حمد يمسك يدي :ليه يادانه ليه

دانه :ليه ايش

حمد :ليه هالقساوة ليه عدم هالامبالاة

دانه بنظرات كره :تربيتك ومنكم نتعلم استاذ حمد

حمد بحده :مو على كيفك وماتقدرين تمنعيني اني اخذ حقوقي منك

دانه ببرود :اقدر

حمد :ماتقدرين وغير كذا تبين الملائكة تلعنك

دانه :لا ان شاءالله مايصير

حمد يجرني لحضنه :لا بيصير بس انا ماخذ حقي ماخذه الليله

دانه ببرود نرفزه اكثر :ما تقدر

حمد بعصبيه :انا اوريك

دانه وماتحركت :ماتقدر لاني محرمه عليك فهمت ولا افهمك ازيد بالعربي الفصيح ماعلي صلاة

"ماعرفت كيف جاتني الجراءة وقلت له انا اخجل لما اقول لامي شلون هو "

حمد بقهر اخذ مفاتيحه وجواله ولما جا يطلع :سلام لي على ريم طيب

حمد سكر الباب باقوى ماعنده


احمد :ريهام ..ريهام

ريهام :نعم

احمد "ياقلبي على الزعلانين والله لاراضيك ":تعالي

ريهام واقفه عند باب الصاله :احمد شتبغى وراي شغل

احمد :طيب انتي تعالي

ريهام جات لعند:نعم

احمد :جلسي

ريهام :يوو احمد شكلك راعي طويله اخلص وراي شغل

احمد يمسك ايدها بحنيه :تعالي ياقلبي زعلانه

ريهام بزعل :وانت يهمك

احمد:اكيد يهمني

ريهام :باين تاركني من امس وانا زعلانه ولا حتى عبرتني

احمد:وانا اقول العيون منفوخه

ريهام :اي تمسخر علي هذا الي فالح فيه

احمد:والله ياقلبي مايهون على زعلك بس تدرين اني ماقدرت اجيك واليوم يومها
 
عودة
أعلى