ياحبيبي على جنب ماكبير إلا الكبير

الشعر, قصيدة , شعراء, القصايد ارسال إلى Twitter ارسال إلى facebook
  1. ضحكها هيبة بكاها
    10-10-2009, 08:27 PM

    ياحبيبي على جنب ماكبير إلا الكبير

    ياحبيبي على جنب ماكبير إلا الكبير


    إيه افتخر خذ راحتك دامك تبي نفسك كبير . .
    من قدنا ياقلب نتعامل . . مع الناس الكبار . . .

    تدري وش اصل المشكله يا لابس الثوب الحرير . .
    المشكله انك نسيت . . أن البشر اصله غبار . . .

    صحيح ما انكر وإذا انكرت انبني الضمير . .
    إن الحلا عقد فجيدك . . والدلع فإيدك سوار . . .

    وانك مثير بكل شي حتى الزعل عندك مثير . .
    وإن الصبايا كلها . . من نظرة عيونك تغار . . .

    واللي يريد يغير منك مايفيده لو يغير . .
    والله ما يشفي غليله . . منك كود الإنتحار . . .

    بس ويش يعني لو طلع مالك شبيه ولا نظير . .
    يعني جميع الناس ذولي . . مالهم اي اعتبار . . .

    حتى أنا ما امليت عينك لا حبيبي مايصير . .
    وشلون اجل حنا حبايب . . كل واحد له مسار . . .

    تدري بغلاتك ما يفيد اللغو والهرج الكثير . .
    تدري احبك وإن حبك . . اول واخر قرار . . .

    وتدري إذا ناديتني انسى الزمن كله واطير . .
    وتدري غيابك يشعل الأشواق . . في قلبي شرار . . .

    وتدري معك مفتاح قلبي وانت من فوقه أمير . .
    سلمت لك قلبي بايديني . . بس من دون اختيار . . .

    وتدري معك ماشي ولا ادري إلى وين المصير . .
    وتدري من عنادك . . اشوف النجم في عز النهار . . .

    واشوف حبك مثل عالم حر في عين الأسير . .
    لا قادر يطوله ولا يدري . . وش اخر الإنتظار . . .

    واشوف حبي لعبة يلعب بها طفل صغير . .
    كسر ودمر لعبتك . . دامك تلذذ بالدمار . . .

    بس لا تحسب يوم بأترجاك أو خلفك باسير . .
    راسي واعرفه ياحبيبي . . ماتعود الأنكسار . . .

    إن كان في حبك مذله زيح عن جوي وطير . .
    عند الكرامه اشتري نفسي . . بعزه واقتدار . . .

    قل لي غبي ولا جري ولا ولد عقله صغير . .
    قل ما تبي هذي الحقيقه . . قلتها لك بإختصار . . .

    كثير حبوني وأنا حبيت في الدنيا كثير . .
    بس كلهم عندي . . سوى مابه كبار ولا صغار . . .

    خل التغلي ياحبيبي ماكبير إلا الكبير . .
    وان كانك مصمم ترى . . حنا بعد ناس كبار . . .





    م/ن
  2. NATACHA
    10-10-2009, 08:31 PM

    ياحبيبي على جنب ماكبير إلا الكبير


    يسلموووووووووووووو
  3. طير القوافي
    10-10-2009, 09:48 PM

    ياحبيبي على جنب ماكبير إلا الكبير



    وتدري إذا ناديتني انسى الزمن كله واطير . .
    وتدري غيابك يشعل الأشواق . . في قلبي شرار . . .

    وتدري معك مفتاح قلبي وانت من فوقه أمير . .
    سلمت لك قلبي بايديني . . بس من دون اختيار . . .

    وتدري معك ماشي ولا ادري إلى وين المصير . .
    وتدري من عنادك . . اشوف النجم في عز النهار . . .

    صح لسانك ولسان الشاعر

    مودتي
    طير القوافي