خربوك - احمد الصانع

ياحادي الحلم
عندي مانقص قدرك
في البال تبقى
وه النسيان
مو حولك !


لازلت واقف ب وجه الريح
و أنتظرك
لو كنت عايش شعوري ؟
طحت
من طولك !



إفترقنا
وإنقطع حتى السلام !
إنت متغير علي من
جيتهم
أدري مو منك حبيبي هالكلام
خربوك !
الله يخرب بيتهم :
من يفسر حلم تاليه الخصام ؟
ليتني مانمت

وإلا ليتهم !

طيحوك شلون من عيني ؟

حرام


كل جروحي النايمه
صحيتهم !
السما صدري يا أسراب الحمام
يا حسافه طرت
من طريتهم !


ألفظ أنفاسي

ويخنقني ملام :
هم هذول !
إللي علي بديتهم ؟
السنين عجاف وأيامي سقام
و الدموع تطيح ما رديتهم
كان حلمي لابس ثياب الظلام
وأدري مو واقع وما حبيتهم !

كان حلمي طفل في حزة فطام
وداخلي أشياء لك خليتهم !
كان حلمي إنك تخون الغرام !
وإللي أكره طبعهم أغليتهم!
كان حلمي يوم عن مليون عام :
والثواني تشيب لو عديتهم
كان حلمي فيك يا عالي المقام
وقمت أخاف الحلم يخرب بيتهم !


كل من بقلبه شقى الليله ينام

إلا أنا عيوني عليك أبكيتهم

إنت إيدك كريمه ماترد الطعون

وانا قلبي يردد المسامح كريم

تدري ماكنت أحاتي لاتطيح العيون

خوفي لاتطيح منها إنت والله العظيم​
 
مشرفي \سيف الملوك..
أخي \طير القوافي..
أخجلتم الحروف بأجمل طله ..
أهديتموني روح الفخر والاعتزاز ..
منحتموني نور أضاء متصفحي ..
شكرا لكم بكل الود ..
 
دائما انتظر زهو حروفك وروعه منقولك وجمال حسك...
خيتو سلمت اناملك الذهبيه ونحن ننتظر بشوق لكل ماتقدميه من ابداع...
دمتي بخير اينما كنتي ...
 
روحي بالرياض .,.,

صح لسانج ولسان شاعرها ...

وتسسسلم الانامل اللي نقلتها لنا ...

تعودتنا ع ذوقج الراقي ... واختياراتج المبدعه .... تنسيقج الراقي ...

ابيات ولا اروع .. يضيع فيها الواحد اذا جا يقراها ... روعه بروعة حظورج لادعمنا هالطله ..

جميل ما اخترتي لنا يا عسسسسسسل ...

تستاهل التقييم .. فايف ستارز ..

تحياتي ...
 
قصيدة رائعة حبيبتي ..

لاهنتي على النقل ..جدا راقت لي..

وراق لي من نقلتها ..

الله يعطيك العافية وعساك على القوة ..
 
روحي صح نقلك

وبالنسبه لأحمد الصانع

أخذ مساحه كبيره في المنتديات ..!

وهو فاقد أساس من أساسيات الشعر الا وهو الوزن

روحي لا اتكلم عن القصيده هاذي بعينها

لكن في قصائد اخرى ..

عنده كسور في البيوت عجيبه غريبه

أنا مستغرب بصراحه ..

دمتي بخير ..​
 
عودة
أعلى